Cebu local news (daily update)

[cobraKing]

---

Panday giluba sa rugby boys

CEBU [COLOR=blue ! important][COLOR=blue ! important]Philippines[/COLOR][/COLOR] - Nabulit sa samad ang lawas sa [COLOR=blue ! important][COLOR=blue ! important]usa[/COLOR][/COLOR] ka panday human kini lubaa sa mga rugby boys kinsa nasuko nga iyang gibadlong didto sa barangay Tejero, ning dakbayan sa Sugbo sa miaging kaadlawon.
Ang biktima mao si Roel Baron alyas “Cocoy”, 33, usa ka panday, nga taga sitio Humay-humay, barangay Inayawan, ning dakbayan, samtang ang mga suspetsado nailhan usab nga si Robert Jontoy, ug ang kauban niining nailhan lang sa ngalang “Charlie” pulos taga barangay Tejero.
Sumala sa kapolisan nga ang biktima mitambong sa birthday sa iyang igsoong babaye sa Tejero dihang sa iyang pagpauli, iyang nakita ang mga suspetsado ug mga kaubanan nga nagsuyop og rugby sa agianan, busa iya kining gibadlong.
Apan matud pa misilaob ang kasuko sa mga suspetsado ug dihadiha gitabangan siya og kulata niini, ug wala pa matagbaw, usa sa grupo ang milanit og kutsilyo ug dihadiha gitusak sa dinunggaban ang lawas sa biktima.
Busa samdan kini sa liog, kilid, ug sampot, apan nasalbar gihapon siya kay nakadagan pa ang biktima ug nakapangayo og panabang sa iyang igsoon.


Ang biktima gihatod dayon ngadto sa Cebu City Medical Center samtang padayon pang gipangita sa kapolisan ang mga suspetsado. (BANAT NEWS)

[cobraKing]

Negosyante Gitipi sa 3 Tulisan

CEBU [COLOR=blue ! important][COLOR=blue ! important]Philippines[/COLOR][/COLOR]
- Naglunang sa kaugalingong dugo ang [COLOR=blue ! important][COLOR=blue ! important]usa[/COLOR][/COLOR] ka negosyante og construction supply human gipusil patay sa tulo ka wala mailhing tulisan nga nagmotor pasado alas-7 sa miaging gabii sa barangay Poblacion syudad sa Toledo.
Ang biktima nailhan nga si Proceso Anonas, 48, molupyo sa nahisgutang lugar samtang padayon pa ang kapolisan sa pag-ila sa tulo ka lalaking responsable.
Base sa imbestigasyon sa kapolisan sa syudad sa Toledo mao pay pag-abot sa biktima luwan sa iyang motorsiklo gikan sa iyang tindahang Four Star Hardware sa mao gihapong barangay ug nagbitbit og backpack padulong sa ilang panimalay dihang nahitabo ang tulis.
Matud pa nga sa pagkanaog niini gibabagan kini sa tulo ka wala mailhing tulisan ug giilog ang backpack sa biktima.
Ang biktima nagdumili paghatag niini hinungdan nga gipusil kini makaduha ka higayon sa iyang tuong dughan ug tuong abaga. Ang biktima daling gidala sa Toledo District Hospital apan gideklarar kini nga dead on arrival, samtang ang tulo ka tulisan dali usab nga misibat human sa panghitabo.


Sa pagsusi sa kapolisan sa patay’ng lawas sa biktima ang anak niining lalaki maoy ilang gipakuot sa bulsa niini ug diha marekober ang kwartang nagkantidad og P177, 380.
Samtang nasayran sa kapolisan nga ang sulod sa backpack ni Anonas nga nakuha sa tulo ka tulisan mao ra ang usa ka bawnanan sa kan-on, blank check books, PNB bank books nga may time deposit nga nagkantidad og duolan tunga sa milyon, Metro Bank certificates nga nagkantidad og tunga sa milyon, PNB Certificates ug long term deposit sa maong bangko nga nagkantidad og usa ka milyon, pipila ka tseke gikan sa iyang mga kliyente ug mga sensilyong nagkantidad og P2 mil ug gituohang pipila ka dokumento.
Sa pakighinabi sa Banat News kang SPO4 Gil Lastimosa kini mibutyag nga ang biktima maoy usa ka dagkong negosyante sa nahisgutang lugar.
Matud pa ni Lastimosa nga base sa gibutyag sa mga saksi ang tulo ka tulisan nagtabon sa ilang mga nawong luwan sa usa ka motorsiklo ug daling miikyas human sa hitabo. (BANAT NEWS)

