Mga Driver sa Jeep na Mag-buot-buot sa Byahe, Ipadakop Kana aron Di Manganad!

[graphicare]

---

Nakaexperience na mo'g sakay ug jeep then ang driver / kundoktor niingon di sila moagi sa usa ka lugar bisan kani ila rota? Like for example nakasakay mo ug 01K na jeep then niana ang driver na di sila moagi ug CDU, bisan mao kana ang travel line sa ing-ana na rota.

Ayaw palabot, mao nang nanganad nang mga bullshit na istilo (bullshit dyod?) hehehe ok let's avoid bad words, kanang mga pesteng kinaiya (hahaha samot man) kay kadaghan sa mga pasahero inosente man kung unsay sakto na balaod, ug ang sakto na balaod? Dapat tumanon sa driver ang rota na naa sa prankisa o ang gitawag na travel line. Di sila pwede magbuot-buot kung asa sila moagi, ug mas samot di sila pwede magdumili sa mga pasahero pagpasakay kay dinha lang sila kutob o kung unsa pa may rasona. Kapila nako nakaexperience niini ug ako dyoy moingon sa driver, bawal na manong, kung madakpan ka basin mabuslot imong bulsa sa kamahal sa multa. Naa say mga higayon na di madala ug saktong esplekar ang driver na murag abi nimo siya pa ang sakto. Take for example, nakasakay ko ug Talamban-Colon na jeep, ug pag-abot sa Ayala, niana ang driver na diri lang daw sila kutob. Ani ang tibubagay na nahitabo.

3 nalang kapasahero ang nahabilin, apil ko.

Driver: Diri lang ta kutob ha.

Pasahero 1: Ha, di maabot sa Colon?

Pasahero 2: Colon ko noy!

Ako: Ihatud mi ug Colon noy, mao man ng imo Rota.

Driver: Niingon naman ko ganina na Ayala lang ko kutob oi

(Duha ka pasahero niaksyon na ug kanaog )

Ako: Di ka pwede magbuot-buot sa imo biyahe, violation ning imo, Gusto ka mareport sa LTO para mamultahan ka?

Pasahero 2: Bitaw!

Driver: Pero niingon naman ko daan ganina na di ko malahos ug Colon.

Pasahero 1, wa ko kadungog noy niingon ka o basin wa pako kasakay pag-ingon nimo.

Ako: Wa koy labot kung niingon naka or unsa pa ng rasona, tumana ang imong byahe! Kasabot ka sa responsilibilad sa usa ka driver? Kung asa kutob ang imo byahe mao nang tumana, o mag-abot ta sa LTO noy, unsa man? Sakto man kaha ka?

Driver: Sige na! Sige na ihatud ta mo, ayaw namo sigeg yawyaw ngara!

Ako: Dapat kang yawyawan noy aron matarong nang dagan sa utak nimo ug para makabalo ka na sayop ning imong style!
(naglagot na kaayo ko, ug ang akoa kilay murag nang Letter V na nag-aso gani? hehehe)

Ug gihatud mi sa Colon dyod, pagnaog nako grabe makatutok ang driver na murag mopatay ug tawo,
ug ako sad siya gibawsan ug tutok na murag mopatay sa tibook nyang lahi. heheehe...kaw lang kamao?

Naay mga driver na madala lag istorya, naa say uban na nindot dyod (nindot unsaon?) kuwan..ayaw nalang kay basin ma human rights ta hehehe.....

Kamo kung makasugat mo ug ing-ani, better to report that to LTO aron di manganad ning mga tawhana, ug didto ayaw dyod patawara, file a case, and let them pay the fines. They deserve that.

Mao nang giingon tinuyuan na violation. Wa dyod sila nalooy sa mga pasahero na kung sakay kaayo, ang uban di na kasakay kay di sila molahos sa dapat nilang byahe?

[dc_sigbin]

mao ni advantage if kahibalo ka kung unsay balaod ky kahibalo pod ka makiglalis...

[heartthr0b]

good job boss

[jesselyn]

ubang pasahero igo nalang sa pag kawt kai dili na gusto ug samok. maau na imo gibuhat bos.
kai nanaghan nana cla

[puliwew]

wow! nice.. mu dretso ra man kog naug kung naay ani. pwede diay mu reklamo ahahahah. Nice TS.

[lstorya]

As long as ingnon ko daan before ko musakay, ok ra man, musabot ra man sad ko. Daghan pa man sad og jeep dira, sila bitaw gaapas unta og kita, if dili sila mudawat sa kwarta then naa dyud sila valid reason nga mas makatabang sa ilaha. Unless muagi sila og dili nila ruta, mao nay dapat ipadakop.

[cliff_drew]

OT: Grabeha ni TS murag man magpadala ug suwat ni Noy Kulas o ni Tatajhun kung maka detalye sa nahitabo. Naa pay comedy. Nalingaw ko nagbasa. Hahaha.

OnT: Daghan gyud ingon ani nga driver. Okay ra man siguro nga dili nya kumpletohon iyang rota as long as ang iyang mga pasahero kay mahatod sa ilang destinasyon. Like ani nga example, kutob ra sa Ayala maayo kung sa Ayala pud tanan manaug ang mga pasahero unya dili man.

[brilumz]

bitaw..mas maau jud ng maleksyon ang ingon ani nga drayber oi.. mag anad lang na sila basta dili ta mutingog..maayo ng suhito ta sa balaod kay serbisyo publiko baya na ilaha..dapat ikaw nga pasahero.kahibaw ka sa imong katungod..

[The_Watcher]

hahaha good job TS! dapat unta, nangita siya ug lain jeep na padung Colon ug bisan gpa transfer na lang unta mo didto dili nang panaugon lang.

nakasulay ko ani sa Cavite a long time ago...dili ko ilahos sa ako destination unya 1am nato. Hulbot nako ako camera ug gipang picturan ang mga nawong sa driver ug conductor ug gipakita dayon nako ako media ID, hehehe dayun gipa blotter sa police, ug gi report pa jud nako sa ako friend na activista...aw, wala na kabiyahe the next day, hehehe

[starcatch]

hhahaha..pakpak!..sakto jd ni imoha ts... ipadayun ning buhata