***..

Pagkalami sa akong paminaw,
wala damhang minos nga pamaol mitumaw,
pagkataasa sa dalan nga gilatas,
walay tapos ang singgot sa pag-agas,

Nagkadaiyang nasugatang dagway,
may daw ang pagdagan haruhay,
apan ako layo pa pagbali sa estaca,
nakamatikod na ako sa kasakit paa,
apan bisan pa man sa ingon,
kinahanglan gihapon mopadayon.

Nakita ko sa unahan pagsubang sa adlaw,
ang kalag kong nagbagood naaninaw,
may igong pagtoo sa kaugalingon,
kining dagana kinahanglan ko humanon.

Pipila ka higayon ako nagbaktas lamang,
apan nadani sa mga edarang bangiitan,
sutoy kasing kasing ilabyog kining lawas,
sa kapanaw-panawan adto ta moikyas.

Pipila ka gutlo nakita ko ang katapusan,
sa tanang gipamati ako nahuwasan,
nipuli ang kalipay ug napuno sa garbo,
nabuhat ko, daw dili ako makatoo!

Pagkaanindot sa paminaw mintras nagkupot,
sa medalyang bug-at nisikad ang kalag ni ulpot,
mousab pa ba kaha ako sa maong tahas?
ning kinabuhi ko mao ni usa sa mga lamas,
andam ug tagana sa sunod hugna sa dagan,
tapuson kong pasigarbohong nagpikpik sa dughan!!!

I am vahnhelsing... warrior!!!