[cobraKing]

50-Anyos Nga Ginang Nadakpan Sa Buy Bust

CEBU [COLOR=blue ! important][COLOR=blue ! important]Philippines[/COLOR][/COLOR]
- Usa ka 50-anyos nga babayeng suspetsadong pusher og shabu ang nagtingkagol sa Talisay City detention cell human masikop sa gipahigayong buy bust operation sa kapolisan kagahapon sa buntag diha sa barangay Tanke sa nahisgutang siyudad.
Ang suspetsado mao si Marissa Obrero alyas “Nanay” residente sa nahisgutang lugar nakuhaan og [COLOR=blue ! important][COLOR=blue ! important]usa[/COLOR][/COLOR] ka medium nga paketeng shabu atol sa operasyon.
Ang maong operasyon gipahigayon nila ni Senior Inspector Marlon Gumabao, PO3 Rey Bucao, PO3 Benedicto Lasque, PO2 Narciso Alforque, PO2 Roy Lofranco ug PO1 Euwen Pitogo.
Si Nanay nga nahinabi sa Banat News mibutyag nga mao na kini ang ikaduhang higayon nga siya nadakpan may kalambigitan sa ilegal nga drugas, una niadtong 2005 apan nakapiyansa siya ug na-acquitted sa Korte sa maong kaso.
Gibutyag usab ni Nanay nga nagsugod siya sa mao niyang ilegal nga kalihukan dihang nagpanuigon pa siya og 35-anyos, ang iyang supplier kaniadto napriso na usab karon.


Apan sa iyang pagkadakop karon gihimakak niya kini tungod kay human madakpi ang iyang usa ka anak niadtong milabay’ng tuig gumikan gihapon sa drug pushing miadto siya sa Bohol ug miatiman sa ilang panagatan ug nabalik lang siya nganhi sa Sugbo niadtong Hunyo 3, 2010.
Miangkon si Nanay nga niadtong tuig 2007 ang iyang anak nga si Lloyd Obrero, 27, nadakpan sa mga polis sa mao gihapong kalapasan, laing anak ni Nanay nga si Maridel Obrero, 24, nadakpan sa mao gihapong kalapasan niadtong tuig 2009 nga matud pa niya pulos tumotumo.
Si Nanay mag-atubang og kasong kalapasan sa Akta Republika 9165 nga gikatakdang ipasaka batok kaniya karong adlawa (Lunes) diha sa Talisay City Prosecutor’s Office.

[cobraKing]

'Shabu Queen', Chief Tanod Sikop sa Raid sa Pdea-7

CEBU [COLOR=blue ! important][COLOR=blue ! important]Philippines[/COLOR][/COLOR] - Nasikop ang giila sa kapolisan nga ‘Danao Shabu Queen’ ug ang alalay niini, samtang nadakpan usab sa laing operasyon ang hepe sa mga tanod sa barangay Kamagayan ning dakbayan atol sa duha ka buy bust operation sa Philippine Drug Enforcement Agency niadtong milabay’ng Biyernes sa hapon ug kagahapon sa kaadlawon.
Si Jessie Tabanao, ang tigpamaba sa PDEA-7 nagkanayon nga si Jeanette Jasmin, 32, gibansagang ‘shabu queen’ sa maong dapit gumikan kay ilado na kaayo kini nga namaligya og ilegal nga drugas ug kini makita usab base sa gidaghanon sa shabu nga mabaligya niini sa matag adlaw.
Lakip sa nadakpan mao ang giingong alalay niining si Roger Miao, 19, diha sulod sa Jen-Jen Compound sa Lapu-Lapu Extension sa barangay Poblacion syudad sa Danao.
Ang suspek gikatahong nakuhaan og [COLOR=blue ! important][COLOR=blue ! important]usa[/COLOR][/COLOR] ka dakong pakete sa gituohang shabu nga nagkantidad og usa ka libo atol sa aktwal nga pagpalit sa poseur buyer ug dugang tulo ka dagkong pakete gihapon ang nakuha atol sa pagrekisa kaniya nga nagbalor tanan og P13 mil sa street value.
Human matunol ang gituohang shabu ug gidawat ang kwartang marked money gidakop dayon si Jasmin ug Miao kinsa giingong niadtong tungura kauban sa maong babaye.


