Question sa mga nag-abang og mga nagpa abang og lugar...

[AyaBrea]

---

Hi mga ate og mga kuya!

Hope okay ra mo tanan despite sa situation nato karon esp sa kadtong mga na apektuhan sa linog.

naa lang unta ko pangutana ba. kabahin kini sa akong gi abangan nga room karon.


last month pa ko ni abang. 4 storey bdlg ni akong gi stayhan unya naa na locate akong room sa 3rd floor. nindot jud kaayo ni ang akong na kit-an nga lugar ky perfect na jud kaayo para nako. duol ra sa akong gi work-an, limpyo unya gated pa jud.

naa ko gi pirmahan nga 6 months nga contract...

pero after sa mga shaking episodes, esp katong pag-Oct 17, naka decide ko nga mo hawa na lang sa akong gi abangan ky para nako, dili na man gud convenient and safe ang place. daghan na kaayo mga liki sa wall, ang ceiling ky naa na pud cracks. i've been observing my room. kay nag sige pa man og uyog ron, nabantayan nako nga nagka anam2x og ka daghan ang mga cracks. ang mga existing cracks, nagka dako og nagka taas. sa gawas pud sa akong room: sa hallway and sa stairs, evident jud ang mga cracks caused by the quake. and just like my room, nagka daghan and nagka taas ang mga cracks.

nagka talk mi sa akong mga kauban nga nag-abang pud unya ni ana sila nga wala jud daw naka padala og engineer ang tag-iya to inspect the place. mao na jud to ang naka pa trigger nako nga mo text ko sa tag-iya nga this month na lang ko kutob.

ni reply ang tag-iya og "NOTED. pero mo charge ko og pretermination fee."

ako gi review ang contract, naa man didto naka butang nga mo charge og balig two months (14k) ang tag-iya as pretermination fee. no more, no less.


so here's my question...

sa ingon ani nga situation ba, pwede pa ba mo charge ang tag-iya sa pretermination fee... maskin sige ga linog unya daghan na liki ang place unya ang mga existing nga cracks ky nagka dako na pud?

to be honest, regarding this matter, wala jud koy alam.

mao ng ni post ko ani para mangayo sa inyong mga opinion og tambag... esp sa katong mga suweto sa mga technicalities about force majeure...


follow up question...

kung kamo ang naa sa akong situation, what will you do?

kung kamo pud ang naa sa lugar sa tag-iya, what will you do pud?


I know taas2x ni akong gi post. I really appreciate your time reading.

Salamat in advance and stay safe always!

[ToiletBowlCleaner]

if ako naa sa imo lugar ako pangutan-on ang tag-iya if dili ba siya magpadala ug mu inspect diha kay daghan naman jd kaha ug cracks, kalain sad niya ug mu charge siya ug pretermination unya wa man lng siyay gibuhat para ma ensure ang safety sa iyang mga tenants pero basin pud ug naa sa contract nga wa siyay labot pud ug ingon ana na mga situation pero wa sad ko kbaw basta try lng ingna siya about anang wala bay mu inspection

[eman_on]

mi-text ra man ka nga kutob na lang ka karong buwana dinha sa imong gi-abangan... unya, naa sad sa imong gipirmahan nga contract nga naa'y pre-termination fee. mura'g sakto ra sad nga singilon ka sa maong fee.

apan kung mo-text ka nga imong ipa-ayo ang cracks sa maong building kay nabalaka na ka sa imong siguridad, obligasyon gyud na sa landlord nga ipa-ayo ang mga guba. dala man na sa imong gibayad sa abang ang pagpa-ayo ug pag-maintain sa maong building. kung muhawa ka tungod kay nabalaka na ka sa siguridad sa imong pagpuyo sa maong building, dili tingali ka angay pabayaron sa pre-termination fee kung imong sundon ang nasabutan ninyo nga pama-agi sa pag-terminate sa imong abang. mura'g sa akong nahibaw-an, ma-o ni ang pama-agi: magpahibaw ka daan (mga pipila ka buwan in advance, kasagaran 1-2 months) nga mohawa na ka, ug i-check sad sa tag-iya kung wala ba'y naguba (nga gituyo) sa imong lawak, kung wala'y mga guba (nga gituyo) ang imong room, ibalik sa tag-iya ang imong deposit.

sa imong sitwasyon, makasabot ko nga gusto na gyud ka mohawa tungod kay wala ma'y gibuhat ang tag-iya pagpa-ayo sa mga naguba dala sa linog. estoryahe usa imong landlord kabahin ani, aron masabtan niya ang imong kahimtang. basin pa diay makahimo mo ug areglo nga bintaha para ninyong duha.

[AyaBrea]

thanks toiletbowlcleaner and eman sa inyo mga response.

ni ask diay ko sa tag-iya kung how much akong mabayran but ni ana ra man siya nga iya pa tan-awn sa kontrata. so wala pa jud siya ni bungat og amount.

ako gi check ang contract and didto nako nahibaw-an nga good for 2 months (14k) ang pretermination fee.

dili jud unta ko ganahan mo hawa dinhi. as i have said, perfect na jud ni nga lugar para nao. kung wala lang jud ning linog, murag ma abot pa tingali kog pila ka tuig ani akong gi abangan.

what saddens me is the fact nga wala ra ni care ang tag-iya sa mga nag-abang. wala man sad gud nagpuyo ang tag-iya sa ani nga bldg nga akong gi abangan ron. mao siguro para niya murag wala ra.

pero ako text-an balik ang tag-iya kung iya ba ipa check ang bldg kung safe pa ba ni puy-an. ako pud siya i-ask kung unsa iyang buhaton sa mga cracks.

sa mga naay opinion og tambag dinha, share lang mo mga ate og kuya. ayaw mo ka uwaw ha. thanks!

[ohohoy]

TS kulita ang tag iya about sa building kay naa man pod kay reason of couirse concern pod tawon ta sa atoa safety..

[AyaBrea]

already talked to the owner. pabayron jud mig 14k. gahi jud! hahaiz...

pero at least naka kita mig mo puli namo. ni okay ra man pud ang owner nga naa lay mo assume sa among contract.

[yaj.em]

kung ako nya pud papirmahon ug contract, basahon jud daan nku oi, para dili ko mashock. basin mapareha ko ni TS na wala khibaw na naay bayranan pretermination fee.

maau na lng gani TS solb imo prob.

[ace101]

Unsay ngan ani sa Building/Paabangan aron ma aware ko. Baka mao ni ako na gustohan nga balhinan. Kay kung mao d nlng ko mudayon.