Salig Ayaw Laum

[nomens]

---

Maayong adlaw kaninyong tanan mga istoryan, ako diay si nomens ang uban kaila nako ang uban wala.
Sa uban nga wala pa kaila nako makaila ra unya mo kun magpaila mo ug una nako.
Kaning akong sugilanon nanghinaot ako nga inyong kakuhaan ug leksyon,
kapamalandungan ug kahatagan usab ninyo ug opinion.
Apan una ko sugdan, palihog ko sa pagsearch sa awit nga nagulohan "Biktima sa Gugma",
palihog na lang sab ko sa pagtukar.

Nagsugod kining akong sugilanon sa dihang nagtungha pa ako sa kolehiyo didto sa holiday na usab
kanhi daghang way clasi(hi sa mga nakaila ug nakatungha).
Didto akong nakaila ang babae nga nakapahinog ning hilaw kong pagbati nga nalata ra usab sa madugay, siya si Ms. J.
Sa una ko pa lng pagkahimamat ni Ms. J daw nahulog na ako sa dayon apan hawid lang gihapon gamay para dili
mawani ang porma. Ug didto usab akong nasinati nga buotan ug responsabling anak kini si Ms. J sanglit siya man ang kamagwangan sa upat niya ka igsoon.

Sa laktod nga pagkaestorya, nakauyab mi ni Ms. J apan sa tago lang, hadlok man siya nga paundangon siya sa iyang Tiya nga maoy naggasto kaniya ug sa iyang pamilya. Kay kani sila si Ms. J uyamot ra man, kani iyang Tiya banggiitang datu sa Yuta sa Nagsigang Adlaw ug dili buot nga mag-uyab2x siya sanglit aduna nay plano para kaniya ug sa iyang pamilya. Niadtong panahuna wala pa man koy kasinatian anang ilang giingon nga "way asong makumkom, apan matulon", nasakpan jud ang among tinaguang relasyon sa iyang pamilya sa dihang hapit na ko mahuman sa kolehiyo. Gihangyo niya ang iyang pamilya nga dili ipasaba sa iyang Tiya kay galig unsa unya ang buhaton. Ug tuod man gitugotan kami sa iyang pamilya kay nakita man usab nila nga sinsero ako sa ilang anak. Daw nisangko sa langit ang among kalipay nga gidawat na sa iyang pamilya ang among panaghigugmaay.

Kani si Ms. J pinangga kaayo sa akong pamilya mao nga ganahan ni siya magpirmi sa among balay. Kay kun naa me sa ilaha maulaw siya nako sa ilang sitwasyon ug sa iyang amahan nga palahubog ug sugarol. Akong gitago sa akong pamilya ang kahimtang sa pamilya ni Ms. J kay sa dili sad pag panghambog naa kami sa tungang klase nga kahimtang ug kaning akong pamilya nangandoy sad para nako nga makakita ug susama sa among kahimtang, apan dili ra sad hinoon sila magbuot kun si kinsa man galing akong pilion.

Nilangyaw ako sa syudad sa sugbo human sa akong pagtungha para manimpalad ug magsugod ug pondar para sa among plano ni Ms. J nga magpakasal sa simbahan ug maghimo sa among dream house daplin sa baybay. Kalooy sa Dios nakakita ko ug trabaho ug didto nagsugod ang akong pagtigum ug pagpaningkamot alang sa among kaugmaon.

(Milabay ang upat ka tuig)
Sa unsang hitaboa nahibal-an sa iyang Tiya ang among relasyon. Magsige man gud ni ug bisita si Ms. J didto sa akong balay nga giabangan ug naatuhan nga nauli ang iyang Tiya gikan sa Yuta sa Nagsigang Adlaw ug gipangita siya. Sayod si Ms. J kun unsay tuyo sa iyang Tiya mao nga midalikyat siya sa pag bisita nako ug misulti kanako sa giplano sa iyang Tiya. Buot nga paadtoon si Ms. J adto sa Yuta sa Nagsigang Adlaw ug patrabahoon didto sa iyang Tiya. Dili unta niya buot nga magkalagyo kami kay lagi dili niya makaya, apan ako siya gitambagan nga alang usab kana sa kaayohan sa iyang pamilya ug usab para namong duha nga makatigum me sa mubong panahon. Miuyon siya sa akong tambag apan mihangyo nga kun pwede magpakasal una kami bisan ug huwes lang una siya molarga, garanteya nga sa iyang pagbalik anaa ra gihapon ko ug magmatinud-anon sa among gugma.

Nagpakasal kami sa tago kay dili pa sab niya buot ipahibalo sa iyang pamilya hilabina sa iyang Tiya kay galig mosamot ug kalagot, mamahimo unyang babag sa among mga plano. Pipila ka bulan human sa among kasal miadto siya sa lungsod sa maynila aron sa pag-asekaso sa iyang papelis para makaadto na siya sa Yuta sa Nagsigang Adlaw inubanan sa iyang Tiya.

