Gipusil sa fuente ganiha atubangan sa ROSE pharmacy

[pilyosopo]

---

Sayon ra kaayo na nila buhaton bro kay mga PRO nana sila, pero dili jud nila na mabuhat kung naa lang jud unta ang gitawag nga "Police visibility" di na sila ka arte. Unsaon man nga kasagaran sa polis dha sa Fuente mura mag mga "WANTED" mao na nuon ang lisod kaayo pangitaon kaysa sa mga tulisan o mga kriminal.

[salvadorjr]

grabe na gyod karon panahona, isog na ang mga tao.

[pilyosopo]

grabe na gyod karon panahona, isog na ang mga tao.

Mas isog to ang mga tawo sa una bro kaysa karon sa tinud-anay lang. Nagkatalawan ang mga tawo ron kay tungod sa armas/pusil/pistola, laliman ka usa ra ka kablit di na kabawos ang imong kontra labi na ug intimano jud pagka-igo. Isog to sa una kay sukmagay raman jud to, sinukliay ug kumo o di ba kaha tinigbasay ug bolo.

[pinoy_09]

Di kaha to shooting lang sa Bourne Legacy?

[Htennek]

dara nigawas na sa BANAT.

CEBU, Philippines - Duha ka mga lalaki usa kanila giingong ‘lider’ sa mga batang libudsuroy nga mag-sideline og panguot ang gipamusil patay niadtong milabay’ng adlaw sa hapon ug sa pagkagabii.

Si Felipe Delola Gallarde, 32, dispatser sa maong lugar nga taga sitio Maharlika sa barangay Sambag 2 ning siyudad, patay diha dayon human nakaangkon og mga samad pinusilan sa iyang nawong ug duol sa walang mata.

Ang mga sakop sa Police Station 2, City Intelligence Branch (CIB) nga si SPO2 Buenaventura Ursaiz, Crime Scene Investigation Unit ug Emergency Rescue Unit Foundation (ERUF) maoy daling miresponde sa maong alarma.

Ilang narekober ang upat ka empty shells sa .45 nga kalibre sa armas, duha ka deformed slug ug tulo ka fragments.

Sa pasiunang imbestigasyon nila ni SPO4 Alex Dacua, PO2 Lou Pagara ug PO1 Esmer Escultor sa Homicide Section sa Cebu City Police Office (CCPO) nagbutyag nga ang biktima naglingkod sa gutter diha sa parking area sa mga motorsiklo dihang kalit miabot ang duha ka wala mailhing tawo ug gipaulanan kini og bala.

Human sa hitabo ang duha ka wala mailhing kriminal yanong nanglakaw ug wala na maabti sa mirespondeng kapulisan.

Si Escultor nga nahinabi sa Banat News nagkanayon nga nakadawat sila og report nga sa pagkadispatser sa biktima mo-sideline usab kini sa pagpanglabni.

Dunay report nga ilang gisubay karon nga ang biktima maoy lider sa mga batang libudsuroy diha sa uptown area nga mangayo og kwarta sa mga langyaw ug kun malipat kuoton ang kwarta o kaha cellphone sa mga langyaw.

Si Sr. Supt. Melvin Ramon Buenafe nga hepe sa CCPO nagkanayon nga dunay away-away kaniadto tali sa mga dispatser diha sa maong lugar human mag-ilogay sa mga sakyanan nga mo-parking sa maong dapit.

Gani duna nay gipusil patay diha sa maong lugar kaniadto nga usa gihapon ka dispatser.

Gimando ni Buenafe nga palawman og maayo sa mga imbestigador ang pagsusi sa panagbangi tali sa mga dispatser.

duda ko vigilante to. mao diay ga lakaw ra to cya, sa unahan naa diay motor ga huwat. wa man jud ko ka lili gud. hehe. pwede na ni siya ma move sa local news. tnx.