Panawagan ni Mayor Ramirez: Davide resign

[xyza_pretty]

---

Monday, November 25, 2013

GIAWHAG ni Medellin Mayor Ricky Ramirez si Gobernador Hilario Davide III nga moluwat sa katungdanan gumikan kay dili kini makahukom sa iyang kaugalingon ug makatangtang sa puwesto sa chief security officer sa Kapitolyo nga si Loi Madrigal.
Sa gipatawag nga press conference kagahapon, ang mayor mibutyag nga modangop siya sa Office of the Visayas Ombudsman ug paimbestigahan ang discrepancy sa record sa relief goods nga ilang nadawat gikan sa Kapitolyo.
Nagplano siya nga ireklamo si Davide ug ubang mga opisyal sa Kapitolyo sa Ombudsman sud ning semanaha bahin sa kwestiyonabling distribusyon sa family packs alang sa ilang lungsod.
“What they did, they sabotage our relief effort. Ang atong relief gihatag lang nila bisan kinsa,” maisugong pamaha*yag ni Ramirez.
Ubos sa Republic Act 10121, usa ka kalapasan ang pag-divert o misdelivery sa mga relief good ug ekipo o ubang aid commodities ngadto sa laing tawo gawas sa angay makadawat niini.
Sa record sa Provincial Social Welfare and Development Office (PSWDO), miabot og 30,980 ka family packs ang nahatag sa Kapitolyo sa Medellin alang sa 12,772 ka apektadong mga pamilya.
Apan sa buwag nga record sa lungsod, kinatibuk-ang 8,000 lamang ka packs ang ilang nadawat.
Si Ramirez nidemanda og insaktong kwentada sa Kapitolyo bahin niini.
Sa Requisition and Issue Slip gikan sa PSWDO, makita nga dunay pipila ka kausaban nga gihimo nga way counter sign.
Ang mayor mikwestiyon kon nganong kinahanglan nga moagi sa Bogo City ang mga trak nga gikargahan og relief packs alang sa kalungsoran.
Si Madrigal sa iyang bahin mipasabot nga gidala ang maong mga hinabang sa naasoy nga siyudad tu*ngod kay adunay maka-escort nga mga pulis apan limitado.
Bahin sa paghatag sa relief goods ngadto kang Medellin Councilor Conrado Mangubat, si Madrigal way nakitang problema niini tungod kay usa ka opisyal sa lungsod ang maong tawo ug ang mga hinabang nadawat sa mga konstituwente sa lungsod.
Labot sa isyu sa mga tent, matod ni Ramirez, inay 15 ka mga tent, 50 ka laminated sacks tarpaulin ang ilang nadawat nga base sa ilang panag-estor*yahanay ni PSWDO officer-in-charge E*velyn Senajon color yellow ug green ang tents alang nila sukwahi sa nadawat sa lungsod nga color blue.
Ang gobernador nipasalig nga iyang ipasusi ang maong mga pasangil.
“We will look into these allegations. We assure everyone that relief operations have been done in a transparent and judicious manner, devoid of political color,” nagkanayon si Davide pinaagi sa text message nga gipadala ni Capitol Public Information Officer Ethel Natera.
Si Ramirez nagtuo nga gituyo kini sa Kapitolyo ug ni Bogo City Mayor Celestino “Junie” Martinez, Jr.
Tungod niini, ang mayor nakasaway ni Davide nga wala makadesisyon sa iyang kaugalingon.
“Wala man siya'y kaugalingon diay nga dugokan. Wa siya'y bukobuko. Mag-agad ra man diay siya sa iyang mga amo sa pulitika,” nagkanayon si Ramirez.
Matod niya kondili tangtangon ni Davide si Madrigal, kinsa iyang gihulagway nga maoy maghatag og problema sa gobernador, mas maayo nga mo-resign kini sa katungdanan.
“He better resign na lang. Kaloy-an na lang niya ang mga Sugbuanon, kaloy-an niya ang probinsya sa Sugbo, premier province gud ta,” dugang sa mayor.
Panawagan ni Mayor Ramirez: Davide resign | Sun.Star

[higanstolsdawen]

kinsa man iyang epuli ne davide si gwen?

[trinalla]

mao ni reason nga wa jud ko mo hatag ug relief goods from any agencies/organization, i gave directly to the victims or their relatives ;-(

[xyza_pretty]

paitang davide bagohay pa gani ni lingkod pahawa-on man dayon, tsk.. tsk.. kalo-oy pud.

[<SMILE>]

“What they did, they sabotage our relief effort. Ang atong relief gihatag lang nila bisan kinsa,” maisugong pamaha*yag ni Ramirez.
Ubos sa Republic Act 10121, usa ka kalapasan ang pag-divert o misdelivery sa mga relief good ug ekipo o ubang aid commodities ngadto sa laing tawo gawas sa angay makadawat niini.

Sipyat gyud si Gov Davide,
didto unta to niya gihatag ni Ramirez aron dili na moreklamo

[Echelnalf]

Sipyat gyud si Gov Davide,
didto unta to niya gihatag ni Ramirez aron dili na moreklamo

Mao. Luoran man gud ni ang uban taw.

[chinitoe]

Sipyat gyud si Gov Davide,
didto unta to niya gihatag ni Ramirez aron dili na moreklamo

Bsag ihatag pa tanan, rekalmo gyapon na lol.

FYI lng, si ramirez is doling's barker.

Ngita lng nag gubot.

[egoy90]

Bsag ihatag pa tanan, rekalmo gyapon na lol.

FYI lng, si ramirez is doling's barker.

Ngita lng nag gubot.

gisugo seguro ni doling... nakadawat man diay wala lang nakuntento.

[battouter]

kun wa-il gani ka, himo dayun issue para mabalita ka... lol

[zvike005]

This is just what we call the Play of Politics. No permanent friends, no permanent enemies. Ting election, balhin ang tanan.