(Ug sa wala nako damha)
Usa ka adlaw mitawag si Ms. J, magul-anon ang iyang tingog nga daw gitagakan ug dakong problema. Midahunog ang iyang dakong pagbakhu inubanan sa dagko niyang ginhawa dayon sa pagsulti "wala na atong baby!". Nanugnaw ug daw nawala ako sa akong kaugalingon kinuyogan sa pagdagayday sa nagbaha kong mga luha didto sa malinawong sapa. Naghuot sa kasakit ang akong dughan sa iyang gibalita kanako, daw miundang sa pagtuyok ang kalibutan, nahanaw ang mga bituon, namugnaw ang adlaw ug miinit ang bulan. Dili matukib ang akong gibati. Ug iyang gisugid ang nahitabo. Nagsabak sa usa ka bulan si Ms. J sa dihang milangyaw siya sa manila, nahibal-an kini sa dihang gipamedical check up na siya sa iyang Tiya.
Dako ang kalagot sa iyang Tiya sa dihang nasayran niini nga buntis si Ms. J, ug misamot ang iyang kalagot sa dihang misulti si Ms. J nga kasado na kami. Gibaharan siya sa iyang Tiya, nga kun dili niya pupuon ang among bunga buhaton niya ang tanan aron dili na kami magkauban pa, ug dili na usab niya suportaan ang iyang pamilya nga hikahos sad sa panginabuhi.

Gidala si Ms. J didto sa Pampanga aron sa paghimo sa ilang dautang plano sa among bunga, nagmalampuson gyod ang iyang Tiya. Wala'y nahimo si Ms. J kun dili itugyan sa iyang Tiya ang iyang kinaadman. Gilabay usab sa iyang Tiya ang among singsing nga mikantidad ug pipila ka libo balor pod ug 5 kalibo. Sangko sa kinaubsang bahin sa empyerno ang akong kalagot sa iyang Tiya, ug nahiubos usab ako ni Ms. J sa wala niya pagtindog sa among hinaguang bunga, nga kun buot lang jud huna-hunaon kaya man nako siya buhion bisan pa apilon iyang pamilya. Apan bisan sa akong kaubos ni Ms. J ako gihapon siya gisuportahan ug gipakita nga gihigugma gihapon nako siya ug nga andam akong mosabot ug modawat kaniya, tinuod nga daw nahilis ang akong pagbati ni Ms. J apan dili sad nako maako nga biyaan ko siya ibabaw sa kahanginan. Nadayon gyod ang iyang paglarga uban sa iyang Tiya, inubanan usab sa iyang pagpasalig nga sa iyang pagbalik magmalipayon na kami sa dayon.

(Milabay ang usa ka tuig)
Bisan sa mga nahitabo, wala ako makabsi sa paglaum ug pagpaninguha nga makab-ot namo ang among mga pangandoy.
Gigahin nako ang akong panahon ug oras sa pagpangandam sa iya unyang pagbalik ug sa diha nakadisidar ako nga mobutyag nga mopakasal kanako unyag mabalik na siya. Usa ka adlaw niana adunay nagtext-text kanako ug mipaila nga kauban daw siya ni Ms. J sa iyang gitrabahoan nila didto sa Yuta sa Nagsigang Adlaw. Misukmat siya nga hapit na daw me magkakuyog ni Ms. J, nahibulong ako kay sa among panagsabot ni Ms. J tulo man katuig usa siya mouli kay mag Tago Ng Tago man siya adto. Sa akong katingala ginamit ang taas nga teknolohiya sa sosyal masa, giablihan nako ang mga impormasyon sa mga tao nga may kalambigitan kang Ms. J ug didto akong nasuta nga nauli na diay si Ms. J sa unang mga bulan pa.

Daw naghalo ang akong gibati nalipay nga dalang kasubo, nga sa unsang rasona wala siya mipahibalo nako nga nauli na diay siya sanglit nagkaestorya pa man me sa selpon. Apan wala ko na lang gipanumbaling kun unsa man ugaling ang rason, ang importante nga nauli na si Ms. J, ug dayon akong nasuta usab nga ang nagtext2x diay kanako si ms. J ra. Ako dayon siya gitawagan unya gipangamusta ug didto akong nasayran nga nadakpan diay siya, ug didto usab niya nasinati ang kahimtang ug bation sa mga binilanggo. Sulti niya nga daw nahugno ang iyang kalibutan sa nahitabo kay lagi nakat-on na man siya sa pagpuyo sa Yuta sa Nagsigang Adlaw ug ganahan na siya sa lugar. Buot unta niya nga magdugay pa ug daw nalimot na niya ang iyang saad nga sa tulo ka tuig magkauban na kami.

