gimingaw nku ug buhat ani....

Mahimo bang pig-on
Ang ugang balak
Aron manugwak
Ang mga bulak
Sa akong dughan?

Mahimo bang tition
Ang buak nga karon
Aron mayabu
Ang mga aninu
Sa akong kagahapon?

Mahimo bang wiwion
Ang mga gagmayng gisi
Sa akong sugilanon
Aron malili
Ang mga binhi
Sa akong kasingkasing?

Mahimo bang lukoton
Ang tikig nga bukton
Sa akong pahiyom
Aron mahipos
Ang mga luhang naitos?

Mahimo bang angkonon
Ang nagusbat kong pagbati
Aron itapak
Sa nagkayamokat
Mong kinabuhi?