Mga Garcia 'motapon' sa LP - Sepulveda

[marckie258]

---

Mga Garcia 'motapon' sa LP - Sepulveda
Ni Chester Abadilla (Banat) Updated May 15, 2010 12:00 AM

CEBU, Philippines - Posibleng ang mga kongresistang mga Garcia motapon gikan sa Lakas-Kampi-CMD ngadto sa Liberal Party ang partido sa umaabot nga presidente nga si Sen. Noynoy Aquino, sumala pa sa tigpamaba sa partido.

Ang tigpamaba sa One Cebu Party nga si Capitol Consultant on Information Atty. Rory Jon Sepulveda nagkanayon nga may posibilidad nga sila si reelected 2nd district Cong. Pablo Garcia, 3rd district Cong. Pablo John Garcia ug 4th district Cong. Benhur Salimbangon moipon ngadto sa partido sa administrasyon.

Apan iya usab gitataw nga mahimong magpabilin sa administration party sa Lakas-Kampi-CMD pinangulohan ni Presidente Gloria Macapagal Arroyo kinsa gikatahong naglaraw nga mag-house speaker.

Miingon hinuon si Sepulveda nga sa pagkakaron ang tulo ka mga incumbent nga kongresista sa One Cebu Party pabiling sakop sa Lakas-Kampi CMD.

Giklaro hinuon niining kun mahitabong mobalhin og partido ngadto ni Sen. Benigno ‘Noynoy’ Aquino, ang rason niini dili aron tabonan ang imbestigasyon sa Ombudsman batok kang Gob. Gwendolyn Garcia labot sa kontrobersiyal nga pagkapalit sa Kapitolyo sa Balili properties sa Tinaan siyudad sa Naga nga nalubog sa tubig dagat ug kabakhawan.

Iyang gisagop ang sentimiyento ni Assistant Ombudsman Virginia Palanca Santiago nga wala nay administrative liability si Garcia sa kaso tungod sa ‘Aguinaldo Doctrine.’

Apan iyang gitataw nga bisan og wala pay ‘Aguinaldo Doctrine’ masaligon silang makalingkawas gihapon ang gobernadora tungod kay klaro kaayo walay nalapas nga balaod ang gobernadora.

Samtang si Bise Gob. Gregorio Sanchez nagkanayon nga dili niya igsapayan kun motapon ang amahan ug anak nga kongresistang Garcia ngadto sa Liberal Party kay ila man kining desisyon.

Apan dili maayo kun ang rason niini mao nga matabonan ug madepensahan ang gobernadora ug dili masuspenso kun may ebidensiyang anomaloso ang pagkapalit sa Balili properties sanglit maghatag man kini og impresyon nga may gitaguan gyud ang mga Garcia.

Nagtuo hinuon si Sachez nga ang LP dili modali-dali og sanong sa kagustohan sa mga politikong gusto lang tabonan ang ilang mga anomaliya. (BANATNEWS)

GAHINAY-HINAY NA CLA OG PANGLANGOY. MAMALHIN NASAD DAW CLA SA NOYNOY NA ADMINISTRATION. ARON MAKALINGKAWAS SA MGA ANOMALIYA NILA. PERO PANINGUHAON JUD RABA NILA NI DAVIDE OG TOMAS NGA ILAHA JUD BABAGAN. STYLE SA MGA GARCIA BULOK.

[batigol192002]

-- kung asa ang mas do-ol sa grasya....

[ritsche villadolid]

sakto na ela gebuhat,padool sa luwag, kaayohan na nato taga cebu

[ing_pacz]

kaayohan natoor nilahehehe

[friedrich]

whatever

[layco]

Pero para nako lang mas maayo seguro before sila mga GARCIA mobalhin sa LP iyaha usa limpyohan ang iyahang Pangalan ni Gwen sama sa iyang Gipang atubang nga mga Anomaliya.. CICC-Over pricing, Balili nga Gi apil ug Palit ang Kabakhawan, ilawon sa Dagat ug Kahunasan.. Ug uban pa nga mga Anomaliya diha sa iyang Pamuno-an.. king ako nag basi rapud ko sa mga news reports ha,.. Ug kini Tino-ud mangani.. iyaha usa nga limpyohan ang iyang pangalan.. pasbton niya ang mga TAWO Ipakita niya ang Kwentada sa tanan nga nagasto sa CICC... ug ang pag sulbad pud sa uban..

[estor_boot]

tan-awa ra ug unsa kabaga ang nawong aning pamilyaha.
si Winston inihap na lang ang adlaw sa GSIS.
i doubt LP will accept them.

[linogzkie]

kana kung dawaton? naglikay nga maipit sa imbestigasyon sa balili?
kalabos gyud mog di oras mga baga'g nawng...

[vipvip68]

food for thought sa 2013 election... Sige... botar pa mo ani nila....

[linogzkie]

kan-on nalang ang uwaw aron lang makadip-ig sa luwag.. hala kumbati gyud..
kapabor si tomas ani...mas kamras mas