Gugma, Milayat sa Mactan Bridge!
Ni: dramaturgo
Kini usa ka matuod nga panghitabo og basi usab sa gisugilon sa mga hingtungdan.Ang mga gigamit nga ngalan dili matuod.
Cebu Mactan Bridge (karaang tulay), usa sa mahimong ipanghambog sa mga sugbuanon. Apan taliwala sa kahabog og kaanindot niini adunay mga sugilanon nga naglimin sa maong tulay. Daghan na ang kinabuhi nga nakalas og nausik. Nahimo kining tubag sa mga binuhat nga nawagtangan na sa ilang paglaom sa kinabuhi. Lakip na niini ang duha namo ka silingan nga tawgon ta lang sa pangalan nga Mendalin og Berto.
Gitago nila ni Mendalin og Berto ang ilang relasyon ngadto sa ilang mga kaliwat og hilabi na sa ilang mga isigka-ginikanan. Manag-agaw nga igtagsa ang duha ka binuhat nga nagkahigugmaay. Apan adunay panultihon nga walay aso nga makomkom og nialisngaw ang maong tinagoan. Dakong supak ang ilang mga ginikanan og gibaharan sila nga isalikway kon dili nila tapuson ang maong relasyon.
Apan gipili sa duha ka binuhat ang ilang tim-os og matuod nga gugma sa usa’g usa. Hangtod usa ka gabii niana nakahukom ang duha nga puslan man dunay buot mobuwag kanila, magpakamatay na lang kini. Didto sa karaang tulay midagan ang duha. Daw sama sa usa ka eksena sa salida ang makita nga hulagway niadtong taknaa. Hinilakay, ginaksanay og mga panaad sa usa’g usa dayon og tongtong sa ali sa maong tulay. “Mahal ko ikaw Mendalin og kamatayon lang ang makabuwag natong duha”,matod pa ni Berto.”Mahal ko kaayo usab ikaw Berto, mag-inunongay ta hangtod sa atong kamatayon,” tubag ni Mendalin human nanglayat ang duha.
“Dong, gimahayan ko ang pagsulay og kutlo sa akong kinabuhi.Karon, dili ko na usab mahimong ibalik pa si Berto nganhi kanamo sa iyang anak. Apan bugtong butang ra nga dili og dili ko mahimong mahayan, kana mao ang gugma ko kaniya, ang gugma namong duha,” matod pa ni Mendalin nganhi kanako. Nakita ko ang naumol nga lugas sa luha sa iyang mga mata apan dili na niya mahimong ibalik pa ang tanan.
Karon, kauban sa iyang mga mahal sa kinabuhi gipadako ni Mendalin ang iyang anak subay sa matarong nga dalan. Ang maong anak nga babaye malipayon na usab karon kauban sa iyang kapikas sa kinabuhi.
Tapos
Leksyon.
Tinuod gayod nga ang gugma way gipili. Nagtoo usab ako nga ang gugma daghan og babag og mga pagsulay apan dili kini maoy igong hinungdan nga magpadaog og mawagtangan og paglaom…
Pagkamaayo gayod sa Diyos, taliwala sa kahuyang ni Mendalin gihatagan niya gyapon kini og ikaduhang higayon nga saulogon ang gasa sa kinabuhi. Naluwas si Mendalin gikan sa pag-ambak sa maong tulay og didto nasayran nga nagsabak na diay kining daan. Usa ka dakong milagro ang nahitabo sa iyang kinabuhi…
Kamo unsa may leksyon nga inyong nakat-unan sa maong sugilanon?
Gugma, Milayat sa Mactan Bridge!
Originally Posted by g_rovie
pareho jud sa ako tiyo ug tiya kay mga dramaturgo man pud to sila...
Reply With Quote
Posting Permissions
