Misis napalgang patay; bana giimbestigar!!!

[supermarionism]

---

Misis napalgang patay; bana giimbestigar
BABAYENG caregiver napalgang patay sud sa awto sa iyang bana pasado alas 5 kagahapon sa buntag sa Almendras Street, Barangay Mabolo, siyudad sa Sugbo.

Gihigtan og packaging tape ang tiil ug mga kamot samtang gibaatan ang baba ni Agnelen Uy, 31, minyo, taga Deca Homes, dakbayan sa Talisay.
Napalgan usab nga dunay samad pinusilan sa i**yang tangkugo.
Ang iyang bana nga si Wayne Christopher Uy, 40, negusyante, taga Tipolo, dakbayan sa Mandaue nipasangil nga gidagit siya sa duha ka mga tawo nga nagmotorsiklo dala ang ilang sakyanan mga pasado alas 7 sa gabii sa may S and R sa North Reclamation Area.
Apan iyang giangkon nga nilanat pa og pipila ka mga oras una siya naka-report sa Subangdaku police station sa Mandaue City Police Office (MCPO) sa hitabo.
Unang nakakita sa sakyanan nga gi-park sa kilid sa Arcon Arcade building mga alas 7 sa gabii niadtong Miyerkules ang guwardiya nga si Wilfredo Pasie.
Sa iyang pag-roving, naa pa ang sakyanan hinungdan nga iyang gisusi.
“Pagtambo nako sa samin, duna may babaye nga gigapos ang tiil. Ako dayon gitawag si Jonas, ang stay-in diri aron manawag og pulis,” asoy ni Pasie.
Sa dihang gihiling sa mga sakop sa Crime Scene Investigation team ang lawas sa biktima, duna kiniy pinusilan sa may tangkugo ug milapos sa tuong bahin sa ulo.
Nailhan si Uy pinaagi sa nakuhang identification card (ID).
Matod ni SPO3 Felomino Mendaros, imbestigador sa Homicide Section sa Cebu City Police Office nga dako ang posibilidad nga patay nang daan si Uy sa wa pa dad-a sa maong lugar.
Nagtuo usab sila nga ang killer o killers dunay plano nga sunugon ang sakyanan tungod sa nakitang gasolina sa front seat sa awto nga gisud sa galon.
“Subayon pa gyud nato ni unsay motibo. Pero sa atong duda nagplano ang mga suspek nga sunogon ang sakyanan kay naa man tay nakita nga gasolina” sigon ni Mendaros.
Nianang pagka alas 7 sa buntag kagahapon, ni*butho si Wayne Christopher Uy, bana ni Agnelin, sa Rolling Hills funeral homes diin didto gidala ang patayng lawas sa biktima.
Iyang gikompirmar nga iyang asawa ang nakaplagan nga wa nay kinabuhi.
Gidagit?
Giangkon ni Wayne nga nagkita sila alas 4 sa ha*pon niadtong Miyerkules ug nag-estorya sa annulment nga gipasaka sa korte.
Silang duha ang luwan sa Kia Picanto nga green nga dunay plate number nga YDL 514 apan pasado alas 7 sa gabii sa may atbang sa S and R North Reclamation area, kalit lang silang gibabagan sa duha ka mga lalake nga nagmotorsiklo ug dayong tion kanila og armas.
Gipakanaog siya sa sakyanan ug nibanos sa pagmaneho ang usa sa mga lalake dayog padagan dala ang iyang asawa.
“Pagharang, gitionan man ko. Gisinyasan man ko mogawas. So, nigawas ko. Ang usa misud dayon ug gikuha ang sakyanan. Nagtuo ko nga karnapon ang sakyanan or i-hostage ba ko or mao ba to iyang plano kay sige man gud ni siya (Agnelin) og text nako nga nanghulga,” asoy ni Wayne Uy.
Nilanat pa og pila ka oras una siya naka huna-huna nga magpa blotter sa Subangdaku police station tungod sa iyang kalibog unsay iyang buhaton.
Iyang giangkon nga wala na silay maayong relasyon sa iyang asawa sud na sa upat ka tuig.
Nagbuwag na sila pagpuyo sanglit naa siya sa Tipolo siyudad sa Mandaue samtang ang iyang asawa sa Talisay City.
Niadtong Agusto, 13 nagpa-blotter si Wayne sa Subangdako police station tungod sa giingong hulga sa iyang asawa pinaagi sa text nga siya patyon.
Siya nipasangil nga kini tungod sa iyang nadiskobrehan nga dunay laing lalake nga gikarelasyon ang iyang asawa. Nibalik siya pagpa blotter pagka Agusto 15 human, matod pa, gidunggab siya niini og gunting ug gisuwatan ang iyang sakyanan og RIP (rest in peace).
Dunay CCTV footage
Dunay nakuha nga close circuit television (CCTV) foo*tage ang kapulisan sa dapit diin nakaplagan ang sakyanan.
Matod ni Señor nga di maklaro ang tawo sa video, apan makita nga dunay tawo nga nigawas sa sak*yanan pasado alas 7 sa gabii.
Samtang anaa na usab sa kustodiya sa Homicide Section ang usa ka saksi nga giingon ni Señor nga nasayod sa krimen apan wala modetalye kon nakakita ba kini sa pagpatay.
Ang Homicide Section niimbitar kang Wayne ia*ron ipaubos sa imbestigasyon.
Matod ni Señor nga si Wayne ilang giila nga person of interest tungod sa ilang bangi sa biktima.
Sa pagsuwat ning balita nagpadayon pa ang im*bestigasyon ug gikuhaan pa usab sa iyang pamahayag si Wayne. “Siya ang atong makonsiderar nga person of interest tungod kay naa man silay pending annulment case. So, siya atong imbestigahon sa pagkaka*ron,” pagklaro ni Señor.

