Malooy Ta Ani? Read and Decide!

[graphicare]

---

Sa panahon karun na daghan na kaayong mga PUV drivers na mga hinampak ug abusado, dapat ba ta malooy kung sila madakpan na? Dapat ba natong pasayloon? Kung akoy pangutan-on di ko malooy oi, sa kadaghan na siguro nimong biktima sa imo pagkagago ug pagkaway respeto unya mangayo paka'g kalooy? pagsolo!
Here's an actual event, read and decide istoryans!

---------------

NIBANGAAG paghilak ang usa ka taxi driver dihang iyang nadunggan ang dakong multa sa iyang pagpakanaug sa iyang mga pasahero taliwa sa grabeng traffic niadtong Enero 7.

Kinsa bay di mohilak sa iyang pagkadungog sa mul*tang P18,000 nga gipahamtang kaniya sa Land Transportation Franchising and Regulatory Board (LTFRB).

Nalukmay ang kasingkasing sa reklamante sa pagkadungog sa hilak ni Bebiano A. Dapal Jr., taga Upper Suran, Quiot, Pardo, nagmaneho sa Catz taxi nga gipanag-iya ni Prelyn Intervencion, dihang gibasa ni manlalaban Edwin Antepuesto, hearing officer sa LTFRB 7, ang desisyon,

Tungod sa paghilak ni Dapal, naluoy si Wella Mae Olmedo, taga Talamban, dakbayan sa Sugbo, iyang gipasaylo ang driver nga nakaaghat ni Antepuesto sa pagpaubos sa multa.

Napalgang sad-an si Dapal sa iyang pagkaarogante sa pagpangayo og plete nga P2,000, way tahod tungod sa iyang pagpakanaug sa mga pasahero ug overcharging tungod sa iyang pagpangayo og P40 nga flagdown, inay P30 nga gitakda sa LTFRB.

Ubos sa Joint Administrative Order (JAO) No. 2014-001 nga hiniusang giluwatan sa LTFRB, Land Transportation Office (LTO) ug Department of Transportation and Communication, ang matag kalapasan dunay multa nga P6,000 o kinatibuk-ang P18,000 nga bayran unta ni Dapal.

Si Olmedo, usa ka administrative officer sa usa ka pribadong kompaniya, nireklamo nga niadtong buntag sa Enero 7, siya uban sa iyang inahan, igsuong babaye ug pag-umangkong usa ka tuig, nanakay sa unit ni Dapal gikan sa Talamban padung sa Birhen sa Regla sa dakbayan sa Lapu-Lapu.

Samtang nagsubay sa dan duol sa University of Cebu Lapu-Lapu and Mandaue (UCLM), nisuka og makaduha ang bata, apan si Olmedo nilimpyo gilayon niini gamit ang usa ka labakara.
Apan nasuko si Dapal, nangayo og P2,000 aron iyang magamit sa pagpahugas sa car wash.

Nisinggit si Dapal ug nitulisok sa apohan sa bata dihang gisultihan siya nga angay sabton ang usa ka tuig nga bata.
Dihang nagdumili sila si Olmedo sa paghatag sa gipangayo ni Dapal, iyang gipahunong ang taxi unit, nimando kanila sa pagbayad sa natala nga plete sa taxi meter nga kapin sa P100.
Gipangayo ni Dapal ang full amount nga wa kuhai og P10 nga gimando sa LTFRB nga flagdown rate nga P30 ug di P40.

Human makadawat sa pletihan, si Dapal nisinggit kanila ni Olmedo sa pagkanaug.
Gipakita pa sa driver ang iyang identification (ID) card ug nihagit sa mga pasahero sa pagtaho niini sa iyang taxi operator o Land Transportation Office (LTO).

Sa miaging adlaw, ang Traffic Emergency and Management (Team) sa Mandaue City n ni-intercept kang Dapal.
Apan sa panagkomprontase, siya arogante gihapon ug wa magbasol mao nga ang traffic enforcers niduso sa reklamo ngadto sa LTFRB.

Source: Sunstar Superbalita

[Echelnalf]

Kana diLi na angay kaLoy-an. Ka maayo ra niya ah. Ka duOL ra baya sa amo ani iLang garahe-an.

[salbahis]

mao ni sayop natong pinoy, dali kaayo malooy mao nga mogara ni sila... mao ni problem sa mga civil case kay ug ang reklamante malooy or mo atras mahug tabla... it should be a criminal case

[totoybibo]

mao ni sayop natong pinoy, dali kaayo malooy mao nga mogara ni sila... mao ni problem sa mga civil case kay ug ang reklamante malooy or mo atras mahug tabla... it should be a criminal case

nindut man unta maluluy-on pero sadly kasagaran sa pinoy kay wala na sa lugar ang pagka maluluy-on. mao nay ingon nga tanang sobra di maayo. sobraan ra sa maluluy-on.

dapat dili na kaluy-an draybera kay abusado na. di dapat madala sa drama. pero hinuon everybody deserves a second chance man.so pwedi ra guro pasayluon ug paubsan ang multa kay first offense paman. wake up call na niya.

[rickflag]

Dili jud ni angay kaluy-an mga tawhana.

[Helper_finder]

Kung ang multa diseotsomil Mao Jud unta na bayran sa taxi driver. Dili Kay e reduce ug saysmil. Unya Kay gepasaylo man kaha sa reklamante maayo unta ug ang reklamante maoy angay pataplon sa dosemil. Diseotsomil is diseotsomil para tagam ng mga abusado ug mapahimoslanon nga taxi driver. Unya kanang reklamante maoy pataplon sa balance Kay gepasaylo man. Dili na angayng pasayloon ng ingon anang klase sa taw. Limannkag pabayron kag mahal singgitan paka tulisokon paka pakanaugon paka uban ang imong pamilya. Balaod is balaod..

[kit_cebu]

kinahanglan na i-psych eval ug drug test...so does every single one of us who drives...and those who fails should not be allowed to drive...

kwanggol nang mga tawhana na...

kana nga naay ebedensya nga sakto parehas atong sa manila, automatic nang i-revoke ang license...

[estambae]

Mga jeepney driver napud unta sunod ma ingon ani para ma sampolan. Daghan kaayo mga abusado nga jeepney drayber.

[MeMing]

kinahanglan na i-psych eval ug drug test...so does every single one of us who drives...and those who fails should not be allowed to drive...

kwanggol nang mga tawhana na...

kana nga naay ebedensya nga sakto parehas atong sa manila, automatic nang i-revoke ang license...

Na implement bitaw ning drug test sauna para renew ug kuha lisinsya pero unsay nahitabo? Ikaw man papili-on unsa result imong gusto nagdungag2 lang ni sa kurakot sa LTO.

Dili gyud dapat pasaylo-on nag ingon ani oi para makuha-an pud gamay ang mga alingogngog sa atong kadalanan nga perting ho-ota na gani.

i-apil pud tong mga mag motor nga kasagaran wala gyud kaila unsay "safe side" ug unsay "suicide" sa pag overtake. Kana pud mga feeling immortal magcge ug counterflow murag unsay emergency i-apil pud na sila. sharo dili mahawan2 gamay ang dalan.

[Kristiano]

di mn sd ta kibaw kung unsay kinabuhi sa driver karun... naa bay problema sa kaugalingon or sa balay or sa amo or sa trabaho.. mao nang sapoton nang uban..
butangan lng gd ug first offense, 2nd 3rd, before revoking of license.. pasayloon lagi but dapat naay record on your abuse...