2 anyos gihapos patay

[cobraKing]

---

CEBU, Philippines - Patay ang usa ka 2-anyos nga batang lalaki human kini ihapos sa usa ka giingong drug addict nilang silingan sa barangay Biasong, dakbayan sa Talisay niadtong Martes sa hapon.
Ang biktima mao si Jeffrey Abusejo Jr., residente sa maong dapit kansang ulo miliki ug nalupyak nga maoy hinungdan sa kamatayon niini.
Ang suspetsadong si Kienner Baller, 35, nasikop nila ni PO3 Achilles Cabando ug PO3 Raul Torregoza human sa maong hitabo.
Ang igsoon ug bayaw sa suspetsado nga sila si Ruth Saniel, 34 ug Christina Baller, 53 mibutyag nga si Kienner taud-taud na nga nagumon sa ginadiling drugas.
Sa wala pa ang hitabo, ang bata uban sa mga pag-umangkon sa suspetsado nagduwa-duwa sa agianan dihang si Kienner miagi ug giingong nasaghiran sa bata.
Gumikan niini mihiwasa sa kasuko ang suspek ug gikuptan sa duha ka tiil ang bata, dayon gihapos sa makadaghan sa karsada .
Wala pa kini matagbaw gipaak pa ang tuong bahin sa liog sa bata. Ang inahan sa bata daling mitabang apan giingong gitukmod kini sa suspetsado.
Si Jeffrey Sr. ang amahan sa biktima, kinsa trabahante sa surplus shop sa maguwang ni Kienner didto sa likod sa ilang balay niadtong higayona nagpaayo sa ilang TV.



Matud ni Jeffrey nga nabati niya ang iyang asawang misinggit og pakitabang samtang nagsapnay sa biktima nagtinga-tinga. Gidala dayon nila ngadto sa Talisay City District Hospital ug gibalhin ngadto sa Vicente Sotto Memorial Medical Center diin didto ideklarar nga patay na. Samtang ang suspetsado miuli sa ilang balay ug giablihan ang tangke sa gasul unya miadto sa dagat nagduwa-duwa sa bas nga sama sa walay nahitabo ug miuban usab kini nga wala moreklamo sa mga polis nga misikop kaniya.
Si Ruth nagkanayon nga si Kienner usa ka seaman kaniadto apan wala makaabot og duha ka tuig ang pagpanakay niini og barko tungod kay napagan sa pagkataktak sa gitrabahoan niining barko.
Sa milabay’ng tuig matud ni Christina gipasulod nila sa rehabilitation center si Kienner sulod sa unom ka buwan apan paggawas niini giingong mibalik kini sa iyang bisyo.
Matud usab ni Christina nga human ihapos niini ang bata, iya kining gipangutana ug igo lang kining miingon nga “kan-on ko sa alien maong giunhan nako Manang … dali kaayo ko mahurot kung mausap ko sa alien Manang”.
Gibutyag ni Christina nga magyaw-yaw si Kienner ug moingon nga mga alien sila, unya magpunay kini og yaw-yaw nga gipadautan siya unya dunay laing tawo nga nagpuyo sa balay sa iyang igsoong babaye, dunay kapri ug duwende.
Si Inspector Margienette Yosores, hepe sa Women and Children Protection Desk (WCPD) sa TCPS nagkanayon nga ang korte na maoy mohukom ni Kienner kinsa nagtingkagol karon sa prisohan kung ipadala ba kini ngadto sa rehabilitation center. (/WC) BANAT NEWS

[Renz8]

Angay pud toh e bunal sa kalsada ang killer addict ayo ug nawong mura lang walay nahitabo ang nawong blanko kaayo na hala suyop pa mo mga dodong/inday........

[goryo13]

kapoy ning ingun ani na balita. mga taw magbuhat og ingun ani nga ila lang sayun-sayunon kay di man maka sukol nila. lo-oy pud tawn ang bata nga gaduwa ra mao na diay to iyang kataposang duwa.

[labyrinthbw]

nagsakit ako dughan ani nga balita oi...unsa tawn ikadepensa sa bata kontra sa tiguwang

[OmegaRed]

ahak aning balita.a oi.. ga luha akong mata.. salbahisa jud tawhana oi.. mayng e torture maau...

[ambokz]

may pud ni dah,kay murag online superB.hehehe..btw:at@ya pug tripping aning adika ui,iya nlang unta to ulo gi hapos nya.tsk tsk

[balipseyev]

Animal ning tawhana, ako pa kita ato pusilon to naku diretso tawhana...

[didi_tsai]

adik gyud. kita ko ani sa news... pina ana pa "maobah? namatay diay? wa to mamatay ui" cya palang toy gi pospos tan-awn nato katubag ba xag ingon ana... naa ko 2 years old na pag umangkon mao na gi ngilohan ko sa balita ai..

[psyche54]

I have a two year old son...

Ug sa ako na mahitabo, I would cast no doubt to put the law on my own hands and put this jackass to where he belong...

This guy doesn't need due process...

This is why I hate Human Rights Commission... Pag ang ipang-salvage ning mga @nimal, "dagko" kaayo ug baba ning mga taga human rights kay tungod kono kay gi-deprive kono sa saktong hustisya!!!!

Kaning tawhana, di na ni angay tagaan ug due process...

[pinkpumpkin]

in-ani nga mga tao ang angay panghipuson kay wa juy pulos.