‘Gibiktima’ sa chatmate
Tuesday, October 4, 2011
USA ka 17 anyos nga dalaga gidudahan nga giamong-amongan sa langyaw nga iyang gika-chat sa Internet.
Niadtong Lunes sa hapon, nagkita ang biktima ug suspek sa gipuy-ang subdivision niini sa Barangay Lahug, dakbayan sa Sugbo, apan kaadlawon na gipagawas sa balay sa langyaw.
Niangkon ang dalaga nga nawad-an siya sa panimuot human paimna sa langyaw.
Sa paghikay ning balita, ang langyaw wa gyud mogawas sa iyang balay aron unta moatubang sa kapulisan.
Si PO3 Neri Cahimat sa Mabolo niasoy nga gika-chat sa biktima nga taga Barangay Inayawan sulod sa tulo na ka mga buwan hangtod nga gidapit ang dalaga sa langyaw sa ilang balay niadtong Lunes.
Giingong wa makatultol ang biktima sa gipuy-an sa langyaw mao nga iyang gipauban ang iyang iyaan.
Ilang natultolan ang balay sa langyaw, apan sa ilang pag-abot pasado alas 3 sa hapon, ang langyaw wa mopasulod sa iyaan kay di niya kaila.
Gibiyaan ra sab sa iyaan ang iyang pag-umangkon ug niuli sa ilang balay sa Inayawan.
Nahibulong ang amahan sa biktima nga wa siya sa ilang balay.
Nasayran na lang nila nga nag-uban kini sa iyang igsuon nga babaye nga iyaan sa biktima.
Sa dihang gisukit-sukit sa amahan, nitug-an ang iyaan nga ang biktima iyang gibiyaan sa balay sa langyaw kay wa siya pasudla.
Ang mga ginikanan nakig-coordinate sa kapulisan sa Mobile Patrol ug niabot sila sa balay sa langyaw.
Ilang gisigihan ug tuktok ang gate ug gisangpit ang biktima, apan way nitubag ug wa usab mangabli ang langyaw.
Tungod niini, nakadisidir ang mga ginikanan nga ilang ipa-blottrer sa Mabolo police ang maong hitabo.
Nakadawat ang police station og tawag gikan sa security guard sa subdivision nga anaa na ang dalaga gipagawas sa balay sa langyaw.
Nibalik ang kapulisan ug mga ginikanan aron pagkuha sa dalaga sa guard house ug gipahiling dayon sa mga doktor.
Ang dalaga niangkon nga gipainom siya ug beer sa langyaw nianang pasado alas 6 sa gabii hangtud nga siya nakatulog ug nakamata nianang pasado alas 3 sa kadlawon.
Matod niya nga wa na siya makahibawo kon unsay nahitabo kaniya kay siya nakatulog tungod sa kahubog, apan siya niangkon nga abli na ang zipper sa iyang pantalon atol sa iyang pagmata ug na-us-os na ang blouse nga tube nga iyang gisul-ob.
Ang kapolisan naglaraw nga mopasaka og kaso batok sa langyaw apan gipaabot nila nga mopadangat sa ilang reklamo ang mga ginikanan ug ang resulta sa paghiling sa biktima. (JFT)
Gipatik sa mantalaang SuperBalita Cebu Oktubre 05, 2011.
Source:
‘Gibiktima’ sa chatmate | Sun.Star
My Opinion: Here we go again... tsk tsk tsk...
‘Gibiktima’ sa chatmate
Originally Posted by Htennek
Posting Permissions
