Bus gilabay og hugaw sa tawo, babaye nahilam-os

[zhrike]

---

Bus gilabay og hugaw sa tawo, babaye nahilam-os

NITUASIK sa lawas sa mga pasahero sa bus ang hugaw sa tawo nga gisulod og plastic nga gilabay ngadto kanila samtang nagdagan ang sakyanan niadtong Biyernes sa hapon.

Usa gyod ka pasahero nga babaye ang maayong pagkahilam-os sa iyang nawong sa hugaw atol sa hitabo ala 1:35 sa hapon sa Brgy. Asusina, lungsod sa Barili. Ang ni-report ngadto sa Barili Police Station mao na ang inspector sa Librando bus nga si Henry Luagi.

Sigun sa iyang asoy nga gikan sa lungsod sa Badian ang ilang bus ug nagpaingon sa dakbayan sa Sugbo nga puno sa mga pasahero. Apan paghiabot nila sa lugar, kalit lang nga adunay usa ka plastic nga gilabay ngadto kanila sa usa ka tawo nga wa nila makita.

Ang hugaw niigo sa nawong sa usa ka babayeng pasahero ug nipisik ngadto sa laing mga pasahero. Samtang diha-diha nialisbo dayon ang baho ug nasuta nga hugaw kini sa tawo nga basa-basa ug init-init pa niadtong higayona. Ang ubang mga pasahero niadtong higayona napiskan usab sa hugaw sa tawo hinungdan nga napugos sila sa pag-hunong ug gilimpyohan lang una ang ilang bus.

Human malimpyo ug nakapanghilam-os ang babaye nga mao gyoy naigo sa hugaw, nilahos ang bus pagbiyahe dinhi sa dakbayan sa Sugbo. Samtang ang inspector sa bus maoy ni-report ngadto sa Barili Police Station.

Gipatik sa mantalaang SuperBalita Cebu Hunyo 05, 2011.

Source: SunStar

[Vien]

Na unswa naman ni Ois.

[blair]

haha, basa basa ug init init pa

[noy.juan]

haha, basa basa ug init init pa

bag-o pa ahon!!

[ethzneuron]

funny pero di lalim kung kamo ang nanghilam-os og poo..

[beowulf]

kahinumdum man pud ko ani sa una (wala pa na ang ayala access road) diha sa mabolo dapit gyud sa access road nga gilabay pud og lapok nga gikan sa kanal ang among gisakyan nga jeep, maayo gani kay nagtalikod ko kay ako ra ba gyud ang nasentro og igo. tuasik gyud sa akong tangkugo og buko-buko

[sgrnim]

ka numdom mn sad ko ani sa leyte sauna...hahaha...ang name sa bus line ky Bodibodi...lagut kaayo mi ky gi kulata ang ako amigu nga naka inom gikan sa ormoc ky kuwang iya plete..ky wala na lain kwarta..

aw pag balik gi timanan namo ang bus..gabii2x namn..operatonan bitaw labayon bitaw namo ug tai nga pinutos sa plastik basta kay 5 hits oi..hehehe....igu jud ang kundoktor nga nag kulata sa ako amigo..ug ang uban nga tai did2 padong sa pasahiro...

di ko kalimot ato nga kabuang namo oi...na nimaho pa gud ko ato ky wala kaayo ma tarong ug ilo ako lubot ky naa nmn ang bus.hahahaha...

[Iamalbertrebs]

aw mao ni giingon SH*T happens

[giepocs]

na bullseye!!!... gibahoan ko nagbasa ani.. hehe

[kajrot1]

ahaka tripa!!
mao nay definition sa way grado