Operation Tangtang Campaign Materials

[echo.duel]

---

Heard over the radio this morning that posters/streamers/banners and other campaign materials can be removed by anyone if it is not placed in the designated area. Except of course if it's a private area or structure, they can put their campaign ads with the permission of the owner.

Example: Posters placed in the electrical posts, bridges, skywalks, etc. can be removed by anyone...

Maayo ni, kay samok na kaayo tanawon ato lugar uy na nagkatag lang mga campaign materials.



From: DYAB Arangkada

Tabang sa Comelec



Kon matinud-anon nga ipatuman sa Comelec ang mga lagda sa kampanya, malangkat na sugod karong Biyernes ang posters, streamers ug ubang campaign materials sa nasudnong mga piliunon nga naghinobra ang gidak-on o nahimutang gawas sa common poster areas. Apan ginapos ang mga kamot sa kadagkoan sa Comelec batok sa ilegal nga campaign materials sa lokal nga mga kandidato.

Salamat sa binuang nga paglibkas sa Korte Suprema sa pagdili sa premature campaigning, atong masaksihan ang salikwaot nga talan-awon: Gukdon ang kalapasan sa mga nanagan pagka presidente, bise presidente ug senador, apan pasagdang magpiyesta paglapas sa tanang lagda ang mga magpapili pagka gobernador, bise gobernador, kongresista ug ubang lokal nga katungdanan.

-o0o-

Kay samtang nagsugod na ang 90 ka adlaw nga campaign period sa nasudnong piniliay, unya pa sa Marso 26 magsugod ang 45 ka adlaw nga campaign period sa lokal nga piniliay. Sa ato pa, ang Fair Elections Act makadut lang sa nasudnong mga piliunon. Ang Comelec mahimong pikatan lang sa lokal nga mga piliunon.

Matod ni Comelec 7 Regional Director Rey Rene Boac matangtang lang ang campaign materials sa mga nanagan sa lokal nga katungdanan kon gipahimutang sa mga dapit nga gidili sa lokal nga mga ordinansa. Nga imposibleng mahitabo. Kay ang mga tigpatuman sa balaod mao ra man say nag-una nga mga malapason.

-o0o-

Kon mosuroy ka sa kadalanan sa Sugbo, hapit tanang piliunon nakalapas sa mga lagda. Nagpataka lang pagpamutang sa ilang campaign materials. Pipila na lang ang wa magpakauwaw. Nga gikahadlokan namo nga nanukad sa ka wa nilay kuwarta. Di sa ilang kamatinahuron sa balaod.

Kapait sa kamatuoran. Kon higpit nga ipatuman ang mga lagda batok sa mga nakalapas, mahimong way makalingkod sa tanang mga nagpapili. Maong mapugos na lang ta paglingiw sa ilang pakauwaw. Nga dakong kapildehan sa atong balaanon nga katungod sa pagpili. Kay kon nangahas na sila paglapas sa mga balaod karon nga nagpapili pa, unsa na kaha kon makalingkod na gyod sa gahom?

-o0o-

Laing pait nga kamatuoran: Bisan unsa pa ka-determinado sa Comelec pagpatuman sa mga lagda batok sa kalapasan sa kampanya, mainutil gihapon tungod sa kagamay ra nila og mga kawani ug kadaghan sa uban nilang mga gimbuhaton. Apan inay sawayon, nganong di man nato tabangan ang Comelec?

Mangahas ko pag-awhag sa nagpakabana nga mga pundok pagtabang pagpanangtang sa ilegal nga campaign materials. Mga giya ni Direktor Boac: Pagkuha og listahan sa common poster areas gikan sa election officers; panangtanga ang tanang posters ug streamers sa wa tugoting mga dapit; pakuyog og mga polis nga makapanalipod nila kon may manghasi nila; ug kon maatlan ang mga nanaod sa posters ug streamers kuhai og hulagway o video aron maggamit nga ebidensiya batok sa mga piliunon nga nagsugo nila

[jrconde]

dili kaha ta kuyawan ani kai basin pusilon rata ug kalit? what if grabe kaau masuko cla kai ato gitang2x. luoy kaau tawn mi.

[echo.duel]

Maau ta bro ug organized groups jud ang manangtang para daghan ba. Advise gani sa comelec mas maau naa in authority na mokuyog ninyo panangtang.

Anyway, we can start in our own backyard or near our area, like kanang mga poste duol sa inyo. Samok baya tanawon...

[echo.duel]

Ang uban sad candidates, let's say the presidentiables, nihatag ra na cla ug campaign budget unya ang gipangsugo kay pataka lang sad papilit, basta lang mapilit nila.

[apps]

dlikado ni dah. kay gabii raba ni mag butang mga tawo dri sa ila mga candidates nya sundon pud ug tang-tang tsk tsk tsk...

[elvandesantos]

pag mamutang sila sa ako koral!! pete sila nko

[nicomambo]

bitaw..naghugaw2 ra na cla sa atong environment.

[personalmgt]

As a elected official sa among barangay, looks like I know na what's my next project. Ang mga gahig ulong kandidato, mo-tilaw gyud namo ron.

[trax]

atong ning panagtangon oi, kai mosamot ug kahugaw ato palibot ani ilang pag hugaw2x

[scorpionqueen]

Maluoy ta sa mga metro aide magtan-aw after elections... matablaw tawn kuskos anang mga gipangpilit sa kilid-kilid. Di ra ba lalim sad manglimpyo, hugaw pa kaayo tan-awn.