Ahhh..grabeha sad ani...
Suyopanan og shabu likod sa police station | Sun.Star
Suyopanan og shabu likod sa police station Tuesday, January 26, 2016
Ni
Astra Zina D. Logarta
SUYOPANAN og shabu likod sa San Fernando Police Station sa South Poblacion, lungsod sa San Fernando, habagatang Sugbo gironda sa National Bureau of Investigation (NBI 7), diin 18 ka mga tawo ang nangadakpan kagahapon sa hapon.
Ang NBI 7 nakadawat og intelligence report nga dunay police protector ang nagpadagan niini, apan wa pa sila masayod asa nga unit.
Ang NBI 7 nipahigayon og buy bust operation nga nisangko sa pagkasikop sa mga suspek nga giilang sila si Gringo Maalyao, 28, ug Crisologo Maalyao, 26, pulos taga Sto. Rosario, Aloguinsan, Sugbo.
Naabtan usab sa mga operatiba ang laing 16 ka mga tawo nga nanagsuyop sa tulo ka mga payag.
Lakip sa nasikop mga menor de edad nga manuyopay og shabu.
Ang team nga gipangulohan ni Asst. Regional Director Ernesto Macabare nakasakmit og mga binultong shabu.
Sa pagsuwat ning taho, wa pa matino sa NBI kon pila ang balor sa gituohang illegal nga drugas nga ilang nasakmit.
Samtang si Sr. Supt. Clifford Gairanod, officer-in-charge sa Cebu Provincial Police Office (CPPO), nimando kang San Fernando police chief Richard Gadingan nganong wa siya moabag sa operation.