nakahinumdom nuon ko sa akong version nga steam rice...

akong naabtan sa balay ang kaldero nga nagtangag ug daginoton nga dukot + atotong gyud
kani laging kagutom ang magsugo,

nag-init dayon ko ug tubig sa takuri
pagbukal sa tubig, akong gibis-bisan ang dukot sa kaldero nga sakto ra makatuhop
dayon ako gitak-ang ang kaldero kadiyot

wala may lain sud-an nga madaw-daw, akong gisikop ang mga nilugdang sa mantika sa adobong baboy.
gi-mix nako ang mantika + soy sauce sa gamayng platito
gihaon nako ang "steam rice" unya gi-bendetahan dayon sa platito mix..
nasiplatan nako ang lemonsito, maski uwahi na ang tanan, didto na lang nako gipusa ibabaw sa steam rice..

grabe ang baho sa lemonsito, tubod-tubod gud dayon laway morag irong boang
pastilan, wala damha nga natilok nako tanan..
lipay pa ako misis kay sayon na lang kuno limpyohan ang nahibiling atotong sa kaldero...

basin mao cguro ni ang steam rice pina mcgyver style, kun unsay naa diha mao ra gyud na...
way sama ang kalami basta gutom na ang magsugo