Unsay mga bawal sa Jeep ug Taxi? Mao kini...

[graphicare]

---

Ang nabantayan nako sa mga grupo aning mga jeepney drivers no, kung mosaka gani ang gasoline diha-diha dayon magkisi-kisi ug rally na murag tan-aw nila gamhanan sila sa tanang gamhanan ba, pero kung naa ganiy rollback ang presyo sa gasolina bisan ka napulo na, maglisod tag hangyo nila na pagamayan ang plite….hehehehe, pero time pa di ni mao atoa topic ngari oi, medyo related lang kay mga jeepney drivers man gihapon atoa topic ani. Ug para sa usa ka ma’am na nag PM nako ngano daw sige nako birahan ning topic ang mga jeepney drivers, klarohon lang nako day ha, wa koy kasuko aning mga drivers nato di lang ko uyon anang ilang pagkagahig ulo, ug sakto ka, panginabuhing tarong na ilaha, kung…ay sa naa pay kung ha..kung magtinarung sila pagtuman sa atoa mga traffic rules.
Ug sa kadaghanan na wa pa kaayo nasayud unsa toy mga balaod sa LTO ug LTFRB sa mga PUJ’s ug Taxi, ari idiscuss nato ang uban aron makabalo ang kataw-han.

1)Bawal ang Magbuot-buot sa bihaye.-Kasagaran ani ako mabantayan nga biyahe mao ang Mandaue na jeep, kana bang pagsakay nimo moana ang kundoktor na highway ra sila kutob ug di molahos sa Ibabao. Bawal kana. Di pwede magbuot-buot ang usa ka driver o kundoktor kung asa ra kutob ang ilaha biyahe. Kung unsa ang ila prangkisa mao na ang biyahe na dapat nila tumanon. Sus, ayaw dyod mo sugot if pakanaugon mo sa kundoktor kay di siya kaabot sa Ibabao kay highway ra kutob. Bisan unsa pang rason nila ana, di na pwede, ihatod dyod una nila dapat ang pasahero bag-o sila mo-grahe. Responsibilidad sa driver na ihatod ang iya mga pasahero basta mao lang ang iya biyahe.
Nakasulay nakog lalis aning kundoktor sa jeep one time kay din a daw sila moagi sa plaza, aw..murag nisaka akoa dugo dayon na murag mantikag nagbukal-bukal ba, tubagon bitaw nako na “Kinsa man diay ka dong na magbuot-buot sa biyahe? Kung unsa ang inyo biyahe mao na ang sunda, ayaw’g pag-buot kay bawal na, basin gusto ka ireport tamo sa LTO?” Maayo gani kay gihatod ko asa ko gusto manaog kay kung wa pa, ireport dyod nako sa LTO ba aron mamultahan. Ang problema sad aning ubang pasahero no, kay bisan kabalo na sila na Mandaue ang jeep mangutana pag Ibabao ni? Moagi dyod na sila sa Ibabao oi, kung di ka ihatod didto hala sigaig mata ang kundoktor aron mukorog heheheheeh.

2)No Smoking sa sulod sa jeep. Naa man tay city ordinance na nagbawal sa panigarilyo sa jeep. Pero hala ang mga drivers ang uban magpahuthot dyod ug sigarilyo lagi. Ang style nako ani if nagsakay ko unya nanigarilyo ang driver manaog ko ug magpadungog-dungog ko na “Naog lang ko noy, no smoking man ta,unya ikaw ngara sige paaso.”

3)Bawal ang extension seats. Naa nakoy thread ani before, click lang ani hehehehe https://www.istorya.net/forums/genera...agpadayon.html

4) Required ang taripa. Everytime mosaka ang plitehan, kinahanglan dyod mokuha ang driver/operator ug bag-ong tsaripa, ipapilit kini sa sulod sa ilaha sakyanan ug di pwede mangolekta ug bag-ong increase sa plitehan basta walay taripa. Ayaw mog too anang natangtang daw ang taripa o di kaha gibilin. Ang taripa dapat ana idisplay ug dili tagu-taguon. Gibayran gud na nila unya di nila ipakita noon? Madudahan sila na walay taripa.

5) Bawal ang overloading. Kung pila ray capacity sa sakyanan mao ray dapat sundon,di pwede na halos di na dyod masulod ang lubot sa pasahero ipugos dyod. Mao-mao raning kasoha sa paggamit ug extension seats. Makaklaro man siguro ta if overloading na ang jeep or di di ba?