Akong nabati nga nabag-o si Ms. J tungod sa mga nahitabo. Daw miaslum na ang iyang pagbati sa among relasyon. Mihangyo siya nga hatagan una nako siya ug igong panahon nga makaluwas sa iyang gibati, ug tuod man akong gihatag ang panahon nga iyang gipangayo. Ako na lang usab gigahin ang ubang panahon sa pagpangandam inig balik niya kanako. Nagtagana ako ug surprisa alang sa iyang pag-abot, engagement ring, housing plan, ug sakyanan akong giandam. Usa kaadlaw nitext kanako si Ms. J "Makaya ra nimo nga mawala ko?", ug sa dihadiha dayon akong nabati nga adunay dili mao sa iyang mga gipasumbingay, ug ako daun siya gisukmatan kun unsa ang kamatuoran. "Sa pagkatinuod lang medyo nawala ang akong pagbati nimo, wala ko kasabot ug kahibalo ngano. Apan mao na akong gibati ron." sukmat ni Ms. J.

Sa ikaduhang higayon gibati ko pag usab ang akong nabati sa dihang nawala kanamo ang among bunga, ug sa ikaduhang higayon gipakyas ako ni Ms. J. Apan bisan sa akong kahiubos ug kalagot, gibati gihapon ako ug gugma ni Ms. J ug naninguha nga mabawi nako ang iyang paghigugma diri kanako. Busa mihangyo ako kaniya sa pagbisita kanako bisan sa akong adlawng natawhan apan wala siya misugot kay masakitan lang daw ko ug samot kun naa siya sa akongadlawng natawhan apan mura ra gihapon ug wala. Miistar ako apan pakyas. Nagmamingawon ang akong adlawng natawhan bisan sa mga nagkadaiyang pagkaon ug ilumnon nga akong gihanda alang sa mga bisita. Mihangyo ako pagbalik kaniya nga magkuyog kami sa pasko kay giplano usab nako nga ako usab ibutyag kaniya ang akong tinguha nga magpakasal kaniya kinuyogan sa pagpakita kaniya sa singsing nga may dyamanteng naggilak. Apan sa makausa pa, pakyas lang gihapon.

Gibati ko ug kamingaw, kasilag, kasakit ug kahikawan, buot ko na untang tapuson ang way bili kong kinabuhi, ilabay ko na unta ang singsing apan gisayangan usab ako kay mahal raba intawn pod balor ug 65k sponsored by Hearts and Arrows. Apan nagmalaumon lang gihapon ako nanghinaut nga mobalik ra ang panahon sa kanhi nagbuhagay pa ang among gugma sa usag-usa. Tungod niini akong gilingaw-lingaw ang akong kaugalingon nanghinaot nga mahulip ang dakong samad ning akong kasing-kasing. Laag diri laag didto, inom diri inom didto, disco diri disco didto, babae diri babae didto, apan bisan ning tanan walay nakatabang sa paghulip sa lalum ug dakong samad ning akong kasing kasing.

(Pipila ka bulan ang milabay)
Mitingog ug kalit ang akong selpon sa dihang akong nakita ang ngalan ni Ms. J nga mitatak sa screen. "Kumusta na ka?" matud ni Ms. J. "Dia talimatay na, sayo ra sad kaayo ka motawag para mocondolence woi!" tubag ko. "Sorry kaayo sa akong nabuhat diha nimo, kabalo ko nga dili enough nga mangayo ko ug sorry nimo. Busa buot nako mobawi ug mosulay sa pagbalik diha kanimo" matud ni Ms. J "Katuod pa man kaha ka diri?" daw nahuwasan ako sa akong kahubog ug gibatig kalipay. Pagkasunod adlaw miabot si Ms. J ug ako daun gitabo kinuyogan sa nagkadaiyang klasi sa bulak nga akong gihatag kaniya isip pagsugat sa iyang pagbalik.

Mihayag sa pagbalik ang akong nangitngit nga kinabuhi sa dihang nibalik si Ms. J, kada uli nako gikan sa opisina ako dayon hapitan pagpalit ug tulo ka rosas ug chocolate (sponsored by kalidades) ug mangaon dayon me sa gawas para dili na siya mahago sa pag-andam sa among panihapon. Apan bisan sa akong mga gipakita ug gibuhat kaniya daw hilaw gihapon ang iyang pagbati.

Usa ka higayon akong nadunggan si Ms. J nga may kaestorya sa selpon sa lain pinulungan apan akong nasabtan kay kahibalo man sad ko gamay sa pulong sa mga taga Yuta sa Nagsigang Adlaw. Ug didto ako siya gisukmatan kun unsa ang kamatuoran, kay murag iya lang ko giduladulaan. Mitug-an si Ms. J nga adunay nagsuporta kaniya human siya madakpi didto sa Yuta sa Nagsigang Adlaw, mao daw tigpadala kaniya ug pangsustento sa iyang pamilya. Apan mipasalig siya nga walay laing tinguha kanang tawhana nga nagsuporta kaniya buot lamang niini motabang. Migamay ako diha sa iyang atubangan tungod sa akong nabati, "Kulang pa ba ang akong gibuhat diha kanimo? Walay tao nga magbuhat ug inana kun wala silay makuha balik diha kanimo" sukmat nako. Apan mipasalig si Ms. J nga dili daw mahitabo nga iyang ibaylo ko sa kwarta... ug misalig usab ako ug gidawat ko na lamang ang tanan.

