Ni Lesley Caminade Updated February 25, 2009 12:00 AM
CEBU, Philippines - Duha ang namatay samtang usa ang angol dihang natumbahan ug nadat-ogan sa trak sa softdrinks didto sa Abellana Street, barangay Tintay, Talamban kagahapon sa alas 4:00 sa kaadlawon.
Ang namatay mao sila si Jose Pepe Buntoyan, 39, ug ang iyang inahan nga si Juana Buntoyan , samtang ang naangol mao si Moises Esconde, usa ka “boy” sa pamilyang Bontuyan ,ang tanan taga Mandaue City.
Samtang ang driver sa trak nga nakadat-og sa mga biktima mao si Ronilo Pepito, 22, taga Sitio Iba, baranagy Basak, syudad sa Lapu-lapu.
Si PO3 Armando Bañoc sa Talamban Police Station mibutyag sa Banat News nga samtang nagpadagan si Pepito sa trak sa softdrinks, kalit lang kunong may nakasampong sa iyang mata, hinungdan nga kalit niyang natumban ang preno sa sakyanan.
Gumikan sa kakalit, misarasay ang trak samtang nagdagan sa karsada hangtod nga misaghid kini sa poste sa kuryente ug didto matumba sa tora-tora nga gisakyan sa mga biktima nga naghunong samtang nagtan-aw sa misarasay nga sakyanan ni Pepito.
Gumikan sa kakalit sa hitabo ang anak ug inahan nga Bontuyan nga maoy naglingkod sa lingkoranan sa motorsiklo, mitiurok ug wala makadagan, busa nadat-ogan kini sa trak nga natumba.
Si Eskonde nga didto maglingkod sa tangkal, maoy nakaambak, apan nabusdakan pa gyud kini sa sakyanan hinungdan nga anaa kini sa talandugong kahimtang.
Human sa usa ka oras nga binunlotay sa biktima gikan sa ilawom sa trak, gihatod dayon ang tulo ngadto sa North General Hospital apan gideklarar nga dead on arrival ang anak ug inahan nga Bontuyan, samtang si Esconde anaa sa kritikal nga kahimtang.
Nasayran gikan kang P03 Bañoc nga hubog ang drayber sa trak kinsa buot untang moikyas apan gumikan sa kadaghang tawo nga mipugong kaniya wala kini makasibat.
Sa pagkakaron napaslak na sa prisohan sa Guadalupe Police Station ang suspetsadong drayber ug nagpaabot sa tukmang kaso nga isang-at batok kaniya. (BANAT NEWS)
nsay ma say nato ani sa ka grabeh nga insidente ani
..
perting pagkapiita jud sa biktima ani...
2 patay, 1 angol nadat-ogan sa trak!!..nsay ma say??
Originally Posted by ceden_yu143
Reply With Quote
Posting Permissions
