Kaning mga jeepney drivers, hilig kaayo motamas-tamas sa balaod sa trapiko, pero madakpan na gani, palooy-looy dayon na murag aspiring dramatic actor ug sige dayon pangalot sa ulo bisan wa kiniy kaspa, hehehe...bukingan time ta ron...atoa ibuking ang mga palusot nila kung madakpan na...hehehe
1) Kung madakpan na wa gasiga ang headlight sa sakyanan. - Bawal na di pasigaon ang suga sa sakyanan sa atubangan kung gabii kay lagmit kining di makita ug maoy rason na naay maaksidente, gani kung maparahan sila sa traffic enforcers ang pirmi nila'g palusot? Moingon dayon sila na " Sir gasiga man na ganina oi, wa dyod ko kabantay na wa na diay gasiga, (with matching palooy-looy ang hitsura na murag nagpa-audition sa usa ka dramatic movie hehehe)...Estoryahheee!!! hehehe...ana dyod na pirmi ilang mga rason, pero sa tinooday gituyo dyod na sa mga kurimaw, kabalong bawal, padayon gihapon ang katunto. Syaro di ka kabantay no na wa nagsiga ang imoha suga na gabii man? Unsa nang imo mata naay deperensya? Aw hunong pagdriver de pasaheroan oi!
2) Kung madakpan na overloading - Ang ilang irason? "Ingnon bitaw nako Sir di man dyod maminaw, mokapyot man dyod." Ayaw pailad anang mga tubaga hehehe...kabantay man gani ta pirmi na bisan wa nay lugar magsyagit-syagit pa na sila na kuwang pa'g tulo unya pagsaka nimo wa na diay ug kapyot nala'y imo di ba? Pun-an pang mga extension seat na samot sad na bawal...kanindut nalang ibunal ang linkoranan sa likod sa driver para matagam nang mga amaw ug pangutok.
3) Kung madakpan na nibyahe sa di niya rota, or nagroute-cutting- Mahitabo ni pirmi kung gabii, kinaiyahay la'g buot-buot sa rota, ug route-cutting sa ila byahe. Ang uban gani na pasahero maglisod na'g pauli usahay kay di naman molahos ang mga jeep sa ila destinasyon na unta kung unsay byahe sa jeep, mao man dyod nang sundon, ug di pwede na magbuot ang driver kung asa lang siya kutob. Unsay rason pirmi sa mga kurimaw na driver kung madakpan? "Padulong naman ko grahe Sir, maong diri nalang ko niagi ba" Pagkanindot tadyakan ning aning mga tawhana dyod oi, murag wa kabalo ba unsay responsibilidad nila bilang usa ka driver. Di lagi mo pwede magbuot sa inyong byahe mga dodong, ni padulong namo uli, o kalibangon baka ngara! ang imo rota maoy sunda, ihatod sa ang imo mga pasahero ug di ka pwede magpagusto asa ra ka kutob. Unsa feeling nimo presidente ka na magbuot sa imoha gusto? Ayaw nalang pagjeepney driver kung mao na imo style palit nala'g auto ug pagjoyride sa imo pagkaamaw!
4) Kung madakpan na nihunong ug nanguhag pasahero sa No Stopping area. - "Di man maklaro ang signage gud" Ayaw buhatag bogo ang mga tao dodong, bisan klaro pa na, mohunong dyod mo basta naay pasahero. Kanang inyong kalaki mao nang kalaki sa mga tawong nagpapuno sa kauwaw sa nasud. Mga walay disiplina!
5) Masakpan na walay handbrake- Kuyaw ning sakyanana na walay handbrake, kay nagsalig sa foot brake. Unsaon man kung pagtamak niini sa footbrake didto na siya nakabalo na nibuto na ang rubber cap niini? Disgrasya ang padulngan? Ang rason? "Amoa na ni gpa-report sa operator Sir, scheduled pa ni butangan" Mao ba? Unya imo na gigamit? Kung madisgrasya ang imo pasahero unsaon nalang? Tsk tsk tsk! Ayaw ipatumbayay nang imo pagkaamaw kay kabuhi ang imo gidala! Praning man siguro ning utoka nimo do hehehe.
Naa pa na sila'y style na tandaan nila ang ngalan sa nidakop nila, ug sa sunod na madakpan sila ug natimingan sad na naa tong nidakop nila sauna na enforcer, magpadungog-dungog dayon na kaila siya sa kaubang enforcer niini dayon ingun sa ngalan ug moingon na "kauban diay mo sir'? Ako pay enforcer tubagon dyod nako na "Obvious ba pareha mi'g uniform?" Abi siguro sa pagpadungog-dungog na kaila sya sa ngalan sa usa ka kaubang enforcer di siya dakpon. Hehehe ilara ko dong!
................
Bukingan Time! PUJ Drivers' Palusot 101
Originally Posted by FAQ
Reply With Quote
