Nag-*** sa compound sa simbahan sa Talisay
HASKANG demalasa sa managhinigugmaay nga naghilawas sud sa compound sa simbahan sa Santa Teresa de Avila sa Poblacion,Talisay city kay nasakpan kagahapong adlawa.
Ang babaye gihulagway sa kapitan sa Poblacion nga si Teodoro Belleza nga maoy nidakop kanila nga nasuko pa nga gibadlong ug nanghagad pa kon kinsay mosunod.
Sa kadaghang lugar sa Talisay nga puwede nila kataguan, didto pa gyud sila sa kakahoyan nga bahin kilid sa koral sa simbahan apan nakit-an sila sa mga tawo nga nangagi.
Naghapin lang og habol ang duha, dihang wa na nila kapugngi ang ilang gibati ug nagsawo sa kalipay.
Ang lugar nga ilang gihimoan sa panaghilawas anaa mahimutang sa tuo nga bahin sa simbahan ug gipahimuslan nila ang daghan nga mga punoan sa kahoy ug mga dahon nga makatabon.
Apan sa ilang panaghilawas, nangagi nga mga tawo nakabantay lakip na ang mga tinun-an sa usa ka pribadong tunghaan nga duol sa simbahan.
Si kapitan Belleza nga nagsakay og motorsiklo paingon nga mopauli pasado alas 12:00 sa udto gipahibawo nga dunay naghilawas ilawom sa kakahoyan sa simbahan.
Diha diha gipatawag ni kapitan Belleza ang mga tanod nga sila si Rodulfo Mabalo ug Richard Quijano ug gidakop ang duha.
Ang lalake nagpanuigon og 42, taga sityo Sawsawan,barangay San Roque samtang 38 usab ang babaye.
Daghan nang mga tawo ang naglibot sa duha dihang nangabot ang mga tanod ug si Belleza ug nasuko pa ang babaye nga gibadlong.
“Ako silang giingnan nga respituhan nila ang lugar tungod kay anaa kini sud sa compound sa simbahan apan ang babaye nasuko hinuon ug nanghagad pa og kinsay mosunod”, matod sa kapitan.
Nagtuo ang kapitan nga managhigugmaay ang duha ug pulos kini nakainom kay nanimaho mang bino dihang gidakop.
Ang duha gi-turn-over ngadto sa kapulisan sa Talisay City. (VLM)
Source:
Sun.Star Superbalita Online
Nagsex sa Simbahan
Posting Permissions