Si Jasmin dihang gikuhaan sa mga sakop sa media og pamahayag kabahin sa pasangil nga siya ang ‘shabu queen’ sa Danao nagdumili sa pagtubag sa mga pangutana.
Samtang sa linaing ronda sa PDEA-7 kagahapon sa kaadlawon, nadakpan si Hermogenes “Boy” Borres Sr., 53, ang hepe sa mga tanod sa barangay Kamagayan.
Matud pa ni Tabanao nakadawat sila og bag-ohay lang nga impormasyong dugay nang namaligya og ilegal nga drugas si Borres sa maong dapit.
Tungod niini milusad sila og surveillance ug kagahapon gipalitan kini og usa ka paketeng shabu nga nagkantidad og P300 apan human matunol ang ‘shabu’ nakamatikod kini ug mipasirit padagan sa motorsiklo padulong sa barangay hall sa Kamagayan diin usab nila kini maapsi.
Matud pa ni Tabanao nakuhaan nila og kalibre .45 pistola nga adunay usa ka magazine ug laing tulo ka magazine nga reserbang puno sa bala si Borres.
Si Borres atol sa pagsikop sumala pang Tabanao miinsister nga aduna siya’y Memorandum Receipt (MR) sa maong armas apan dihang gipangayoan sa maong dokumento wala kini mopresentar niini.
Apan si Borres dihang gikahinabi sa mga tigbalita mihimakak nga dunay armas nga nakuha gikan kaniya ug ‘planted’ lang kini, gihimakak usab niyang namaligya siya og shabu.
Sa laing bahin, si Tabanao mibutyag nga ilaha usab karong gi-monitor ang gikabuangan karong bag-ong nausong ‘milk-shake’ diha sa Kamagayan. Giingong gisagol ang shabu ug nubain nga adunay epektong molanat og duha ngadto sa tulo ka adlaw ug nagkantidad og P300

[haroldking]

Igo ra jud ang taga PDEA shabu queen nadakpan! ang ato unta ang source jud uy! klaro kaayo kung dili maka pyansa aw ang anak o kinsa dha mo puli dayon! so walay kahumanan ang dagan sa droga!

[cobraKing]

ana jud na cya bro..surce of income sa family..murag family business ba..

[cobraKing]

Mga kawata'g scrap napriso

CEBU [COLOR=blue ! important][COLOR=blue ! important]Philippines[/COLOR][/COLOR] - Mikagulkol sa prisohan ang duha ka lalaki, [COLOR=blue ! important][COLOR=blue ! important]usa[/COLOR][/COLOR] niini bayongbayong pa, human hidakpi kay nangawat og mga scrap nga puthaw gikan sa balay sa usa ka huwes didto sa dalan F. Ramos, barangay Cogon, dakbayan sa Sugbo sa miaging hapon. Ang biktima mao si Judge Jasper Dacanay, 64, nga taga F. Ramos. Samtang usa sa mga suspetsado ginganlan og Paul John Baguio, 24, nga taga dalan Sikatuna, Barangay Zapatera, uban sa 15 anyos niyang kauban nga taga dalan T. Padilla , pulos ning dakbayan sa Sugbo.
Sa pakighinabi sa Banat News ni PO2 Allan Ballejo, sa Fuente Police Station, nasayran nga ang mga estambay maoy nakasakop sa mga suspetsado nga misakwat sa mga scrap sa sulod sa balay ni Judge Dacanay.
Matud pa sa kapolisan nga gibitbit na kini sa mga suspetsado ug nagdaling migawas gikan sa balay sa huwes busa gigukod sa mga estambay ug dihang nadakpan , gihatod dayon nila ngadto sa buhatan sa kapolisan sa Fuente.

