1 Patay Tungod sa Pulong "PISOT"

[Motownkid]

---

1 patay tungod sa pulong pisot

USA ang patay samtang lain ang naangol sa pagpanunggab ug pagpamunal sa mga Ilonggo ngadto sa ilang mga kaubang Sugbuanon human sila tawga og pisot.

Ang mga biktima ug mga suspek kauban sa usa ka construction firm nga nagtrabaho sa usa ka edipisyo sa dalan Jasmin, Sto. Niño Village, siyudad sa Mandaue, pasado ala una kagahapon sa kaadlawon.

Ang nadunggaban patay giila sa kapulisan nga mao si Elmer Arisco, 27, taga Catmon, Cebu ug ang nabunalan mao si Nilo Montecillo, 32, taga Sogod, Cebu.

Ang mga suspek nga nanunggab ug namunal giilang mao sila si Rodulfo Caangay, 43, Rey Peñasosas, 31, Dante Panate, 31, Edgar Rebosquillo, 31, ug Freddy Molina, 42, pulos, taga Iloilo ug nagtrabaho isip mga construction worker.

Sa pasiuna nga imbestigasyon nga gihimo ni PO2 Rey Manatad sa Presento 4 sa Mandaue City Police Office (MCPO) nagbutyag nga natulog na ang mga suspek sa kasikbit nga bunk house nga gipuy-an sab sa mga biktima.

Apan si Caangay nakamata tungod sa kasaba ug iyang gipasanginlan si Arisco nga maoy nagsaba-saba.

Gibadlong ni Caangay si Arisco nga di maglangas kay mangatulog sila kay gikapoy sila sa ilang trabaho.

Apan kalit lang nadunggan ni Caangay nga dihay misinggit sa gawas nga “Saba mo diha, mga pisot mong mga Ilonggo.”

Nakapasuko kini kang Caangay ug sa iyang mga kaubang Ilonggo.

Dali silang namangon ang iyang mga kauban ug nisulong sa bunk house nga gipuy-an sa mga biktima.

Nakit-an na lang ni Jufel Caminade, kauban ni Arisco, ang mga suspek nga may dala nga kahoy nga niduol kang Arisco ug dayong pamunal sa mga suspek sa mga biktima.

Pagkahuman giduslakduslak si Arisco sa makadaghan nga higayon.

Si Montecillo sa iyang bahin niingon nga diha na siya sa taas sa bunk house dihang gisaka siya sa mga suspek ug gibunalan ang iyang ulo.

Human matumba ang mga biktima, daling ningsibat ang mga suspek balik sa ilang bunk house.

Daling nakaresponde ang kapulisan sa Mandaue ug nasikop ang mga suspek.

Si Caangay miingon nga wa siya makainom ug nakamata lang siya sa kasaba ug nasuko human sila gisiyagitan og pisot.

source

[radiostar]

hahahaha grabe!!!

[godwhacker]

Sus, Kuyawa ug mga topic dire woi!

[grovestreet]

wow... tinuod tingali.

[c_cebrecus]

bato-bato sa langit, tinamaan kaya nagalit!

[devil@plax]

haha...mau pra nya...nganung nghilabot sa wa nghilabot...haha

[etsirkoid]

wai tinu.uray lagi, jowk lang.. hehe

[seven_segment]

magbiro sa lasing wag lang sa bagong gising...


pero mabawa ra sad ...para ipatay ug tawo...

[rob123]

pag sulong unta ila unta g pakita ug labaha nya dayon hadlokon hga cige duol kay tulion ta mo karon, d unta to mahitabo kay modagan man to sila palayo, hadlok man tulion... gud morning joke ra!!!!!!!

[nirdle_phogi]

Waaaaah mao jud gigulat lang unta to nga tulion.. hehe.. Bulhot lage tog dagan unta.