Mga Pamaagi nga Mo-asenso ka sa Imong Career

[Manunulat]

---

Nakabantay ko karon sa mga batan-on labi na katong nag-sige ug balhin sa mga call center. Kung gusto mo mo-asenso, ayaw mo ug balhin.

Nagwork nako sa akong contact center industry ug nindot napud ang akong natagamtaman nga kasinatian. Ang akong sekreto kay molungtad lang gyud ko ug dili gyud ko magpuol puol. Mosulod ko sa hustong panahon ug dili pud ko magpataka ug absent.

Ang usa sa mga angay gayud nga buhaton especially nga kun pang-gabii ka, kinahanglan gyud ka ug nindot nga tulog. Kun dili tarong ang imong tulog, wala gyud ka sa mood nga motrabaho. Ang usa pa, dili ka tarong motagad sa imong mga customer. Mao nang kadaghanan siguro ninyo karon kay gamay ug score sa CSAT. Katulog lang mo ug tarong ug ayaw mo ug sige'g bulakbol.

Dagko ang sueldo sa mga Contact center kaysa regular nga mga job. Busa ayaw na ninyo sayanga. Kun gusto ninyo molahutay, mahala gyud na ninyo ang inyong trabaho. Ako nagtrabaho man ko ron sa usa ka contact center ug kaluoy sa Diyos, maayo gyud kaayo akong dagan. Di na mominus sa usa ka tuig ang akong tenure.

Ang imong experience mo-count gyud na. Kun gusto ka molambo, tan-awa ang imong account ug hunahunaa kun unsay puedeng trabaho nga makuha nimo kun wala na ka ana nga account. Kun naa ka sa account nga finance, maayo kay puede kang motrabaho ug bangko kun pul-an naka. Kun naa ka sa telcom, puede pud ka motrabaho sa PLDT or mga dagko nga Telco. Kun Tech-support ka, maayo kaayo kay daghan kag makuha nga trabaho sa gawas. Ang importante lang nga molahutay ka ug maayo ang imong dagan.

Ayaw gyud ug pag-apas sa sueldo. Kadaghanan sa mga account dire mga maayo apan kun mag-apas lang ka sa sueldo, di gyud ka ganahan. Apan aduna pud dire nga dagko ug sueldo apan daghan pud kaayo ka ug qualification sa job. Mas maayo ug dili ka mag-apas sa sueldo kay kun mag-apas ka, wala kay opportunity nga makat-on sa business. Sama sa akoa, nakat-on nako ang daghan kaayong puede nako mabuhat tungod sa akong account. Ug bilinhon pud ang akong mga kaalam. Kay ang kanang imong kaalam, dako kaayo na nga "Pogi" points sa sunod nimo nga employer.

Ang tenure importante. Ayaw mo ug katingala nga wala mo nadawat. Basig ang inyong tenure kutob ra sa 6 months or di gani momenus. Ayaw mo ug katingala nga ang inyong kadungan nga dugay na sa laing companya nadawat. Ang tenure importante. Kun gusto ka mo move, butangi ug at least three years ang imong tenure sa companya nga imong trabahuan. Ang rason mao nga makita man gud sa imong interviewers nga molahutay ka. Mahal baya ug gasto ang kanang hiring busa dili gyud mokuha ang companya ug mga tawo nga dili magdugay.

Angay gyud nga long term pud ang imong paglantaw. Kun short-term ra ka. Kalas kaayo ang imong oras. Kun anaa naka sa contact centre, ang long term nimo kay mamahimo ka ug Subject Matter expert, then mamahimo ka ug Team leader, then dayon motaas ka. Ingon ani, dali ra kang molambo sa imong career. Hatagi ug goal kada tuig ug i-detalye ang unsay angay nimong buhaton. Kun gusto ka moasenso, tan-awa ang mga metrics nga hinay ka ug pakig-sulti sa imong supervisor nga unsaon nimo pag-lambo. Ayaw paghuwat nga ikaw pay duolon. Hunahunaa nga ang matag adlaw nimong pagtrabaho, anaay kahigayunan nga molambo ka. Ayaw na ug sayanga. Kun ikaw ang mosulti sa imong supervisor unsa ang imong gusto buhaton, ikaw pa gani ang mahatagan ug kahigayunan ug taas gyud ang pag-tanaw nila nimo kay desidido ka nga molambo.

Kanang mga pulitika ayaw na panumbalinga. Ayaw ug kahadlok nga dili ka duol sa luwag. Duola ug ingna ang imong team leader nga unsa imong ganahan ug gusto nimong ipakita ni. Kun dako ka ug natabang sa imong mga ka-trabaho, mas importante pa na kaysa duol ka sa luwag. Ug ayuha ang imong performance. Ayaw kontraha ang imong supervisor. Apan pangita ug paagi nga masuod ka niya. Dili nuon ka sipsip apan ipakita sa imong mga katrabaho nga ang imong pagkamaayo dili tungod kay naa kay gi-apas. Kay magkinahanglan gihapon ka nila inig ka human.

Ang importante gyud mao ang imong attitude sa work. Higugmaa ang nagbuhi nimo ug kun nahigugma ka niini, dako ang imong purohan nga molambo ka.

