Mongaya: Rubbing alcohol tag P4,000 ang botelya? | Sun.Star
ANGAYAN gyung imbestigahon dayon ni Mayor Mike Rama kining nilutaw karon nga mga kasayuran kabahin sa mga overpriced items nga gipalit sa iyang administrasyon sa miaging tuig.
Pwede ra mapiyongan ang usa ka sekretarya nga mang-solicit ginamit ang ngalan sa mayor. Apan lahi na sab tingale kining rubbing alcohol nga gipalit sa presyo nga P4,000 kapin ang botelya.
Kining maong kasayuran, gikataho nga gikutlo gikan sa labing bag-o nga report sa Commission on Audit (COA) kabahin sa performance sa Syudad sa Sugbo sa 2014.
Gikataho nga nasakpan sa COA nga nipalit ang City Hall og lima ka botelya nga rubbing alcohol sa presyo nga P21,222. Ug kay gikuha man kini gikan sa Pagcor funds, buot ipasabot nga ang pag-uyon niini ubos sa discretion sa Office of the Mayor.
Johnny Walker
Grabiha sab anang alcohola ba nga moabot man og P4,000 kapin ang botelya.
Lalim bay, mas barato pa man ang Johnny Walker Premier nga 750 ml kay $88 diha sa website sa Duty Free Philippines. Sa exchange rate nga P45 kada dolyar, ang Johnny Walker Premier tag P3,960.00 lang ang botelya.
Unya, unsang klase nga ribbon kaha ang gipalit sa City Hall alang sa Sinulog kay ang upat ka rolyo gibayran man og P49,392. Buot ipasabot, ang matag rolyo, moabot og P12,464.
Love hormone?
Unya sa
Sun.Star Cebu sa miaging adlaw, namalit sab diay ang City Hall og tambal sa presyo nga P280 ang matag ampoule pero diha sa DOH Botica, moabot lang og P27 matag ampoule.
Nalingaw ko kay kining maong tambal nga oxytocin, ginganlan sab diay og love hormone.
Ambot nganong nagkinahanglan ang City Hall sa ingon niini nga tambal. Kon buot ra ba hunahunaon, kining oxytocin apil sa mga tambal nga gipangresita sa aborsyon.
Di mo motuo? Hala, i-Google dayon ang termino nga “oxytocin” ug “abortion” aron makakuha mo og mga tukma nga impormasyon kabahin niining maong tambal.
Sumpuon
Kining ingon niini nga mga kasayuran di mahimong i-esplikar lang. Kinahanglang sumpuon gyud dayon ni Mayor Mike Rama kay gawas sa pagpanalipod sa iyang reputasyon, mas mayo nga masumpo dayon kining ingon niini nga mga pangurakot.
Di na maghulat ang mayor nga mahimo kining kanser.
Di na maghulat si Mayor Rama nga mapareho sa nahitabo sa Makati ang suliran sa pangurakot dinhi sa Syudad sa Sugbo.
Di na man gyud malimod kining mga akusasyon batok sa pamilya ni Bise Presidente Jojo Binay ug si Mayor Rama lider man sa partido sa oposisiyon. Angay lang nga magmatngon si Mayor Rama kay mapahid gyud dayon kaniya nga ang iyang administrasyon pareho sa Makati.
Kon dunay pangurakot didto sa Makati, mao sab dinhi sa Syudad sa Sugbo. Kining mga nang-alisngaw karon nga mga baho sama sa alcohol nga tag P4000 mahimo nang pruweba nga kining naa sa oposisyon, mga grupo diay nga kurap.
Balimbing
Didto sa kaulohan, nali*ngaw ko nga nagsud-ong kang Sen. Chiz Escudero.
Kaniadtong 2010 man gud, nakahinumdom ko niyang nag*sigi sa panglibak kang Sen. Noynoy Aquino dihang bag-o pa kining nidesisyon nga modagan. Atol kini sa usa ka press confe*rence dinhi sa Sugbo.
Apan abtan og pipila ka semana, nabantayan na man lang nako nga nipadayag na kini sa iyang pagsuporta kang Noynoy. Sa ngadto-ngadto, siya diay ang nagduso sa kalihokang Noy-Bi kon Noynoy-Binay.
Rubbing alcohol tag P4,000 ang botelya?
Reply With Quote
Posting Permissions
