Naay mga ubang jeepney drivers na murag nindot kaayo pambirahan kay grabeng nakaabuso sa niaging Sinulog 2015. Matud pa sa report naay mga puj drivers na nangolekta ug P20 hantud sa P30 sa kada nila pasahero. Kay sa binuang na rason lagi..kay Fiesta kuno. Maayo lang gani kay naay mga pasahero ang nangreklamo dyod sa buhatan sa LTFRB, maong gipatawag na ang maong mga drivers kauban ang ilang mga operators aron pambunalan ( ug dos por dos?) di hehehe...pambunalan ug multa..violente sad kaayo ka da..hahaha.
Atoa nalang ni basahon ang report ni Sheila Gravinez na napatik sa Superbalita oi...aron mas detailed ang atoa pagsabot aning isyuha...ug hinaot kung kinsa tong nabiktima sad niinin..kung nakatanda mo sa plate number..file a complain sad oi...ayaw sigeg yawyaw sa facebook kay way solusyon didto ug ang driver di matagam. Basin i-like pa noon imo status samot ka kalagot hahaaha..Advise ko lang sad sa moreport sa LTFRB o di gani sa LTO na i-follow up dyod nang inyo complain every week kay kaning mga ahensyaha raba naay record sad na hastang pila ka buwan way feedback sa inyo gi-complain. Ambot nanga-unsa na sila. Anyway, back to the topic ta.
Mao ni ang report...
IPATAWAG sa Land Transportation Franchising and Regulatory Board sa Central Visayas ang pipila ka mga operator ug drayber sa mga jeep pasaheroan nga gireklamo nga naghinobra pagpaningil og plete sa mga pasahero atol sa Sinulog sa Sugbo niadtong Dominggo.
Si Reynaldo Elnar, officer-in-charge director sa LTFRB 7, nitug-an nga ubay-ubay ka mga reklamo ang nadawat sa ilang buhatan niadtong Dominggo bahin sa overcharging sa pipila ka mga PUJ driver.
Mismo ang mga pasahero, matod niya, ang niadto sa ilang buhatan sa North Reclamation Area sa samang adlaw ug nitaho sa ilang nasinati nga gipabayad sila og subra sa insakto nga plete.
Siya nibutyag ang ubang mga drayber giingong nangolekta og P20 o P30 nga daw sama og flagdown rate og taxi sa mga PUJ nga nagbiyahian sa dakbayan sa Lapu-Lapu.
Ang ubang mga drayber nga nagbiyahian sa habagatang Sugbo ang gireklamo usab nga nipahimulos sa higayon sa Sinulog diin daghang mga pasahero ang nidagsa sa siyudad sa Sugbo apan minos lang ang mga PUJ nga namiyahe.
Si Elnar niingon apil sa mga operator ug drayber nga ilang ipatawag mao ang mga PUJ nga nagtangag og plate numbers nga GXK-121, nagbiyahian og Naga-Punta; GWJ-513, Soong, Lapu-Lapu City-Mandaue City; GXB-288, Lapu-Lapu City; GXL-857 Lapu-Lapu City ug GWC-421, Consolacion.
Matod niya ang mga operator ug drayber sa maong mga sakyanan isyuhan og Inspection Report Summon aron mopatim-aw sa ilang buhatan ug mohatag sa ilang habig sa reklamo batok nila.
Kon mamatud-an nga sad-an, pamultahon ang mga drayber apil na ang mga operator subay sa Joint Administrative Order 2014-01.
Sa maong balaod, ang mamatud-an nag-overcharging sa plete, pamultahon og P5,000 sa unang kalapasan; P10,000 ug i-impound ang sakyanan sud sa 30 ka adlaw alang sa second offense; ug P15,000 nga multa ug kanselahon ang certificate of public conveyance sa sakyanan alang sa ikatulong kalapasan.
Si Elnar nidugang nga moduso usab sila og record sa mga pangan sa maong mga drayber ngadto sa Land Transportation Office 7 aron pamultahon usab ang mga drayber.
“Para pud motagam ang drayber,” dugang niya.
Siya nipaneguro nga seryuso sila sa ilang kampanya nga gukdon ang mga drayber nga mga abusado ug bad*lungon nga maghinobra pagpa*ngayo og plete sa mga pasahero.
-----------------------------------------------------------
Barato na kaayo ang gasolina ron oi....so ayaw pliteg' sobra....
Minimum fare sa jeep karon kay P7.50.
Student, Senior Citizens and Persons with disability pay only P5.60 (pwede P6 nalang pero if 2 mo kabuook bayad P11)
Ubang Jeepney Drivers nag-overcharged sa Plite niadtong Sinulog!
Reply With Quote
