Korean nahug, napiit

[hardlock]

---

USA ka Korean national nga hubog nahug ug napiit sud sa upat ka mga oras taliwa sa duha ka nagsikit nga mga firewall sa duha ka mga kan-anan sa may dan Juana Osmeña, siyudad sa Sugbo kagahapon sa kaadlawon.
Gitung-an sa duha ka mga firewall ang usa ka kanal.
Si Lee Woo Jae, taga South Korea, apan kasamtangang nagpuyo sa Silver Hills subdivision, Talamban, siyudad sa Sugbo, nakaangkon og mga bun-og ug samad nga gidala sa Chong Hua Hospital.
Gituohang nahug siya mga alas dos pasado kagahapon sa kaadlawon apan mga alas 7 pasado na siya hingpit nga nahulbot.
Naglisod ang mga rescuer sa paghulbot kaniya kay nisukol kini kon ilang duolon.
Matod pa sa sikyu sa restobar nga si Ricardo Luga, nakit-an niya ang langyaw nga naglakawlakaw sa dapit nga nakatiniil lang pasado alas 11 sa miaging gabii.
Ang waiter sa Sideline Garden Restaurant nga si Iyan Tuyogon nakadungog sa pagsigeg singgit og pakitabang ni Jae.
Sa iyang pagsusi, iyang nakita ang biktima nga natagak na diay sa kanal tunga sa duha ka mga firewall sa duha ka mga kan-anan.
Ang gintang sa duha ka mga paril 12 ka pulgadas lang o usa ka tiil hinungdan sa iyang pagkapiit.
Mao nga halos upat pa ka oras ang nilabay una pa siya nahaw-as sa ningresponde nga mga sakop sa Emergency Rescue Unit Foundation (ERUF).
Tungod sa kadak-on sa Korean, naglisod sila sa pagluwas ug nisukol pa kini nila kon duolon.
Ilang gisugdan ang pagbuslot sa paril mga alas 5 sa buntag.
Matod pa sa mga rescuer nga ang wa nga bahin sa lawas ni Jae ang grabe nga nabun-og.
Sa paghaw-as ni Jae, dali kining nibarog ug nilugnot kay di siya magpatabang.
Dugay sab niabot ang interpreter nga ilang gitawgan.
Ang bise presidente sa United Korean Community Association, Inc. diri sa Sugbo nga si Charlie Shin niingon nga mosusi sila sa hitabo.
Nasayran nga si Jae duha na ka adlaw nga wa mouli sa ilang balay human nagkaaway sa iyang asawa nga Korean usab.

[hardlock]

Amawa aning Koreanoha kay nangayo ug pakitabang human ug naanay mutabang, mulugnot ug musukol! kalaming duklon!!!
Maypag gipasagdan... Katok gyud ning mga Koreano kung makainom... Or basin maski di pa kainom ehehehe!

[Tarmac]

Usahay tuhod pud na nga dili sila kama-o mag iniglish or Tinagalog/Binisaya. Pagduol sa mga tao nahadlok tingali siya kay abi niya unsaon siya.

Which got me to thinking. We deal a lot with Koreans in our business. Our agents (themselves Koreans) have emphasized to us that a lot of times what we mistake as "inamaw" or "minaldito" on their part has a lot to do with their inability to express themselves properly. They get frustrated and lash out. Patience is therefore key to dealing with them.

We've had a lot of Korean customers and when dealt with plenty of patience and understanding on our part, they've been great. We've never really had problems (mas problematic pa gani mga Pinoy hehehe). My wife and I have also had the chance to visit our friends in South Korea and we loved our stay there. Once they consider you their friend, they are fiercely loyal to you... it's almost impossible to pick up the restaurant tab, for instance. As a people, they are extremely hard-working, disciplined and no strangers to adversity. Their country's meteoric rise from the ashes of the Korean War is testament to that.

Of course naa pud koy nakit-an nga mga amaw ug maldito nga Koreano, just as I've seen a lot of amaw nga Pinoy ug amaw nga Amerikano, etc... I'd hate for people to generalize that Koreans as a whole are crazy people because they aren't.

[hardlock]

Aw imo sad na bro but akong experience sa ilang kabuang labi na sa mga night spots di na maihap kapila nami nagkabangga ana nila!

It's nice to know nga naa say pinoy mubilib nila, siguro usa sa dakong rison is because imong business usually deals with Koreans.

We are all entitled to our own opinion and mine won't change...

[nirdle_phogi]

hahaha. kahinumdom man nuon ko ani sa korean movie na windstruck.. kadto napiit... hahah

[jlodarl]

basin dili gusto pa ta bang kay maghikog sad to..

[gikapoy]

basin dili gusto pa ta bang kay maghikog sad to..

hehehe
bitaw pud hehehe

[acecrystal]

heard dapit ra daw to sa stc sa? sakto ba? klaro nalang hubog.....ana jud na sila,night life

[misha lang]

he was drank.

[popoy2]

hahaha. kahinumdom man nuon ko ani sa korean movie na windstruck.. kadto napiit... hahah

hahaha..ahaka, bitaw sah..hapit siya madunggabi..mao guro nahadlok ang korean tabngan.hahaha