Balak ko, Padayonon Mo

[mejie]

---

sa hitsura ayaw padala
kay daghan mga tawo gasul-ob lag maskara
bukikia jud ug tan-awa
sa pagsusi makita mo kung knsa jud sya

apan amiga ayaw kabalaka
mga tawong in ana dli na maka mata
ug padayon nga nagpa buta-buta
sa mga sayop nga nabuhat nila..........

[Siobhan]

amigo tambag mo nindot kaayo
pero unsaon ko pagkalimot
kung makta ko ang demonyo
sa nawng niya, ako magligotgot

O Bathala sa langit
dan agi ang kangitngit
kay nasamad na akong panit
sa pag agi ko sa dalan nga higpit ------ehhehe d ko sure

[frozenarrow82]

namadlong pa utro pud diay,
pero ayaw palabiha og likay,
istorya ta basin mapalya,
sa mga strikto ta nga higala.

bagong tuig hapit na,
kailangan magbago na ta.
bisyo nga di ko maundang.
hinayhinay lang og tangtang.

[josephG]

abi kog ondo, inday kaman d i siobhan
dalagang nagpanilap sa tawng totyan
pacinsya sa kng sinultian bacin naay nabastusan
onsa higala kaw naglibog pa kng laki or bayi ba ang tirada?
mao kani ang "crossroads" naa sa sitwasyon ga duha-duha.

sa kini nga sitwasyon ikaw hilaw pa
aslom, bidli, tuba-tuba dli puidi pahiton
pangita na og ulitawng ondo puede nmong higugmaon
para ikaw magpabiling dalagang ma handumon.

[mejie]

joseph kong higala
ayaw palabi sa imong istorya
kang siobhan wala pa ka kaila
busa ayaw igna nga xa ga duha-duha

ikaw nalibat ra
sa iyang gepang istorya
kay kana siya dakong daga
bsan isugon, ganahan ko ana niya........

[gshukaku]

mga HIGALa, ani-a na
tambal para sa nagduha-duha
Taga oras kini tumara
aron mata musodlot mosiga

busa pagdali, ayaw paglangan
si uncle mar lopez maoy daganan
pagdali pa reserve niya daan
basin ugma, uwahi na ang tanan

[mejie]

Tambal ni uncle kusog ang halin
mga produkto dali ra mahalin
ubang naninda, nanglakaw, nagpadaplin
ang mo kompetensya pirme lang mahabilin

Apan ayaw kamo patunto
sa mga uban nga produkto
dli tnuod kundi kinupya
sa mga tawo nga nasoya kaniya......

[frozenarrow82]

mga imit puerte gyung halina,
halos tanan made in china.
maong dili jud ta mokompyansa,
basin kita madisgrasya.

di jud ta makasiguro,
sa baligyang sobra ka barato.
pero kuarta nagnihit man,
antos na lang tang tanan.

[lasgaw]

ok ra kung imit basta lig-on
pro talagsa ra gyud na nila buhaton
tungod sa ilang kabarato
ang gigamit na papilit, kugmo

maayo pa mangukay
original pa apil sudlay
apan kailangan mag-bantay
basin mga bun-i manablay

[mejie]

ayaw kabalaka
ang bun-i dli problema
kay sa ge ingon pa nila
tambal ni uncle mar ani-a na

mga higala ako napud nalipay na
sa nahitabo nako gahapon pa
kay ang akong gugma
naablihan ug nahibalik na