“KA-PATYONON kog tawo!”
Kini ang pamahayag ni Daanbantayan Bise Mayor Ma. Luisa Loot agig reaksyon sa desisyon nga gipakanaog sa korte sa siyudad sa Bogo kabahin sa election protest nga nagtumbok nga ang ilang kaatbang sa milabayng eleksyon maoy nidaog.
Wa gitago ni Loot, lakip sa iyang anak nga si Mayor Sun Shimura, ang ilang kasagmuyo sa desisyon ni Bogo City Regional Trial Court (RTC) Branch 61 Judge Antonio Marigomen nga nagtumbok nga si Augusto “Itok” Corro maoy nidaog sa pagka-mayor samtang si Jose de Leon sa pagka-bise mayor.
Hinuon, si Corro nag-awhag kanila nga batunan ang kabugnaw sa buot kay di sila mohimog bayolenteng mga lakang batok kang Loot ug Shimura.
“Wa gyud na ug never na masulod sa akong huna-huna nga mangita og gubot. Dako ko og pagsalig sa balaod ug igo lang ko motuman kon unsay nasuwat sa balaod,” nagkanayon si Corro sa lahi nga press conference nga iyang gipatawag.
Ang masuk-anong bise mayor nipadayag ngadto sa grupo nilang Corro nga di una maglipay sa desisyon sa korte kay way rason nga mokanaog sa ilang gihuptan karon nga pwesto.
“Kamong grupo ni Itok ayaw mog pabaga (sa inyong nawong) kay wa mo kadaog,” nagkanayon ang bise mayor sa gipatawag nilang press conference kagahapon sa Marriott Hotel nga nitambong usab si Kong. Benhur Salimbangon (4th district, Cebu).
Iyang gitumbok nga bisag dunay hukom nga gipakanaog ang korte apan kay ang Commission on Elections (Comelec) man maoy nipahurar nila, busa ang Comelec ra usab ang motangtang sa mga pwestong ilang gihuptan karon.
Niadtong milabayng adlaw nisang-at ang ilang mga abogado og notice of appeal sa desisyon nga napakanaog sa korte.
Kon ibasura man gani kini, daghan pang mga proseso silang buhaton. Gani tinguha nila nga ipaabot pa kining kasoha ngadto sa Korte Suprema kon gikinahanglan.
Silang Shimura ug Loot giduyogan sa ilang mga barangay kapitan ug opisyal sa lungsod ning ilang gidangatan karon uban sa pag-kwestyon kon unsay gidangatan sa ilang mga boto niadtong piniliay sa 2007.
“Asa ang botos? Ayaw lubaga ang among katungod!!!,” kini ang napatik sa mga t-shirt sa mga kapitan sa 20 ka mga barangay sa Daanbantayan nga nag-protesta sa gidangatan sa ilang duha ka mga dagkong opisyal.
Si Loot nipadayag nga di niya pugngan ang katawhan sa Daanbantayan kon mopadayag sila sa tagsa-tagsa nila ka mga gibati human daw sa nanulo lang ang ilang mga boto niadtong piniliay sa 2007.
“Ipakita ta nga wa ta mahimuot sa ilang gibuhat. Manggawas ta pangitaon nato ang atong katungod. Pangitaon nato ang mga boto nga gikawat sa Bogo. Gitamakan nata,” padayag sa bise mayor.
Subay niini, ang kampo nilang Loot namahayag nga ang mga balota nga diha sa mga ballot box nga dibutang sud sa buhatan ni Marigomen di na mao ang balota nga gipaubos sa “revision” nga gisaksihan sa ilang habig ug sa kaatbang nila.
Gani, may mga testigo silang gipresentar nga giusab na ang mga balota unya mao usab kini ang pamahayag sa duha ka mga personnel sa korte ug wa supaka sa kampo nilang Corro.
“Why then should the people of Daanbantayan be made to suffer for the failure of the custodian of the ballots to prevent the massive replacement of the genuine ballots with tampered ones after they had been revised in a post-revision operation?,” pangutana nilang Shimura ug Loot.
Subay sa gihimong re-count sa mga balota, si Corro nakakuha og 13,915 ka botos batok kang Shimura nga 10,524 ka botor.
Samtang si De Leon nakakuha og 12,903 ka botos batok kang Loot nga adunay 11,592 ka botos.
“In view of all the foregoing, the instant election protest is hereby granted and the court hereby declares the protestant Augusto D. Corro, as the duly elected Mayor of Daan Bantayan and protestant Dr. Jose de Leon as the duly elected Vice Mayor, ” matod pa sa order nga giluwatan ni Judge Marigomen.
Matod pa ni Corro nga niapilar ang kampo ni Loot sa desisyon sa korte hinungdan nga mi-file usab sila sa sala ni Marigomen og “motion for execution of judgement appeal” aron makalingkod siya sa iyang katungdanan.
Andam siya nga molingkod sa posisyon sa bisan unsang oras ug adlaw, apan naghuwat siya og desisyon sa korte kanus-a siya molingkod.
Gipasalig usab ni Corro nga andam siya kanunay sa pagsuporta ni Gobernador Gwen Garcia.
“Maayo man ang iyang mga programa. Kalimtan ko kon asa ako nga partido sa milabayng eleksyon, basta mopaluyo ko sa mga proyekto ni Gobernador Gwen Garcia,” matod pa ni Corro. (JECT/JFT)
Sun.Star Superbalita Online
Unsay ikasulti ninyo bahin ninini?
Loot ’makigpatay’
Reply With Quote
Posting Permissions