Kada adlaw magsakit ug maghuot ang akong dughan sa akong pagpakabuta bungol sa mga higayon nga manawag kaniya ang tao, iya ako pagawason sa among lawak para daw dili ko makadungog ug masakitan sa ako unya mabati kay lagi makasabot man ko sa ilang pinulungan. Magtuk-ong ako sa among lamisa samtang magpaabot kaniya nga mahuman sila ug estorya. "Sorry! Naunsa na man ko hon oi, nawong na man ko ug kwarta!" sulti ni Ms. J daun bakhu samtang iya akong duolon sa lamisa.

Magsige ug porsige si Ms. J nga mo gawas ko sa nasud aron makasulay sad ko ug lain dapit ug makatigum ug mas dako nga kwarta. "Dili pa karon kay kulang pa ang akong experience kun buot nako manimpalad sa gawas sa nasud" tubag nako. Akong nabantayan nga hinayhinay na nabuta si Ms. J sa mga maluhong gamit ning kalibutang nga iyang nasinati sa didto pa siya sa Yuta sa Nagsigang Adlaw.

Pipila ka mga bulan ang milabay ug mibutyag kini si Ms. J nga dili na niya makaya nga makita ko nga nasakita sa mga higayon nga motawag ang tao ug midisidar siya nga makigbulag na lamang. "Dili ko angayan para nimo. Pirmi lang ka nako pasakitan!" sulti ni Ms. J. "Wala ako nangita ug babae nga momahal kanako, kundi ang babae nga akong mahalon." tubag nako daun luhod sa iyang atubangan inubanan sa nagluha kong mga mata "Gidawat nako ang tanan! Bisan sa imong kahuyang gihigugma ko ikaw. Wala koy gipangayo nimo kundi ang pagtugot nga higugmaon ko ikaw!" dugang nakong sulti. "Tan-aw sa akong mga mata, ug diha isulti kun nahigugma pa ka nako o wala na!" akong pagsumbat kaniya, "Sorry! Wala na jud!" tubag ni Ms. J. Buot unta ni Ms. J nga ako siya dapatan o sumbagon aron mahimata siya sa iyang kabuang, apan dili nako mahimo tungod sa akong paghigugma kaniya igo na lang ako sa paghilak.

Mibiya si Ms. J ug daun nawala daw hangin nga igo na lang nako mabati apan wala. Wala ako'y nahimo kundi ang pagdawat sa sakit nga kamatuoran nga masbug-at para kaniya ang katigayon kaysa gugma. Human sa panghitabo among giproseso ang among anullment para wala na me kabilinggan sa usag usa, ug pipila usab ka bulan ang miligid milangyaw ako sa laing nasud nanghinaot nga makatabang sa paglimot kang Ms. J ug sa mga masakit namong kagahapon.

Kun asa ka man ron Ms. J, nanghinaot ako nga magmalipayon ka.

Ug sa adik natong mga istoryan, daghang salamat sa inyong pagtagad ning akong sugilanon.

[maran]

T.S pila edad nmo ani ? grabe saludo kaayo ko sa imo gugma sa babae, your one in a million gyud nga taw, tsk tsk tsk, i hope and pray maka kita raka ug babae na para nmo, na dili naka maghilak pa pag usab

[muchacha00]

first time gud nako nibasa og thread sa istorya nga ing-ani ka taas (bisaya man Gud)..... Nalooy gud konimo TS morag salida sa RADYO imong story.... gani naka share pud ka ani nga ing-ana nga pinolongan TS dala komedya ... morag motoo og dili man sad ko.. kay mag katatawa ko usahay sa mga lag-lom nga pinolongan....


daghan pa kayo og babaye TS... mas makahilak man ko og problema sa laki about LOVe kay sa mga babaye...

[Zebastian rella]

taasa uy,wa pa nako mahuman og basa..

[vahnhelsing]

maayong gabi kanimo tigpasiugda ning kutay.

nahiugbok ako sa akong silya mintras nagsubay sa mga titik sa imong sugilanon. Daw sama ug pasundayag sa radio kining imong kaagi, dula nga mismo tagsulat naghilak mintras gapatik sa panid. Samtang nagbasa ko nahibalik sa akong panumduman ang kagahapon ko sa gugmang napakyas. Sama kanimo nahiagom ako sa kabangis sa kapalaran. Boot ko sudyaan ang kahitas-an unsay mga hinungdan ug nganong ang mga nagmatarong mag-agwanta man sa kasakit?
Dili tiaw ang kasinatian mo ts, nahikawan ka sa pipila ka higayon sa tiunay nga kalipay nga maoy bugtong sangpit sa imong dughan. Kun kinsa pa ang imong gitugyanan sa imong kasing-kasing mao pay nakaako pagtumpag sa imong pagkatawo.
Ang mga tinguha mo sa kinabuhi naumol tungod kaniya. Ang mga pangandoy sa imong hinigugma gilalik ug nakab-ot mo bisan pa man sa mga pagsulay sa kinabuhi. Nagpabilin kang nilaom ug nagahandum kaniya. Wala pa natagbaw ang magsusulat ug nagdumula sa imong kapalaran, nahibalik siya sa imong kinabuhi apan sama kaniadto nagpas-an ka sa kuros sa kalbaryong walay hibal-e ang katapusan.
Kining imong kasinatian ts, gikahinaot ko may maayong sampotanan sa kaulahian. Matod nila luyo sa nanghinubrang kahapdos may kalipay nga dili sad mahitupngan.

