Kini ang akong suliran

[pruce]

maayong hapon sa tanan, ako diay pangumustaon ang mga nakabasa ani samtang nagpangita sa ilahang gipangita. Komusta na man kamo, go lang ba ng go ang life ninyo karon, basta ayaw hikalimti nga wala mo mag-inusara kay ania ang mga halangdon tang magtatambag ning atong kutay.

[tatajhun]

oi titing pruce salamat sa pagduaw ning lagkaw pahungawan..hina-ot ana-a usab ikaw sa maayong panglawas gikan pa gayud ako nagpatuna sa akong kabaw ug nanang-got sa pikas baryo mao medyo na busy kini inyong higala....

[tatajhun]

Mga higala, atong saw-an kining tampo ni Ramon.


Tinahud nga PapaTa ug sa iyang mga kauban sa buhat, maayong adlaw kaninyo.

Ako diay si Ramon, usa ka gwapitong mag-uuma nga nia magpuyo sa barangay Kato, ang kinatumyang baryo sa lungsod Bonhuk.

Sa dili pa nako isugid kining akong suliran, tugoti ako sa pagpanimbaya sa tanang nagsunod niining imong programa. Labi na gyud sa Salingasag Family, kang Eve Salingasag nga akong crush. Inday Eve, mosamut gyud kog ka-inlab nimo kun makakita ko sa imong ngipon.

Ug syempre sa akong minahal nga pamilya - ang Busngion Family, kang tatay Berto Busngion ug kang nanay Waning Busngion.

Kining akong suliran PapaTa bahin kini sa akong binuhi' nga kanding nga lima na ka adlaw nagsige og ihi-ihi. Murag gibus-aw. Wala kaayo ko nabalaka nga gibus-aw siya kay bus-awon man pud ko. Labina'g gikan kung nakainom og medya galon nga tubang bahal. Liwat siguro ni nakong kandinga (Hehe...sa tinuod mura'g mas niliwat ko sa akong binuhing kanding, labina kun tingtugnaw).

Ang akong gikabalak-an pag-ayo kay wala pa ko sukad makakita nga moinum og tubig ning kandinga. Asa man ni gikan kining iyang gika-ihi? Wala kaha ni siya gibarang or nabuyagan ba kaha? O di ba kaha gidautan og usa ka dili-ingon-nato' ?

Daghan ra bang taw-an nga puntud-puntod sa amoa. Naa daw mga duwende nagpuyo aning mga pungtora. Kadtong ganing kanding sa among silingan nga nakalibang sa usa sa mga pungtud, gitubol gud og usa ka bulan. Dayun nakalibang og taeng mura ka dagko og bayabas. Usa ka pungpung. Yataps gud ang kanding.

Mao ng nabalaka gyud ako og maayo niining akong binuhi nga kanding. Ania ang akong mga pangutana:

1. Duna ka bay nailhan nga mananayhup kay ako ning patut-huan ang kinatawo sa akong kanding? Basin diay maulian, di na mag-ihi2x.

2. Wala ni labot sa akong suliran pero mamasin lang ko. Pwede ba ko nimo hatagan og ka-teksmeyt? Kini man gud akong crush nga si 'day Eve Salingasag mo-smile raman kun ako pangayuan og number.

Palihug tabangi ug tambagi ninyo ako.

Inyong magtatampo,
Ramon

Oi Dodong Ramon Daghang salamat sa pagpatim-aw ning imong suliran pina-agi sa atong gwapito ug aktibo kaayong higala nga si Yanong_Banikanhon. Dako kaayo ang ako pasalamat sa pag handos ni-anang matang sulira daw usa kana ka sagol punto medical or spiritwal.

1. Duna ka bay nailhan nga mananayhup kay ako ning patut-huan ang kinatawo sa akong kanding? Basin diay maulian, di na mag-ihi2x.

tubag:

Paminaw titing Ramon ako nagalibog ning imong hisgot pangutana nangita kag mananayhup, apan manunutho diay imong punto unsaon gayud pagka-ayo ni ana imong kanding? Ana-a akoy kaila nga naka-ayo sa susamang matang nga sakit adtoa kini iyang lugar naa dapit sa Lik-anan Junquera ug Kamagayan pangutana sa pangalan Bentoy siya gayud ana-ay usa ka tulomanon nga mo-ayo anang matang nga sakit sa kahayupan kay kadaghan na sab ako nga gabalik balik didto aron akong gipatakalan ang akong manok nga bantam, kaysa ka dugay na gayud niini nagalom-lom wala pa gayud naka baton ug mga itlog. Busa mao niadto gayud ako sa walay pagduha-duha siya ra gayud ang nakapa itlog sa akong manok pina-agi sa iyang mga yam-yam ug totho-totho sa laway dayon takmag sa manok.

