GIHULAGWAY nga drug queen sa Villagonzalo II, Brgy. Tejero, dakbayan sa Sugbo nasikop sa gipahigayong buy bust operation sa mga sakop sa City Intelligence Branch (CIB) sa Cebu City Police Office (CCPO) kagahapon sa alas 11:30 sa buntag.
Si Norma Vargas, 52, minyo, dunay karenderya sa maong dapit, nasikop human nakuhaag duha ka dagkong putos sa shabu nga mitimbang og 50 gramos, laing tulo ka dagkong putos
sa shabu nga tag P2,000 matag usa diin ang tanan mikabat og P260,000.
Gipusasan sab ang kapuyo sa iyang anak nga si Maria Riza Nodalo, 29, giingong kakunsabo niya sa pagpayuhot sa illegal nga drugas.
Si Chief Insp. Romeo Santander, nga nahinabi sa dySS Super Radyo ug Sun.Star Superbalita, nagkanayon nga drug queen si Vargas sa maong lugar kay makabaligyag shabu nga kapin sa 200 gramos matag semana.
Sumala pa niya nga pantalya ni Vargas ang karenderya sa maong lugar, diin ang iyang sugo-sugoon sa mga transaction sa illegal nga drugas mao si Nodalo.
Gibutyag niya nga dihang nakakuha silag impormasyon kabahin sa illegal nga kalihukan niini, mipahigayon silag usa ka semanang pagpaniid.
Dihang nahingpit nila ang impormasyon, gipahigayon nila ang buy bust operation pinaagi sa pagpalit og P2,000 nga shabu.
Human nakomplito ang transaction, gipangpusasan nila ang duha.
“Ang pangangkon niya bag-o pa daw namaligya pero nagtuo ko dugay na ni siya sa nag-illegal, karon lang nadakpan. Wala sab ni siya sa among listahan pero bigtime kay binulto ang ipang-dispose,” dugang ni Santander.
Gipadayag niya nga daghang reklamo ang ilang nadawat sa mga residente sa lugar kabahin sa pagpamaligya sa mga suspek nga nigamit sa ilang karenderya pagtago sa illegal nga kalihukan.
Si Vargas niangkon sa mga tigbalita nga namaligya siyag illegal nga drugas tungod sa kawad-on kay daghang anak ug way klarong kapanginabuhi-an.
Gibutyag niya nga usa ka ginanlag “Toto” maoy maghagbungan nilag illegal nga drugas sa ilang dapit diin siya sab ang mobaligya niini apan wa siya nitug-an sa tinuod ngan niini.
Sumala pa niya nga bag-uhay pa lang siyang namaligyag illegal nga drugas sa ilang lugar.
'Drug queen' nasikop sa buy bust sa CCPO | Sun.Star
'Drug queen' nasikop sa buy bust sa CCPO
Originally Posted by SPRINGFIELD_XD_40
Reply With Quote
Posting Permissions
