Pamati-a ang gibati ko

[hotkeyy83]

---

Pamati-a ang gibati ko

Niadtong usa ka dili malimtan nga higayon
Samtang nagdung-aw ko sa kaanyag sa palibot
Ibabaw sa tambuanan sa akong hunahuna
Ang imong panagway daw nilabay nga usa ka bugnawng hangin
Nga nikuray ang akong kahiladman sa tumang katugnaw

Dili ko masabot ang gibati kung kiwag ning akong dughan
Kung kini usa lamang ka alimongaw
Ug sa akong pag-aninaw samtang nagka-awop ang adlaw
Ang iyang kahayag maoy naka-uknol sa iyang palibot

Ang iyang gilaw nilahos sa kahilum
Nga nidakin-as sa lumoy niyang mga buhok
Ug didto niluta ang kaanyag nga walay sama
Inubanan sa madanihon nga pahiyom
Daw usa ka sining sa Mona Lisa

Ug dinhi nasiak ang kahilum sa akong dughan
Nga ang tinubdan sa tingog
Naggikan sa hinagawhaw sa akong kasingkasing
Ug didto natawo ang lengguwahe sa gugma
Nga dugay ko nang gilitok ilawom ning akong dughan

Ngano man, kung sa takna nga ikaw akong makita
Daw ang akong dila masangit sa talinggab sa imong imahe
Nga dili ko masabtan ang dughan ko nga puno sa pagbati
Nga kanimo gusto ko kini ipabati

[THE KID]

imo naning na tampo sa superbalita tS?

[john_yo]

imo naning na tampo sa superbalita tS?

bwahahaha nag imote ang TS na perting ka lagloma sa iya bisaya, halos naman dili ma tugkad. hehehe

[k-bai]

hahahaha.,

na unza mn ka TS?

inspired?

[nitwit]

mao gyud ni the best sa istorya.net,naa tanan makalingaw gyud ang uban .wala lang nako tiwasa ug basa kay lawom kaayo ug bisaya oi!maka nosebleed ka ts

[KASAAC]

Ah grabeha! dili matungkad oi! grabeha gyud ug tama aning gugma sah
...kanus-a pa kaha ko ma-igo sa pana ni kupido arun ako pud makasulat ug tula or kanta para sa akong hinigugma

wala na ni sumpay? sumpayi pa daw maka gana man imung sulat bai TS

[Pillow]

pag basa nako nag salbabida ko.. aron ma tungkad ko ang bout mong ipasabot kanamo bai TS..ug sa dihang nasabtan ko gayud ang imong gibati para sa usa ka babayi..nga adunay maanindot nga buhok nga wai sama. ang kaanyag sa iyang hulagway nga ming lahos sa bidlisiw sa adlaw. hinaot ako usab maka buhat ko niining tulaa para si hinigugma ko. hinaot di ko mahutdan ug mga pulong nga gigikanan pa gayud niining kasing kasing ko. salamat nimo pareng TS karon aduna nakoi isip inspirasyon sa pag buhat ko sa maong tula para sa hinigugma ko.

[ryeaka]

nosebleed ko... pasabta kuno ko TS

[asianheart]

kabalaknon ba wui...hehehe

[xi_shou]

nah ni.agas na ang dugo sa akong ilong