Unsa may Binisaya sa...

[Hitchiker]

---

Kining "hilo" (pasaylo-a ko sa pulong, pero ako na nga gituyo) nga akong gimugna, alang kini sa pagpalambo sa atong kaalam sa bisaya nga pinulongan. Sukad pa sa pagkagamay nato, nagbinisaya na kita. Pero mahibulong ta ug makapangutana, nga nganong wala man itudlo ang literatura nga bisaya sa atong tulonghaan. Mga Bisaya kita, apan Filipino ug Engleesh na man hinuon ang gitudlo. Sukwahi kini sa mga pamulong ni anhing Jose Rizal, nga atong giisip nga bayani. Mga hipokrito ba kita? Nganong wala man kita miprotesta batuk ani nga matang. Karun, aduna na pud bag-o nga fola itudlo sa mga publikong tunghaan. Sakto ba kini? Di ba angay nga kat.unon usa nato atong "inahang dila" ayha pa ang lain.
Kinsa pa may magmahal sa atong pinulongan kung dili kita lng mga Bisaya. Kung mamatay atong pinulongan, tabla ra sab nga gipatay nato atong kaugalingon.
Busa, hagit kini natong tanan nga mga Bisaya. Kita lang ug wa nay lain pa ang makapalambo niini. Iduso nato ang kaalam nato sa Bisaya nga pinulongan. Kay kini mao ang susi sa atonng kaugmaon. Ato kining garbo.

[morethanjusttalk]

,nosebleed brother,!hhaa

[achikaliyeah]

uwaw sad noh na daghan bisaya mas swito pag lawm na english kaysa lawm na bisaya. tsk sama ana lisod sabton haha

[NAN_WEN]

pero...kung ingani akugn gamiton panguyab..im sure very effctive gyud heheehh ^___^

[joop]

Ako tinud-anay naghinuklog bahin niining atong pinulungan diin kanhing panahon sa atong mga katigulangan walay sama ka bililhon ang maong gipanglitok nga pulong kompara niining atong panahon karun diin ultimo diha sa sakyanan pampubliko halos engleeesssh na ang atong madungog, ug ako usab na pamid-an hasta tigmaneho sa maong karuwata sa kadalanan mo litok na ug "sir here's your change" kini nagpasabot nga ang kanhi halangdon nga pinulungan gitabunan ug giyatakan na sa maong banyagang pulong? Diin ang mga tawong naglitok niining maong pulong gikan sa kapupud-an daw magarboso pa'ng ipadungog ug isibya sa mga tawong ang pulong binisaya maoy gikamat-an labina diha dapita sa may Lahug diin nahimutang ang nagkadaiyang trabaho gitawag nilang "call center" ikasagmaya baya paminawon nga wala na gyud kita'y madungog nga pulong orihinal binisaya diha dapita kay mao lage gitalikdan ug gikalimtan naman sa kasagaran natong mga kaigso-unan!

salamat!

[Hitchiker]

Ako tinud-anay naghinuklog bahin niining atong pinulungan diin kanhing panahon sa atong mga katigulangan walay sama ka bililhon ang maong gipanglitok nga pulong kompara niining atong panahon karun diin ultimo diha sa sakyanan pampubliko halos engleeesssh na ang atong madungog, ug ako usab na pamid-an hasta tigmaneho sa maong karuwata sa kadalanan mo litok na ug "sir here's your change" kini nagpasabot nga ang kanhi halangdon nga pinulungan gitabunan ug giyatakan na sa maong banyagang pulong? Diin ang mga tawong naglitok niining maong pulong gikan sa kapupud-an daw magarboso pa'ng ipadungog ug isibya sa mga tawong ang pulong binisaya maoy gikamat-an labina diha dapita sa may Lahug diin nahimutang ang nagkadaiyang trabaho gitawag nilang "call center" ikasagmaya baya paminawon nga wala na gyud kita'y madungog nga pulong orihinal binisaya diha dapita kay mao lage gitalikdan ug gikalimtan naman sa kasagaran natong mga kaigso-unan!

salamat!

Naka uyon ako sa imong mga panlantaw ug mga paniid. Apan dili nato sila mabasol nganong naingon niana sila. Ang pinulongan man gud buhi ug kanunay mag bag-0. Kay matud pa sa usa ka panultihon, "The only constant thing in this world is change." Ang punto nako nga buot nako ipasabot sa kadaghanan, kay ngano man nga wala gitudlo ang literatura nga Binisaya sa mga eskwelahan. Kung kita pangutanhon sa mga langyaw, "What is it to be Visayan?", makatubag ba kita sa walay pagduha duha. Maka hatag ba kita ug mga sanglitanan sa kasugiran, sa Binsaya nga kultura? Duda nako nga gamay ra gyud kaayo ang makatubag niini. Maglisod kita ug porma sa atong identity tungod kay wala kita masayod sa atong kasaysayan. Busa ang pakighi.usa nato sa atong mga kaigsuonan sa Mindanao lisod kab.oton, kay kita walay pagtamod sa atong kaugalingong kultura. Dili nato pugson ang atong kaugalingon sa uban, labing maayo nga kita mamahimong kahayag kanila. Kini ra mao ang tubag sa mga pangutana nga dugay ng nangita ug kasulbaran.

[Hitchiker]

pero...kung ingani akugn gamiton panguyab..im sure very effctive gyud heheehh ^___^

Epektibo gyud kana, ug sigurado ako nga dili ka ana mapakyas. Pagkatam.is kung paminawon, labi na ug gikan sa kina.ilagman sa kasingkasing, ang mga pulong nga mugawas sa imong ba.ba. Hasta siguro ang panty mahubo diha diha dayon.. ahaha Binuang ra pero aduna nay kamatuoran.

[Hitchiker]

,nosebleed brother,!hhaa

sunggo igsuon.. binisaya lng kita ngari igsu.. kay aron kita mabaid atong kaalam sa Binisaya nga pinulungan. Kun aduna kay mga istorya nga nabati gikan sa mga katigulangan nato, ug gusto nimo ipasundayag nganhi, andam ug malipayon kami nga maminaw.

[abetcabahug]

Nindot kung kitang tanang bisaya makahibalo mosulti og bisaya nga way sagol nga langyaw'ng pinulungan. Naa may grupo nga LUDABI (Lubas sa Dagang Binisaya) ug mao kini ang ilang katuyuan, gugma sa Bisaya nga pinulungan.

[joop]

Ako nahinanok na unta sa makadiyot diin kalit lamang nahitingbakowas sa pulong mong binuhi-an nga sukad ako nakakat-on paminsar karun lang nako na dusmogan, kini mao ang LUDABI? Palihug higala sumpayi ug dugang detalyi mahitungod niining kawsa arun nga sa ingun mahibalo-an sa kadaghanan mahitungod aning maong lubas nga, daw hagtik na sa akong paminaw,lol