[Kricket]

Maayong adlaw kaninyong tanan mga istoryan, ako diay si nomens ang uban kaila nako ang uban wala.
Sa uban nga wala pa kaila nako makaila ra unya mo kun magpaila mo ug una nako.
Kaning akong sugilanon nanghinaot ako nga inyong kakuhaan ug leksyon,
kapamalandungan ug kahatagan usab ninyo ug opinion.
Apan una ko sugdan, palihog ko sa pagsearch sa awit nga nagulohan "Biktima sa Gugma",
palihog na lang sab ko sa pagtukar.

Nagsugod kining akong sugilanon sa dihang nagtungha pa ako sa kolehiyo didto sa holiday na usab
kanhi daghang way clasi(hi sa mga nakaila ug nakatungha).
Didto akong nakaila ang babae nga nakapahinog ning hilaw kong pagbati nga nalata ra usab sa madugay, siya si Ms. J.
Sa una ko pa lng pagkahimamat ni Ms. J daw nahulog na ako sa dayon apan hawid lang gihapon gamay para dili
mawani ang porma. Ug didto usab akong nasinati nga buotan ug responsabling anak kini si Ms. J sanglit siya man ang kamagwangan sa upat niya ka igsoon.

Sa laktod nga pagkaestorya, nakauyab mi ni Ms. J apan sa tago lang, hadlok man siya nga paundangon siya sa iyang Tiya nga maoy naggasto kaniya ug sa iyang pamilya. Kay kani sila si Ms. J uyamot ra man, kani iyang Tiya banggiitang datu sa Yuta sa Nagsigang Adlaw ug dili buot nga mag-uyab2x siya sanglit aduna nay plano para kaniya ug sa iyang pamilya. Niadtong panahuna wala pa man koy kasinatian anang ilang giingon nga "way asong makumkom, apan matulon", nasakpan jud ang among tinaguang relasyon sa iyang pamilya sa dihang hapit na ko mahuman sa kolehiyo. Gihangyo niya ang iyang pamilya nga dili ipasaba sa iyang Tiya kay galig unsa unya ang buhaton. Ug tuod man gitugotan kami sa iyang pamilya kay nakita man usab nila nga sinsero ako sa ilang anak. Daw nisangko sa langit ang among kalipay nga gidawat na sa iyang pamilya ang among panaghigugmaay.

Kani si Ms. J pinangga kaayo sa akong pamilya mao nga ganahan ni siya magpirmi sa among balay. Kay kun naa me sa ilaha maulaw siya nako sa ilang sitwasyon ug sa iyang amahan nga palahubog ug sugarol. Akong gitago sa akong pamilya ang kahimtang sa pamilya ni Ms. J kay sa dili sad pag panghambog naa kami sa tungang klase nga kahimtang ug kaning akong pamilya nangandoy sad para nako nga makakita ug susama sa among kahimtang, apan dili ra sad hinoon sila magbuot kun si kinsa man galing akong pilion.

Nilangyaw ako sa syudad sa sugbo human sa akong pagtungha para manimpalad ug magsugod ug pondar para sa among plano ni Ms. J nga magpakasal sa simbahan ug maghimo sa among dream house daplin sa baybay. Kalooy sa Dios nakakita ko ug trabaho ug didto nagsugod ang akong pagtigum ug pagpaningkamot alang sa among kaugmaon.

(Milabay ang upat ka tuig)
Sa unsang hitaboa nahibal-an sa iyang Tiya ang among relasyon. Magsige man gud ni ug bisita si Ms. J didto sa akong balay nga giabangan ug naatuhan nga nauli ang iyang Tiya gikan sa Yuta sa Nagsigang Adlaw ug gipangita siya. Sayod si Ms. J kun unsay tuyo sa iyang Tiya mao nga midalikyat siya sa pag bisita nako ug misulti kanako sa giplano sa iyang Tiya. Buot nga paadtoon si Ms. J adto sa Yuta sa Nagsigang Adlaw ug patrabahoon didto sa iyang Tiya. Dili unta niya buot nga magkalagyo kami kay lagi dili niya makaya, apan ako siya gitambagan nga alang usab kana sa kaayohan sa iyang pamilya ug usab para namong duha nga makatigum me sa mubong panahon. Miuyon siya sa akong tambag apan mihangyo nga kun pwede magpakasal una kami bisan ug huwes lang una siya molarga, garanteya nga sa iyang pagbalik anaa ra gihapon ko ug magmatinud-anon sa among gugma.