Mga praktikal lang ni nga mga pamaagi apan kun imoha ning buhaton, ingna ko ug bakakon kun mobalik ka aning forum mga pila na katuig ang milabay ug maka ingon gyud ka nga husto ang akong gisulti.

[Jibert]

nice encouragement....

[Fallen6]

shet kalawom ba ani sir. pero i agree, ug nahan ka naay ma abot sa imo trabaho at any field.
kugi ug pag antos ang imo puhonan

di ka ma TL, manager, sup or unsa ba without proving your worth

[drinking]

nice post !! bookmarked

[KASAAC]

Salamat sir, dakong tabang gyud ning imung mga sulti sir

[LinAliza]

Sir super deep ang word in cebuano pwede paki translate in english? Thanks....

[Manunulat]

Salamat kaayo sa inyong pagdayeg. Kun naa mo'y gikalibgan nga pulong or words, sultii lang ko.

Ako man gud ning nasulat tungod kay nakabantay ko nga daghan naman gud sa mga kabatan-onan karon nga walay direction ang ilang career. Busa, akoa ning gi-post aron pud makatabagan.

Bag-o ra ko dire sa Istorya. Karon pa lang gyud ko naka huna huna ug ambit ug mga pulong dire. Apan dugay nako ug sige'g basaha. Nindot man diay ni dire. Aduna gyu'y kaugalingon nga katilingban ning website.

Hinaut unta nga mabungahon ang inyong mga kinabuhi ug nag-ampo kanunay sa kaayo sa inyong mga panglawas.

[SADBLOKE69]

nice post btawwww

[rolandflyff]

Dear TS (Manunulat),

First of all, dako kaayu ko ug pasalamat ani nga thread kay na encourage ko nga mu padayun sa akong gi part-time, although layu ra cya sa call center kay sa Jollibee man ko, naka abli gyud ni sa akong mata.

Trainee pa ko sa Jollibee ug wa pa koy 1 week pero ka surrenderon na dayun ko. But after reading this, naka amgo ko ug naka ingon nga "Mao gyud!". I need to change my attitude towards work and think of the long term effect kay ako ra gihapon madaot ana. hehehe.

Once again, salamat gyud ug more power sa imoha. Please continue being an inspiration to others. Have a gud day!

Thankfuly yours,

rolandflyff

[Manunulat]

Dear TS (Manunulat),

First of all, dako kaayu ko ug pasalamat ani nga thread kay na encourage ko nga mu padayun sa akong gi part-time, although layu ra cya sa call center kay sa Jollibee man ko, naka abli gyud ni sa akong mata.

Trainee pa ko sa Jollibee ug wa pa koy 1 week pero ka surrenderon na dayun ko. But after reading this, naka amgo ko ug naka ingon nga "Mao gyud!". I need to change my attitude towards work and think of the long term effect kay ako ra gihapon madaot ana. hehehe.

Once again, salamat gyud ug more power sa imoha. Please continue being an inspiration to others. Have a gud day!

Thankfuly yours,

rolandflyff

Salamat sa imong pagdayeg ning akong post. Nakatrabaho pud ko ug fastfood chain ug parehas ra gyud ang principle sa work. Dako kaayo nang matabang ang imong pagka0-crew sa Jollibee. Pero, ayaw lang pag-hunahuna nga crew ra ka kutob. Kadaghanan man sa akong nahibaw-an nga manager karon sa previous nako nga employer, dagko na ug sueldo sa gawas. Tungod ni sa ilang experience dire.

I would suggest nga mo-try ka sa KFC kay international brand na siya ug naa na sila'y premium nga ihatag sa ilang mga tenured crew. Libre pa gyud ang ilahang meal didto ug kun mag end of contract naka, ihatag ka nila sa laing store or puede kang mo-remain diha sa ilaha sa kaduha nga time. Apan, dili lang kaayo ko ganahan sa ubang management. (I have really worked there sa admin office). Pero ang kanang poor management wala man pud na gaingon nga absent na sa jollibee. naa lang gihapon na gud.

Ang importante kay libre ka sa imong snack ug ang brand itself kay international. Puede pud ka mo-apply ug Pizza Hut or Shakeys or Yellow Cab nga puros pud mga international ang brand name.

Bilib ko nimo bai kay nitrabaho ka. Ako wala gyud ko gipatrabaho sauna sa akong ginikanan kay dili sila gustong mawagtang ang akong focus sa akong study. Lahi naman gud nang magtrabaho ka then mawagtang ang imong focus sa imong study.

Apan kun gusto ka ug dili kaayo pressured nga work, mas maayo ug mag "working" ka sa inyong school. Kun naa ka sa San Jose, ok kaayo nang ilang NAS (Mao pa man ni ang akong nahibal-an. Wa na ko kahibawo kun unsa ang equivalent ana.) Or kun asa ka nga skul, mas maayo nga magworking ka nila. Mas mosabot sila ug bisag gamay ra ang sueldo, dili man ka matental kun unsay imong paliton kay bayad naman ang imong sueldo sa school.

Mas maayo gani ug magworking ka kaysa mag-Jollibee ka. Mas nindot ang imong work exposure diha.

Ug hinaot unta nakatampo napud ko kanimo.