Pulis Gi-ambush sa Mactan Bridge Patay!

[freudz]

---

sus naunsa na man ni.... bac gi gun down ni kay daghan ni nahibaw an.... kafaet naba karon sa pilipinas...

[AMD_infinium05]

if daghan dire... mas brutal sa gawas and mas daghan gubot didto.. naa jud ni si Satanas bisan asa.. Advice: Ask for God's presence and guidance, molakaw ug padong uli.

No ONE,can surpass that.

[demonyito]

good job PO2 Jose Clint Cañete! R.I.P

[tingkoy13]

bisan asa, naa man jud ni nga mahitabo pud... nahadlok siguro ang sindikato nga ma pagan ani mao gpa hipus nalng siya! kaluoy sad oi, condolens sa pamilya sa isog nga pulis...

[tingkoy13]

kaluoy sa pulis!

[r0mm3L]

gi dumtan ni klaro kaau

kong maau performance sa pagka pulis daghan mag dumot criminal

ngeks!

[tingkoy13]

duda nako gipa hipus ni sa master2x atong na dakpan tungod sa drugs, kay basin ma pagan pa ang mga leader...

[junmar4]

Pulis gipusil patay sa nagmotor
Flor V. Querubin & Joy F. Tumulak Sun.Star Superbalita

PULIS nga gikan nitambong og court hearing sa kaso sa drugas sa Lapu-Lapu City Hall of Justice gibanhigan patay kagahapon sa udto.
Ang biktima nagmaneho sa iyang motorsiklo sa unang taytayan sa Mandaue ug Mactan dihang gituparan ug gipusil sa duha ka mga killer nga nagmotorsiklo usab.
Patay nang nidangat sa Cortes General Hospital si P02 Jose Clint Cañete sa dihang nakaangkon og mga samad pinusilan sa buko nga nilapos ngadto sa iyang dughan.
Si Cañete sakop sa Regional Anti-Illegal Drugs Special Operations Task Force (RAIDSOTF-7).
Kaniadto nasamdan na usab si Cañete sa iyang pagtubag og alarma sa drugas sa lungsod sa Cordova, Sugbo.
Nasubay sa Sun.Star Superbalita nga si Cañete gikan sa Palace of Justice sa Lapu-Lapu City sa sala ni Regional Trial Court (RTC) Judge Victor Teves Sr. sa Branch 54 sa mga alas 11:45 sa buntag.
Si Canete, 39, adunay appearance sa Branch 54 sa direct examination isip prosecution witness sa kasong illegal drugs nga giatubang ni Edgar Palingcod, alyas Titi.
Gani wa mahuman ang iyang direct examination gumikan sa kaapiki na sa oras hinungdan nga nitakda og laing higayon ang huwes.
Si Cañete sakop sa Regional Anti-Illegal Drugs Special Operations Task Force (RAIDSOTF-7).
Nibiya si Cañete sa korte nga nag-inusarang nagsakay sa iyang motorsiklo nga may plate number SG-4241, matod ni Sr. Insp. Rex Lomente, hepe sa Presento 5 sa MCPO, nga maoy unang nakaresponde sa alarma.
Si Lomente niingon nga niadtong higayuna hinay ang dagan sa mga sakyanan kay huot ang trapiko.
Paingon na modulhog ang pulis sa taytayan habig sa dakbayan sa Mandaue diin duha ka mga lalake nga luwan sa motorsiklo nga gituohang nagsunod nang daan kaniya nipusil kaniya sa makadaghang mga higayon.
Ang angkas sa motorsiklo maoy nipusil kang Cañete.
Usa ka motorista nihulagway nga nakurat na lang siya sa dihang nahulog ang pulis sa motorsiklo ug napunta sa railings sa taytayan nga nagkirigkirig na.
Ang pasahero sa PUJ nga si Randell Agbo nga paingon sa dakbayan sa Lapu-Lapu nikanaog ug nitabang kang Cañete dayon gidala sa Cortes General Hospital luwan sa taxi.
Usa ka pulis nga nadestino sa beat patrol nga diha ra sa duol nagtuong suliran sa trapiko ang hitabo apan pag-abot niya, iyang nasuta nga usa ka diay ka pulis ang gipusil.
Ang hepe sa Mandaue City Police Office (MCPO) Supt. Premne nagkanayon nga aduna silay nakuha nga inpormasyon nga adunay nakabantay sa usa ka tawo nga naka-full faced helmet nga giingong taudtaod nga nagpaabot atbang sa Hall of Justice sa dakbayan sa Lapu-Lapu.
Siya niingon nga niana pang alas 11 sa udto naniid na ang drayber sa motorsiklo nga nag-helmet usab hinungdan nga lisod ang paghimog cartographic sketch sa mga mamumuno.
“Nag backtrack mi sa case nga iyang gitambungan. And we conduct an in-depth investigation,” dason ni Premne sa dihang nahinabi sa dyLA.
Anggulo sa illegal drugs ang usa sa gisubay sa kapulisan nga posible motibo sa pagbanhig patay kang Cañete, ilabi na kay aktibo kini sa pagpangronda may labot sa drugas sa Central Visayas kinsa nadestino sa RAIDSOTF 7, dugang pa ni Premne.
Si Premne niingon nga maayo kaayo nga impormasyon ang ilang nakuha nga maoy maggiya kanila sa pagsulbad sa kaso.

Ang kapulisan nakahipos og upat ka mga basiyo sa bala sa .45 caliber pistol sa crime scene diin ang ika-upat nga bala nipilit pa sa semento.
Samtang ang igsuon ni Canete nga si SP01 Cielito Canete nga nadestino sa Special Weapons and Tactics (SWAT) Lapu-Lapu City Police Office ni-asoy nga aduna nay nadawat nga pagpanghulga sa iyang kinabuhi ang iyang igsuon. (FVQ)

[tingkoy13]

taasa ani bai oi, hehehe...

[Motownkid]

grabeha na anang drug business dha sa lapu2 oi.. luoya pod intawn sa pulis..