2. Wala ni labot sa akong suliran pero mamasin lang ko. Pwede ba ko nimo hatagan og ka-teksmeyt? Kini man gud akong crush nga si 'day Eve Salingasag mo-smile raman kun ako pangayuan og number.

tubag:

Dodong sa walay pagduha-duha taga-an gayud ikaw ug usa ka teksmeyt mao kini ang numero. 0923-719-6636 sa ngalan Cindy Mae Pendang. Hina-ot mag malipayon kamo sa inyong panag baylo-ay sa mga mensahe ug kung ugaling kamo magkadayon ayaw intawn kami taligam-e sa paghatag sa inyong mga imbitasyon aron pud mamantika-an ning atong simod. Dili nalang kaayo nako tas-on kay nanghumol pa ako sa mga puting beste.

Daghang Salamat.
TTJ

[joop]

ui maayo kay nabanhaw na kining maong balay tugpahanan, aw este tredo tambaganan nga diin daghan na mga higayon nga kining inyong ubos nga higala motunol usab sa mga tambag bisan waa bayad, adto sa atong mga ka-igsu-onan nanginahanglan pulong arun sa ingun malamdagan lang ang huna huna-a ug ma sip-akan ang mga problima ug suliran nga maoy mi-uyog sa ilang panimalay sama sa uyog nga di kasarangan mahitabo kada kadlawon,lol

[tatajhun]

Titing Joop salamat sa pag du-aw ning atong kutay pahungawan sama sa gabilangkad nga nilalang daw gibugtaw sa imong presensya...

[jesse5648]

lingawa sa imung thread TTJ oi nindot kaayung basahon

[Vedelle]

wla ko kasabot sa akong gibati....

[pruce]

wla ko kasabot sa akong gibati....

maayong gabii sa tanan, maayong gabii higalang vedelle. Unsa may imong pamati karon nga ania ka ning atong kutay karon samtang nagukay-ukay ka sa mga pulong halandumon?

[joop]

Titing Joop salamat sa pag du-aw ning atong kutay pahungawan sama sa gabilangkad nga nilalang daw gibugtaw sa imong presensya...

salamat sa makadaghan papaTa sa imong pag abiba ug wala nako damha nga sa kalit lamang ako maanud niining kutay pahungawan matud pa. kumusta naman ikaw papaTa nahuman na ba ang imong daruhan ug ugmad arun nga sa ingun matamnan na kini ug bulanghoy ug uban pang lagutmon arun nga ang kagutom madid-an sa umaabot nga mga adlaw?

kung ako maoy imong pangumustahon? aw ani-a busy sa adlaw adlaw'ng buluhaton kayod didto, ug kayod dire pero nagpabilin pa gihapon kabos mao nga naka ingun ko sa akong kaugalingon maayo pa siguro mobalik sa bukid ug didto ipahungaw ang gibati inubanan sa mga hunuyohoy sa hanging habagat ug awit sa ibong limokon ug didto maghinulsol sa tanang nabuhat keysa mag antos niining dakong dakbayan nga napuno sa tentasyon ug espirituhanong kalapasan.

stay put lang papaTa kay dia pa ko'y gilungkab nga sud-ang tinakban ug inampingan sama sa usa ka ginamos pinirito mejo lang-ig pero makaadik,lol

[tatajhun]

Titing Joop! kalo-oy sa Ginoong makagagahom ani-a pa intawn ilawn sa puno-ang matsinitas nagpa-abot kanus-a mo sawp ang adlaw daw murag nanolisok sa grabeng kainit, nagdagay-day ang akong singot sa bulwag sa iyang bidlisiw..Hina-ot dili na gayud mag-uwan uwan titing para ako naning maluyong ang akong binhi. Para sa umaabot nga pipila ka buwan daw maga harvest na kita sa atong ani. Laag niya ning atong lagkaw aron ikaw makatilaw sa akong ani daw paga-ihawan gayud tika ug manok bisaya nga puro ugis ug dili lang nato asinan aron matagam-tam ang tumang ka presko sa akong mga binuhing kahayupan dinhi...

Titing Hina-ot sa imong pagbalik sa kabungturan ikaw malamdagan sa imong mga sala-od nga nabuhat daw imo na gayud gihu-ong ang ginadiling sud-an daw gayud sa imong mga pulong daw maka adik nahala titing pagtagbaw ni-anang putahi kay dool na gayud ang mahal na adlaw aron kanang imong mga nabuhat, mahinolsulan....Di-a ning akong sonata akong ipalabyog sa atong mga suking magtatampo ug ka nimo titing Joop...titulo niini mao "Luhang hupas sa ilong ni-agas" hinaot malingaw kamo niini ....Maayong adlaw sa tanan.