6) Bawal ang di paghatag ug discount sa plitehan sa mga senior citizens, disabled ug mga estudyante. Less 20% sila sa minimum na plite. Kung P6.50, P5.25 ra ang ilaha plite. Naay thread aning student discount click ani for more details. https://www.istorya.net/forums/campus...y-p5-25-a.html

7) Bawal mohunong sa dili stopping area-Pirmi nako kakita aning ila kalaki na bisan no stopping mohunong ang mga jeep, unya madakpan na gani kahilakon na ang mga nawong. Hhehehee...hilig ug violate sa atoa traffic rules unya minghoy man lagi madakpan. Ang pagkagahig ulo ra dyod nila.

Dinhi ta sa taxi bi…hisgutan sad nato kung unsay bawal nilang buhaton.

1)Bawal ang pakyaw system o di paggamit ug taxi meter. – Ayaw dyod mog sugot anang mga abusado kaayong taxi driver labi na sa pier area na mambiktima ug mga bag-ong abot sa laing lugar ug dayon ingun nga P150 ra. Unsa nabuang sila? Klaro na kaayong bawal buhaton pa. Meter sa taxi ang basehanan sa plite ug dili ang oplok na taxi driver ang magbuot. Ipakong sa taxi shield ang ila ulo kung di patuo hehehehe. Sa mga isog rana ha heheeheh.

2) Di pwede mobalibad kay layo. – Reminders lang sa tanang pasahero na ang prangkisa sa mga taxi all over Cebu na, ug di sila puede moreklamo nimo na di lang kay layo ang imo padulngan ug alkanse sila. Unsay alkanse na mobayad man kay kung unsay patak sa meter diba? Drama ra na sa mga taxi drivers ug ang maayong buhaton ana pagpara nimog taxi diretso kag sakay, didto na naka sa sulod moingon sa driver asa ka padulong. Kung di mosugot ingna na wala siyay katungod mopakanaog ug pasahero. Ang uban man gud na pasahero mopara tapos maingon daan sa driver dinha sa bintana kung asa siya padulong, kung di mosugot way mahimo ang pasahero kung molarga ang taxi na kalit pabulhot palayo biyaan ang pasahero.

3) Di pwede ang plus P10, plus P50 o additional fare luwas sa bayranan na nigawas sa taxi meter. – Sus ayaw tawon mo patunto anang mangayog plus na bayranan. Ingna dayon na “Addict ka nong? Ngano gud tawon mobongat kag plus, plus? Bisan unsa pay rason nila, wa dyod na gitugot sa atoa balaod ang +, luwas lang kung nay kamandoan sa LTFRB pareho atong plus P10 sauna na gitugot sa kagamhanan. Pero wala na na ron ha. Kung mamugos dyod aw tagai ug plus orange juice na nay hilo hehee joke lang.

Kung daghan pa mong pangutana mahimo mo manawag nalang sa LTFRB or LTO kay sila ang nasayud sa daghang balaod hehehehe…basta ang akoa lang ikasuggest ninyo ayaw mog sugot basta kabantay namo na di sakto ang usa ka butang. Speak up. bye for now. Magmovie watching nako.

[rig]

kadaghan ko naka.enperience sa no.1 nmo bro
ky sau sa buntag manko mosakay sa jeep padong sa skol unya kung ako ra usa ang pasahero panaogon ko kay mobalik daw sila sa ilang ruta(O1K)
dili nlng pud ko mo.argue up kay dili paman sad moplete daan kasagaran enig dayon na nakong naog ko moplete

[lemzuico]

wala judni nasunod sa mga driver tawn...

[graphicare]

kadaghan ko naka.enperience sa no.1 nmo bro
ky sau sa buntag manko mosakay sa jeep padong sa skol unya kung ako ra usa ang pasahero panaogon ko kay mobalik daw sila sa ilang ruta(O1K)
dili nlng pud ko mo.argue up kay dili paman sad moplete daan kasagaran enig dayon na nakong naog ko moplete

Dapat dyod na i argue oi..kay nanganad na sila na walay respetar sa mga pasahero, unya raba rally-rally dayon kung sila nay magipit.

[peewee_toot]

tnx sa heads up bro. but sad to say nga dghan sd jd ang ni violate anang mga bawal.

[graphicare]

hehehe daghan lagi, pero malas lang nila pag ako ang makasakay sa ila jeep kay putlan dyod nako silag mga sungay heheheehe pati mga anak nilang gwapa akoa ihug hehehe joke. unsa palupig ta na naay tay grado kaysa nila? hehehehe

[graphicare]

wala judni nasunod sa mga driver tawn...

wa dyod nasunod lagi...bisan kabalo sila sa balaod di dyod masunod ambot ana nila oi hehehehe

[prukutung]

very informative... three thumbs up!! keep on posting dude.. ^^

[graphicare]

very informative... three thumbs up!! keep on posting dude.. ^^

thanks! nagprint nasad ko ani..akoa gipanghatag sa amoang silingan hehehee samot na sa mga cutie hehheheeh

[lemzuico]

daghan kaayo kulurom karon lagi..