[cobraKing]

Drayber gipusil sa kauban

CEBU [COLOR=blue ! important][COLOR=blue ! important]Philippines[/COLOR][/COLOR] - Samdan ang [COLOR=blue ! important][COLOR=blue ! important]usa[/COLOR][/COLOR] ka drayber sa habal-habal human kini unaya og pusil sa silingan niyang drayber didto sa sitio Lusaran Proper, barangay Lusaran dakbayan sa Sugbo sa miaging buntag.
Ang biktima mao si Samuel Sabas, 40, drayber sa habal-habal nga taga Lusaran, samtang ang suspetsado mao usab si Willy Montero, hingkod, nga silingan sa biktima ug usa gihapon ka drayber sa habal-habal. Base sa imbestigasyon sa kapolisan nga gipangunahan ni PO3 Ruel Ayuman, sa homicide section sa Cebu City Police Office nga usa ka barangay tanod ang nakakita sa maong pagpamusil.
Matud pa ni Ayuman nga segun sa asoy sa tanod, kansang ngalan iyang nalimtan, nga human sa tulo ka buto sa armas, nahagba sa yuta ang biktima uban sa mibanaw nga dugo niini, samtang mikaratel usab dayon og dagan pahilayo sa maong lugar ang suspetsado.
Samdan sa nagkalainlaing bahin sa lawas ang biktima, gihatod dayon kini ngadto sa North General Hospital sa barangay Talamban, samtang gipangita pa sa kapolisan ang suspetsado.

[cobraKing]

3 dalagang Hapones gilabnihan

CEBU [COLOR=blue ! important][COLOR=blue ! important]Philippines[/COLOR][/COLOR] - Tulo ka mga babayeng Hapon ang gilabnihan sa ilang mga gamit sa 8:30 sa gabii diha sa Salinas Drive, Lahug dakbayan sa Sugbo kagahapong adlawa.
Ang mga biktima giila nga sila Ikeda Hesashi,24, Maeda Sho, 23, ug Arimura Hitomi ,23, ug kasamtangang nagpuyo sa [COLOR=blue ! important][COLOR=blue ! important]usa[/COLOR][/COLOR] ka hotel sa barangay Mactan dakbayan sa Lapulapu.
Samtang padayon pa sa ilang imbestigasyon ang kapolisan aron ilhon ang tulo ka mga wala mailhing lalaking maoy gitumbok nga milabni sa ilang mga bag.
Base sa imbestigasyon sa kapolisan nga ang kantidad sa maong mga nakuha sa mga tulisan dili mominus sa P300 mil lakip niini ang usa ka Rolex ug Cartier nga relos, mga mahalong alahas, cash ug mga branded nga handbags sama sa Louis Vuitton ug Channel.
Ang mga biktima igo nalang midangop sa Mabolo Police Station human sa hitabo.


Matud pa sa mga biktima nagbarog sila diha daplin sa usa ka sikat nga restobar sa Lahug ug samtang nagtabi ilang gibutang sa ilang kiliran ang maong mga bag.
Apan dihang ilaha nang puniton kalit silang gisakdapan sa tulo ka mga lalaki ug gipanguha ang ilang bags dayong karatel og dagan palayo.
Sa pagkakaron padayon gihapong gipangita sa kapulisan ang tulo ka mga lalaking manglabnihay.

[cebulifer]

Pastilan pud ning mga tourista oi. Be alert at all times. Bisan asa sila muadto... ana gyud! Situational Awareness!!!