Wednesday, February 12, 2014
FACEBOOK maoy gigamit sa kapulisan sa pag-ila sa usa ka pulis nga giakusahang usa sa mga ningtulis sa tulo ka mga batan-on kagahapon sa mga ala 1 pasado sa kaadlawon sa may dan RR Landon, dakbayan sa Sugbo.
Ang pulis nga nag-atubang og kaso tungod sa absent without official leave (Awol) giingong kuyog sa iyang bata-ba*ta ug laing tawo luwan sa usa ka motorsiklo dihang gii*ngong nanulis mga 150 metros lang gikan sa Fuente police station.
Apan si PO2 Ronilo Manuel, taga Duljo-Fatima, dakbayan sa Sugbo, nadestino sa Cebu City Public Safety Battalion sa Cebu City Police Office, nanghimakak sa pasangil sa batok kaniya dihang gidakop sa Fuente police kagahapon sa alas 9 sa buntag.
Lakip sa nasikop mao si Benito Andres Abear, taga dan Escario, dakbayan sa Sugbo, bata-bata ni Manuel ug ipon niya pagpuyo sa Brgy. Duljo Fatima.
Positibo nga niila kanila pinaagi sa ilang mga hulagway nga gi-post sa Facebook mao ang usa sa mga biktima nga taga Barangay Bakilid, siyudad sa Mandaue.
Sa pasiuna nga imbestigasyon sa Fuente police station nagbutyag nga naglakaw ang biktima uban sa lain duha niya ka mga higala sa dalan RR Landon.
Ninghapit sila sa usa ka bakery ug nagbarug-barug daplin sa dalan sa dihang kalit silang gihunongan og usa ka “bokogon” nga motorsiklo, sakay ang tulo ka mga tawo.
Ang duha nga backrider maoy ningkanaug, usa kanila armado og pusil, nition ug nipahibawo sa mga biktima og tulis.
Gikuha ang bag sa biktima nga may sulod nga cellphone, make up kit ug importanting mga identification (ID) card.
Ang tulo daling ningsibat paingon sa downtown area sa dakbayan sa Sugbo.
Niresponde human sa hitabo ang car 005 sa CCPO ug gidala ang biktima uban sa iyang mga higala sa police station.
Gipahulagway sa mga biktima ang mga suspek ug gipakita sa mga hulagway sa mga criminal nga nasikop ug didto gitudlo si Abear.
Si Abear nasikop sa kapulisan pipila na ka mga buwan ang nakalabay ug nakuha-an og litrato.
Subay sa impormasyon sa kapulisan nga si Abear nagpuyo uban kang Manuel.
Si Senior Inspector David Senor, hepe sa Fuente police, nagkanayon nga ilang giablihan ang Facebook ug gipatan-aw sa account ni Manuel ang biktima.
Ang biktima positibo nga niila sa pulis nga kauban sa nitulis kaniya.
Ang mga kauban ni Manuel nga nasayod sa hitabo nitawag kaniya ug nipahibawo sa kalambu-an ug niawhag kaniya sa pagtahan aron malimpyohan ang iyang ngalan.
Si Manuel nga nagsul-ob pa og uniporme, niadto sa Station 2 gikan nga ni-report sa National Police Commission (Napolcom) kabahin sa kaso nga gipasaka batok tungod sa pag-Awol.
Dali siyang gisikop sa mga pulis sa Fuente ug gipriso.
Si Manuel, sa iyang bahin, kusganon nga nanghimakak sa pasangi.
Matod niya nga wa na siyay armas ug wa usab siya nibiya sa iyang balay sa oras nga nahitabo ang pagpanulis.
“Ako lagi nahibung ko nga ila kong gi-arrest,” matod ni Manuel.
Andam niyang atubangon ang pasangil batok niya.
Pulis 'nanulis'; nailhan pinaagi sa Facebook | Sun.Star :/
Pulis 'nanulis'; nailhan pinaagi sa Facebook
Reply With Quote
Posting Permissions