Misis napalgang patay; bana giimbestigar | Sun.Star

[<SMILE>]

Maayo gani kay nakit-an sa guwardiya,
maorag padulong na gyud tingale to sunogon o unsa ba kaha.

Giangkon ni Wayne nga nagkita sila alas 4 sa ha*pon niadtong Miyerkules ug nag-estorya sa annulment nga gipasaka sa korte.

Pangagpas ra na ha.

[BetterPhilippines2015]

So much for a "perfect" murder. Body is the most important piece of evidence in a murder. Burning it doesn't help because of modern forensic science.

Wala siya nagpa blotter dayon kay "naglibog" daw siya unsa iyang buhaton. Ilaron pay bata nimo noy.

"You want a perfect murder weapon? Sculp and ice knife and stab your victim in the neck"

[Rigor Mortis]

ang makaduda nganong dugay cya ngpablotter human pgkidnap sa iyang asawa. . .

[slakker]

hope she gets justice, rest in peace...

[supermarionism]

Nagka sumpaki na gyud diay sila..!

"Niadtong Agusto, 13 nagpa-blotter si Wayne sa Subangdako police station tungod sa giingong hulga sa iyang asawa pinaagi sa text nga siya patyon.
Siya nipasangil nga kini tungod sa iyang nadiskobrehan nga dunay laing lalake nga gikarelasyon ang iyang asawa. Nibalik siya pagpa blotter pagka Agusto 15 human, matod pa, gidunggab siya niini og gunting ug gisuwatan ang iyang sakyanan og RIP (rest in peace)."

[jntio]

ang makaduda nganong dugay cya ngpablotter human pgkidnap sa iyang asawa. . .

wa paman ka hipos hehe

[zHun]

taga smartminds mani cya dba? pastilan, RIP sa iyang asawa.

[Rickyc]

Tin-aw kaayu sa bolang crystal ni madam auring ang suspek sa pagpatay. RIP.

[godwhacker]

usa sa tan-awon sa mga polis ang plastic bottle nga dunay 3 ka litro nga gasolina. basin dunay mga recibo sa sud sa picanto ug asa nga gas station natubil ang gasolina. ubang mga gas station karon duna usab mga camera basin makita nila kung kinsa nagpalit ato.