Nagpakasal kami sa tago kay dili pa sab niya buot ipahibalo sa iyang pamilya hilabina sa iyang Tiya kay galig mosamot ug kalagot, mamahimo unyang babag sa among mga plano. Pipila ka bulan human sa among kasal miadto siya sa lungsod sa maynila aron sa pag-asekaso sa iyang papelis para makaadto na siya sa Yuta sa Nagsigang Adlaw inubanan sa iyang Tiya.

(Ug sa wala nako damha)
Usa ka adlaw mitawag si Ms. J, magul-anon ang iyang tingog nga daw gitagakan ug dakong problema. Midahunog ang iyang dakong pagbakhu inubanan sa dagko niyang ginhawa dayon sa pagsulti "wala na atong baby!". Nanugnaw ug daw nawala ako sa akong kaugalingon kinuyogan sa pagdagayday sa nagbaha kong mga luha didto sa malinawong sapa. Naghuot sa kasakit ang akong dughan sa iyang gibalita kanako, daw miundang sa pagtuyok ang kalibutan, nahanaw ang mga bituon, namugnaw ang adlaw ug miinit ang bulan. Dili matukib ang akong gibati. Ug iyang gisugid ang nahitabo. Nagsabak sa usa ka bulan si Ms. J sa dihang milangyaw siya sa manila, nahibal-an kini sa dihang gipamedical check up na siya sa iyang Tiya.
Dako ang kalagot sa iyang Tiya sa dihang nasayran niini nga buntis si Ms. J, ug misamot ang iyang kalagot sa dihang misulti si Ms. J nga kasado na kami. Gibaharan siya sa iyang Tiya, nga kun dili niya pupuon ang among bunga buhaton niya ang tanan aron dili na kami magkauban pa, ug dili na usab niya suportaan ang iyang pamilya nga hikahos sad sa panginabuhi.

Gidala si Ms. J didto sa Pampanga aron sa paghimo sa ilang dautang plano sa among bunga, nagmalampuson gyod ang iyang Tiya. Wala'y nahimo si Ms. J kun dili itugyan sa iyang Tiya ang iyang kinaadman. Gilabay usab sa iyang Tiya ang among singsing nga mikantidad ug pipila ka libo balor pod ug 5 kalibo. Sangko sa kinaubsang bahin sa empyerno ang akong kalagot sa iyang Tiya, ug nahiubos usab ako ni Ms. J sa wala niya pagtindog sa among hinaguang bunga, nga kun buot lang jud huna-hunaon kaya man nako siya buhion bisan pa apilon iyang pamilya. Apan bisan sa akong kaubos ni Ms. J ako gihapon siya gisuportahan ug gipakita nga gihigugma gihapon nako siya ug nga andam akong mosabot ug modawat kaniya, tinuod nga daw nahilis ang akong pagbati ni Ms. J apan dili sad nako maako nga biyaan ko siya ibabaw sa kahanginan. Nadayon gyod ang iyang paglarga uban sa iyang Tiya, inubanan usab sa iyang pagpasalig nga sa iyang pagbalik magmalipayon na kami sa dayon.

(Milabay ang usa ka tuig)
Bisan sa mga nahitabo, wala ako makabsi sa paglaum ug pagpaninguha nga makab-ot namo ang among mga pangandoy.
Gigahin nako ang akong panahon ug oras sa pagpangandam sa iya unyang pagbalik ug sa diha nakadisidar ako nga mobutyag nga mopakasal kanako unyag mabalik na siya. Usa ka adlaw niana adunay nagtext-text kanako ug mipaila nga kauban daw siya ni Ms. J sa iyang gitrabahoan nila didto sa Yuta sa Nagsigang Adlaw. Misukmat siya nga hapit na daw me magkakuyog ni Ms. J, nahibulong ako kay sa among panagsabot ni Ms. J tulo man katuig usa siya mouli kay mag Tago Ng Tago man siya adto. Sa akong katingala ginamit ang taas nga teknolohiya sa sosyal masa, giablihan nako ang mga impormasyon sa mga tao nga may kalambigitan kang Ms. J ug didto akong nasuta nga nauli na diay si Ms. J sa unang mga bulan pa.

Daw naghalo ang akong gibati nalipay nga dalang kasubo, nga sa unsang rasona wala siya mipahibalo nako nga nauli na diay siya sanglit nagkaestorya pa man me sa selpon. Apan wala ko na lang gipanumbaling kun unsa man ugaling ang rason, ang importante nga nauli na si Ms. J, ug dayon akong nasuta usab nga ang nagtext2x diay kanako si ms. J ra. Ako dayon siya gitawagan unya gipangamusta ug didto akong nasayran nga nadakpan diay siya, ug didto usab niya nasinati ang kahimtang ug bation sa mga binilanggo. Sulti niya nga daw nahugno ang iyang kalibutan sa nahitabo kay lagi nakat-on na man siya sa pagpuyo sa Yuta sa Nagsigang Adlaw ug ganahan na siya sa lugar. Buot unta niya nga magdugay pa ug daw nalimot na niya ang iyang saad nga sa tulo ka tuig magkauban na kami.

