Davide - Magpale tandem? - TALINGGAB Ni Manny Delos Santos Rabacal | Banat ｻ Banat Sections ｻ Opinyon
Atong huwaton kun makahimo ba gayud si Pres. Aquino sa pagtangtang kang Customs Commissioner Alvarez human niining pagka-diskobre sa gipalusot nga mga mahalong motorsiklo, SUVs ug ubang klase地g mga sakyanan.
Si Alvarez tawo ni Bert Lina, usa ka dako地g political supporter ni P.Noy. Karong bag-o gikiha siya tungod sa kanunay nga pagpalusot niining ukay-ukay ug pagtinir og mga hao siao nga maoy kusog manapi sa customs. Wa sad niya mapatuman ang Attrition law nga nagbuot pagtangtang sa mga empleyado nga dili maayo暖 koleksiyon.
Nauwaw kaayo si P.Noy nga ang mga tinugyanan sa balaud sa U.S. mao na hinuon ang nasayod sa smuggling dinhi sa Pilipinas.
* * *
Nilingkod na isip bise gobernador si Bokal Agnes Magpale hulip sa pwesto sa nitaliwan nga si Engr. Greg Sanchez.
Si Magpale anaa sa posisyon nga maka-demanda sa buot niyang buhaton isip bise gobernador itandi kang anhing Greg nga gituhuang gihikawan sa gahum isip ikaduhang labing taas nga opisyal sa Kapitolyo.
Nakapabor si Magpale kay alalay sila ni Gobernador Gwen Garcia. Apan ang iyang labing lig-ong hinagiban mao ang pagka-sakop niya sa Bakud Party nga pinanguluhan ni Ramonito Durano nga maoy nakapadaug kang Gob. Gwen niadtong niaging piniliay.
Ang mata sa mga political observers, nga nagpadayon sa paghinguto sa mga mokandidato niining umaabut nga piniliay, nakapunting kang Bise Gob.Magpale. Nagtoo sila nga si Magpale hangyoon nga modagan pagka-bise ni Junjun Davide nga mao gihapon ang himoong standard bearer sa Liberal Party sa lalawigan.
Dili kini layo sa tinood tungod kay si Magpale igsoon ni Energy Secretary Rene Almendras ug inahan ni Energy Undersecretary Aina Asirit niining Aquino administration.
Ang kuwang nalang aron pagsemento niining maong political tandem mao ang pagbalik sa maayong kabubut-on nila ni kanhi Tourism Secretary Ace Durano ug sa iyang buot nga ma-impeach kaniadto nga si kanhi Chief Justice Hilario Davide, Jr., amahan ni Junjun.
* * *
Mas maayo unta nga barugan sa Kapitolyo ang una nilang gihatag nga katarungan nganong ilang gipalit ang Balili property sa Naga.
Dili makaayo kanila kun usab-usabon ang ilang tumong ug tuyo sa pagpalit niining hapit usa ka gatus ka milyon ka pesos nga balor sa yuta nga ang labing dako nga parte anaa ilawom sa tubig.
Ang una nilang katarungan mao nga ila kining himoon nga pwerto. Human niini, ilang gipasiatab ang ilang pagpananom og mga prutas ug pagpamuhi og isda sa maong dapit.
Nasayran na lang nga anaa na diay silay kontrata sa KEPCO aron himoon kining labayanan sa coal ash sa maong power plant.
Karong bag-o gitanyag sa Kapitolyo ngadto sa mga Koreano ang mao地g luna aron adto itukod ang ikaduhang power plant sa mga Koreano.
Kining kadaghan na sa mga katarungan kun ngano地g ilang gipalit ang maong luna makapaduda nga pangulipas na lang kini aron pagtabon sa tinuod gayud nga tumong sa mga opisyal sa Kapitolyo.
* * *
Nasayud na ang katawhan kun unsa ang tinuod nga tumong ug tuyo sa hapit tanang mga opisyal sa gobiyerno nga mopatuman og mga proyekto sa iyang dapit.
Inay nga modayeg sa himoong proyekto sila nagtoo nga ang tinuod nga katarungan niini mao ang kickback kon bahin sa opisyal sa maong proyekto. Mao kini ang gitawag og Standard Operating Procedure (S,O,P.). Akong klarohon nga wala ako mamasangil sa tanang mga opisyal sa gobiyerno. Kadaghanan kanila mangayo og 20 porsiyento sa tibuok balor sa proyekto. Ang uban modemanda gani og mas labaw pa niini.
Ang kanunay nilang himoon nga katarungan mao nga ila kini地g himoon nga pundo alang igasto sa eleksiyon.
Mao kini hinungdan nga sub-standard ang kadaghanan sa mga public work projects.
Email:mannyrabacal@yahoo.com
davide-magpale tandem?
Reply With Quote
Posting Permissions
