Aside from RAPE , what esle do we have to prevent these kind of people prowling in the streets victimizing innocent civilians . The news clip I copy and posted is really funny in a way because we tend to see or hear these kind of issues once in a blue moon but seriously , what if the victim was your SUSTER , MOTHER , GF , WIFE and maybe LOLA ??
================================================
Nagduwa sa kinatawo sulod sa PUJ, gisikop
Wa makaagwanta sa iyang gana ang usa ka lalake mao nga nagduwaduwa kini sa iyang kinatawo nga nagsakay sa usa ka PUJ samtang nagsigeg hikap sa hamis nga paa sa kauban niyang pasaherong babaye nga trabahante sa banko.
Ang babaye nga wa makaantos sa pagsigeg hikap nikanaog kini sa sakyanan og nagpalaban sa mga sakop sa TEDMAN ug kapulisan.
Apan, matod pa, nisukol na hinuon ang lalake mga alas 7:00 sa buntag sa may Highway Seno, Barangay Guizo, dakbayan sa Mandaue.
Matod pa, usa ka PUJ nga gikan sa dakbayan sa Sugbo ang puno sa mga pasahero nga nagpaingon sa Mandaue.
Usa ka Joel Cedintario, 38, nga taga dalan Mabini, siyudad sa Danao, nagsige na usab og hikap sa paa ni Mira (di tinuod nga ngalan), 23, minyo nga taga dakbayan sa Sugbo.
Samtang nagsigeg hikap sa paa, nagduwa-duwa siya sa iyang kinatawo nga
gitabunan lang sa taas niyang t-shirt.
“Daghan ang nakakita pero wa ni siya magawasi kay nanaog man ning babaye unya nangayog panabang sa mga sakop sa TEDMAN nga didto niadtong higayuna,” asoy ni P02 Miguel Estrada nga nahinabi sa Sun.Star Superbalita.
Human gialarma sa mga traffic enforcer, nihunong usab ang drayber sa PUJ apan inay mopatuo si Joel nisukol na hinuon kini.
Busa nangayog panabang ang mga enforcer ngadto sa mobile patrol division diin duha gayud ka mga patrol car ang ningtubag sa alarma.
Apan bisan pa niini, nisukol gihapon sa mga pulis ug di gyud magpada ngadto sa police station.
Gumikan niini ang kapulisan napugos paggamit sa ilang kusog aron madala si Joel ngadto sa police station.
“Gamay raman ning tawhana. Bastos lang gyud unya nisukol ba sa mga pulis mao tong gigamitan og kusog,”dugang ni PO2 Estrada.
Matod pa atol sa imbestigasyon niangkon kini sa iyang gihimong pagbinastos sa babaye ug iyang giangkon nga ganahan lang gyud siya sa babaye hinungdan nga iya kadtong nahimo.
Sa pagka karon ang gikatahapan gitanggong na sa presinto-1 samtang kasong acts of lasciviousness ang ipasaka sa kapulisan ug ingon man kasong pagsukol ngadto sa mga tinugyanan sa balaod. (DRT)
(Mayo 31, 2005 isyu)