Akong nabati nga nabag-o si Ms. J tungod sa mga nahitabo. Daw miaslum na ang iyang pagbati sa among relasyon. Mihangyo siya nga hatagan una nako siya ug igong panahon nga makaluwas sa iyang gibati, ug tuod man akong gihatag ang panahon nga iyang gipangayo. Ako na lang usab gigahin ang ubang panahon sa pagpangandam inig balik niya kanako. Nagtagana ako ug surprisa alang sa iyang pag-abot, engagement ring, housing plan, ug sakyanan akong giandam. Usa kaadlaw nitext kanako si Ms. J "Makaya ra nimo nga mawala ko?", ug sa dihadiha dayon akong nabati nga adunay dili mao sa iyang mga gipasumbingay, ug ako daun siya gisukmatan kun unsa ang kamatuoran. "Sa pagkatinuod lang medyo nawala ang akong pagbati nimo, wala ko kasabot ug kahibalo ngano. Apan mao na akong gibati ron." sukmat ni Ms. J.

Sa ikaduhang higayon gibati ko pag usab ang akong nabati sa dihang nawala kanamo ang among bunga, ug sa ikaduhang higayon gipakyas ako ni Ms. J. Apan bisan sa akong kahiubos ug kalagot, gibati gihapon ako ug gugma ni Ms. J ug naninguha nga mabawi nako ang iyang paghigugma diri kanako. Busa mihangyo ako kaniya sa pagbisita kanako bisan sa akong adlawng natawhan apan wala siya misugot kay masakitan lang daw ko ug samot kun naa siya sa akongadlawng natawhan apan mura ra gihapon ug wala. Miistar ako apan pakyas. Nagmamingawon ang akong adlawng natawhan bisan sa mga nagkadaiyang pagkaon ug ilumnon nga akong gihanda alang sa mga bisita. Mihangyo ako pagbalik kaniya nga magkuyog kami sa pasko kay giplano usab nako nga ako usab ibutyag kaniya ang akong tinguha nga magpakasal kaniya kinuyogan sa pagpakita kaniya sa singsing nga may dyamanteng naggilak. Apan sa makausa pa, pakyas lang gihapon.

Gibati ko ug kamingaw, kasilag, kasakit ug kahikawan, buot ko na untang tapuson ang way bili kong kinabuhi, ilabay ko na unta ang singsing apan gisayangan usab ako kay mahal raba intawn pod balor ug 65k sponsored by Hearts and Arrows. Apan nagmalaumon lang gihapon ako nanghinaut nga mobalik ra ang panahon sa kanhi nagbuhagay pa ang among gugma sa usag-usa. Tungod niini akong gilingaw-lingaw ang akong kaugalingon nanghinaot nga mahulip ang dakong samad ning akong kasing-kasing. Laag diri laag didto, inom diri inom didto, disco diri disco didto, babae diri babae didto, apan bisan ning tanan walay nakatabang sa paghulip sa lalum ug dakong samad ning akong kasing kasing.

(Pipila ka bulan ang milabay)
Mitingog ug kalit ang akong selpon sa dihang akong nakita ang ngalan ni Ms. J nga mitatak sa screen. "Kumusta na ka?" matud ni Ms. J. "Dia talimatay na, sayo ra sad kaayo ka motawag para mocondolence woi!" tubag ko. "Sorry kaayo sa akong nabuhat diha nimo, kabalo ko nga dili enough nga mangayo ko ug sorry nimo. Busa buot nako mobawi ug mosulay sa pagbalik diha kanimo" matud ni Ms. J "Katuod pa man kaha ka diri?" daw nahuwasan ako sa akong kahubog ug gibatig kalipay. Pagkasunod adlaw miabot si Ms. J ug ako daun gitabo kinuyogan sa nagkadaiyang klasi sa bulak nga akong gihatag kaniya isip pagsugat sa iyang pagbalik.

Mihayag sa pagbalik ang akong nangitngit nga kinabuhi sa dihang nibalik si Ms. J, kada uli nako gikan sa opisina ako dayon hapitan pagpalit ug tulo ka rosas ug chocolate (sponsored by kalidades) ug mangaon dayon me sa gawas para dili na siya mahago sa pag-andam sa among panihapon. Apan bisan sa akong mga gipakita ug gibuhat kaniya daw hilaw gihapon ang iyang pagbati.

Usa ka higayon akong nadunggan si Ms. J nga may kaestorya sa selpon sa lain pinulungan apan akong nasabtan kay kahibalo man sad ko gamay sa pulong sa mga taga Yuta sa Nagsigang Adlaw. Ug didto ako siya gisukmatan kun unsa ang kamatuoran, kay murag iya lang ko giduladulaan. Mitug-an si Ms. J nga adunay nagsuporta kaniya human siya madakpi didto sa Yuta sa Nagsigang Adlaw, mao daw tigpadala kaniya ug pangsustento sa iyang pamilya. Apan mipasalig siya nga walay laing tinguha kanang tawhana nga nagsuporta kaniya buot lamang niini motabang. Migamay ako diha sa iyang atubangan tungod sa akong nabati, "Kulang pa ba ang akong gibuhat diha kanimo? Walay tao nga magbuhat ug inana kun wala silay makuha balik diha kanimo" sukmat nako. Apan mipasalig si Ms. J nga dili daw mahitabo nga iyang ibaylo ko sa kwarta... ug misalig usab ako ug gidawat ko na lamang ang tanan.

