Lalaki pinatay ng 4 dahil ’di alaM ang ‘Nobody’, Patalim iniwan sa katawan ng biktima
By: Jerico Javier
SINAKSAK sa tiyan at pinalo sa ulo hanggang mamatay si Leo Santos, 28, ng apat na lalaki sa Tondo, Manila. Iniwan pa ang patalim sa katawan ng biktima na ang tanging kasalanan ay ’di niya alam ang kantang ‘Nobody’ ng Wonder Girls.
Si Santos, electrician, ng Callejon 1, Block 1, Lot 19, Corregidor St., Mahomas Compound, Tondo, Manila, ay sinaksak ng dalawang beses sa tiyan at pinagbubugbog noong Agosto 26 sa Tondo. Siya ay namatay Huwebes sa Jose Memorial Medical Center.
Pinaghahanap na ngayon ng Manila Police District-Homicide Section ang mga suspek na nakilalang sina Jansen Maglanque, Jonar Balagtas, Rodolfo Aguas at alias Joseph, mga residente ng Pilar Street sa Tondo. Sila ay nahaharap sa kasong murder sa City Prosecutor’s Office.
Ayon sa imbestigasyon, naglalakad si Santos bandang 2 a.m. noong Agosto 26 nang madaanan niya ang apat na suspek sa Corregidor St.
Kumakanta umano si Joseph ng ‘Nobody’, ang popular na kanta ng Wonder Girls, nang tanungin siya ng biktima ng, “Ano ang kinakanta mo?”
Nairita diumano ang isa sa mga suspek dahil ’di alam ni Santos ang kanta kung kaya’t sinuntok niya ito. Nakihalo na ang tatlo pang suspek at kinuyog ang biktima.
Isa sa mga suspek ay sinaksak si Santos sa tiyan ng dalawang beses, pagkatapos ay tumakas kasama ng iba pa. Ang kaso ay inireport lang kahapon sa pulisya ng pamilya ng biktima dahil naging abala umano sila sa pagpapagamot at pagpapalibing nito.
Source:
http://www.journal.com.ph/index.php?...c=1&aid=102224
Lalaki pinatay ng 4 dahil ’di alaM ang ‘Nobody’
Originally Posted by paheng
"People who love to eat are always the BEST people."
Reply With Quote
Posting Permissions
