Opinyon ni Bobby Nalzaro
MANGIHA
Mora man og irong boang na kini si Mayor Tomas Osmena nga nagpataka lang og pamahit. Morag sag turong baka nga nakabuhi sa turil unya pataka na lang og pangsungag. Kanang nagsalimoang na ba. Tiaw, ba nimo kanang nangayo pa gyod siya og pagtugot gikan sa Konseho sa dakbayan aron makakiha siya sa Kapitolyo kabahin sa mga lumolupyo diha sa Barangay Apas nga nagpuyo sa military reservation area nga gikuha na karon sa lalawigan.
Di naman unta angayan nga manghilabot pa si Tomas niini kay nagkasabot naman ang mga lumolupyo ug si Gov. Gwen Garcia diin mipasalig naman ang gobernador nga dili niya papahawaon ang mga lumolupyo. Dia poy mga itoy sa Konseho, aw, sunod lang pod dayon sa kagustuhan sa ilang amo. Nangita gyod og gubot si Tomas. Ambot og mosuporta pa ba niya ang taga Apas nga maayo man nilang ginaksanay ni Gwen.
BAHAD NGA MOKIHA
Laing hulga sa mayor mao nga iya usab nga ikiha ang si bisan kinsang pulitiko nga mo-endorso sa Light Rail Transit [LRT] nga matod pa niya gisanapan sa anomaliya.
Matod pang Tomas nga dili siya nakatugot nga gamiton lang ang mga Sugboanon sa panguwarta sa uban labi pa didto sa taga kauluhan. Iyang gipakasama ang LRT sa anomaliya sa decorative lampposts niadtong Asean Summit sa 2007.
Kusganong gisupak ni Tomas ang LRT kay duna naman siyay Rapid Bus Transit [BRT] ug para niya mas maayo man ang BRT kay sa LRT. Unya walay anomaliya basta siya maoy magpasi-ugda sa proyekto. Mangiha na siya nga wala pa man gani kasugdi ang proyekto? Pastilan no kining kining kang Tomas nagpakita lang gyod ni siya sa iyang kahawod. Iya gyod nga ipatigbabaw ang iyang kaugalingon aron ingnon nga siya na lay maayong laki.
Kanus-a pa intawon kini siya maghinulsol.
SOURCE:
Nalzaro: Nagsalimoang | Sun.Star Network Online
Nagsalimoang
Originally Posted by popoy2
Reply With Quote
Posting Permissions