Kada adlaw magsakit ug maghuot ang akong dughan sa akong pagpakabuta bungol sa mga higayon nga manawag kaniya ang tao, iya ako pagawason sa among lawak para daw dili ko makadungog ug masakitan sa ako unya mabati kay lagi makasabot man ko sa ilang pinulungan. Magtuk-ong ako sa among lamisa samtang magpaabot kaniya nga mahuman sila ug estorya. "Sorry! Naunsa na man ko hon oi, nawong na man ko ug kwarta!" sulti ni Ms. J daun bakhu samtang iya akong duolon sa lamisa.

Magsige ug porsige si Ms. J nga mo gawas ko sa nasud aron makasulay sad ko ug lain dapit ug makatigum ug mas dako nga kwarta. "Dili pa karon kay kulang pa ang akong experience kun buot nako manimpalad sa gawas sa nasud" tubag nako. Akong nabantayan nga hinayhinay na nabuta si Ms. J sa mga maluhong gamit ning kalibutang nga iyang nasinati sa didto pa siya sa Yuta sa Nagsigang Adlaw.

Pipila ka mga bulan ang milabay ug mibutyag kini si Ms. J nga dili na niya makaya nga makita ko nga nasakita sa mga higayon nga motawag ang tao ug midisidar siya nga makigbulag na lamang. "Dili ko angayan para nimo. Pirmi lang ka nako pasakitan!" sulti ni Ms. J. "Wala ako nangita ug babae nga momahal kanako, kundi ang babae nga akong mahalon." tubag nako daun luhod sa iyang atubangan inubanan sa nagluha kong mga mata "Gidawat nako ang tanan! Bisan sa imong kahuyang gihigugma ko ikaw. Wala koy gipangayo nimo kundi ang pagtugot nga higugmaon ko ikaw!" dugang nakong sulti. "Tan-aw sa akong mga mata, ug diha isulti kun nahigugma pa ka nako o wala na!" akong pagsumbat kaniya, "Sorry! Wala na jud!" tubag ni Ms. J. Buot unta ni Ms. J nga ako siya dapatan o sumbagon aron mahimata siya sa iyang kabuang, apan dili nako mahimo tungod sa akong paghigugma kaniya igo na lang ako sa paghilak.

Mibiya si Ms. J ug daun nawala daw hangin nga igo na lang nako mabati apan wala. Wala ako'y nahimo kundi ang pagdawat sa sakit nga kamatuoran nga masbug-at para kaniya ang katigayon kaysa gugma. Human sa panghitabo among giproseso ang among anullment para wala na me kabilinggan sa usag usa, ug pipila usab ka bulan ang miligid milangyaw ako sa laing nasud nanghinaot nga makatabang sa paglimot kang Ms. J ug sa mga masakit namong kagahapon.

Kun asa ka man ron Ms. J, nanghinaot ako nga magmalipayon ka.

Ug sa adik natong mga istoryan, daghang salamat sa inyong pagtagad ning akong sugilanon.

gihaguan gyud ni TS dah.. first paragraph pa ko ts.. pero salamat sa pag share.

[nomens]

Daghang salamat sa inyong pagtagad ning akong mapait nga sugilanon... Nag gamit ako ug ubang mga laglum nga pulong tungod usab sa kalalum sa samad nga akong naangkon aning ilang gitawag nga "Gugma"... Nag edad na ako karon ug baynte utso, nagsugod ang among relasyon ni Ms. J tuig dosmelkwatro... Mikabat ug pito ka tuig ang among relasyon, nga panagbulag ang gidangatan... Gibahig ko ning akong sugilanon agig pahungaw usab sa akong nasinatian, ka usahay man gud dili jud nako kalikayan nga maghandum sa mga nahitabo... Mao nga nakadisisyon ako nga ako na lang kining ipanabi iyawat makuhakuhaan...

[siopao1984]

all i see is a big block of text.


sakita sa mata ko oi. wa ko mahuman basa. sorry TS

[Scott Bernard]

TS, I praise you for your effort in constructing your bisaya story, pero honestly nagsakit akong tangkogo nagbasa.. lawom ra ka bisaya, dili kaayo siya friendly sa mata...

Sa akong nasuta sa imong sugilanon.. wala siya'y baroganan nga babae, if she has has a strong character, dili siya dali2x magpadala sa iyang tita nga epa abort ang inyong bata. It proves that she is a woman of low character and doesn't deserve to be the mother of your unborn child, or better yet, your wife.

It was good while it lasted... now it's time for you to move on.

[mommy_yam]

as much as I wanted to finish your story ts, di mada ang ka lawn sa bisaya, nosebleed kaayo og makalibat hehe.. naay ganahan mu summarise dira? heheh

anyway na abort jud inyo baby , sorry to hear that