Ikaw ra gyod akong higugmaon

[doawnallan]

---

IKAW RA GYOD AKONG HIGUGMAON

Kay sakit aning dughan kung ikaw bastiron sa usa kahinigugma

Hinigugma nga way paglabi sa imong gugma

Ihatag mo man tanan sa iya ang tanan nga bahandi

Nga imong gitigom – tiguman sa pipila ka tuig

Kalimtan man ang kaugalingon og apil ang kaubanan

Para lang ika’y maangkon

Kay kaning kahigugmaan nga akong nabati sa imo ra gud

Way labi ang uban nga gugma kay ikaw ra ang sulod sa akong dughan

Ikaw ra gud akong higugmaon

Sa tibuok kung kinabuhi

Bisan pa man magpaulipon sa imo

Kay kaning hinigugma nga

Ikaw ra gud akong higugmaon

Bisan pa man tiglaba sa imong hinubuan tigluto

tiglimyo sa imong balay basta lang magpuyo tapad sa imo

kay ang pagbati aning dughan

ikaw ra gyod akong higugmaon

higugmaon sa kaugmaon

labi na gyod na makahikap sa imong mga tudlo

kalipay na gyod na sa akoa kay kahibawo ko nga di ka pahikap sa akoa

pero sa uban dili ra hikap sa imong tudlo kundi tanan parte sa imong kalawas

kahiubos gyod nganong ikaw gud akong higugmaon

nga naa pa’y lain pero ikaw ra gud akong higugmaon

kay ikaw man ang gipangita ning akong dughan

bisan pa man naa kay lain nga puyo puyo

basta lang makit-an ka sa kanunay

kanunay nga kahiubos, kahiubos nga gugma

ikaw ra gyod akong higugmaon

higugmaon sa tibuok kung kinabuhi

kay ang akong kinabuhi walay pulos kung wala imong gugma

bisan pa kalimtan man nako mokaon basta lang makakaon ka

unsaon pa man nako pagkaon kung wala ka sa akong presensya

kalami gyod nimo mo katawa

kinataw - anay mo sa imong hinigugma

hinigugma mo nga naa’y lain

bisan naa ko diri nga nahigugma gyod sa imoha

Ikaw ra gyod akong higugmaon higugmaon sa tanan

[chad_tukes]

^^ikaw ga-compose ana bai?

unsay atong na inom?

hehehe

[gaeacrixy]

I bet sagol2 ang imong natagay ani nga time...heheh, peace!..

[jvadolfo_1983]

Kuyawa diay basta ma basted ta oiz. Makabuhat man diay tah ug balak. Balak nga wala dri wala didto. hehehehe

[doawnallan]

gicompose nako na para unta sa contest oi!!! well mura man pod ko adik aning tima hehehehe kay walay tugpahay... kanta biya unta na pero balak na hinuon ang gawas hehehe

[jvadolfo_1983]

Good work bro... Keep it up. hehehehe....

Makakita jud ka ana ug right girl...

[tessai]

nice.... hehe

[g_rovie]

nice bro.

pero kaon sunod ha kay kung mao nay magpermi lisod kaau.hehehehe

[r3roble]

murag gugmang gi-atay mani bro.. joke... he he...

[Dondon]

Napasmo ka atong mga orasa bro? Hehe, pero nindot raba siya in fairness