Pinulongang Bisaya (Everything about Bisaya Language, Ludabi, ug uban pa)

[SOKOLI]

mga higala, sa ako lang namatikdan ang atong sinulti kani-adto ug sa pgkakaron adunay dakong kalahian...paminaw ko nga hapit na muhanaw ang ato-ang sinulti-an kay tungod sa pag-hugawhugaw nga gibuhat sa tagalog...... gipamatud-an na sa akong magtutudlo didto sa UCLM sa among Fil 1 ug 2 nga ang tagalog daw intellectuall language sa mga pilipino ug ang binisaya para ra sa mga walay grado... sa ato pa, kita nga nagpalangga sa atong suniltian nga binisaya mga tawo nga walay grado?

[rigormortis]

sultii imng maestro nga bogo siya

[SOKOLI]

hay labi'g ingnon nalang nga kung dili siya ganahan sa mga bisaya maayo pa'g mupahwa nalang siya diri sa sugbo.

[Sol_Itaire]

asa ta makakat-on og alibata?

[clarkhkent]

agoy dugay na nga panahon nga wa ko ka post dre da...kumusta naman tong mga ninuno dre....tua na mo sa pikas lapyahan?ehehehe

[panganod]

unsay inyong paminaw sa binisaya nga ads sa tv labi na sa gma? ambot, magkunot jud ako'ng agtang kay gikiwahan ko sa paglitok sa tigsibya.

[tagaparian]

Gidapit ang tanan mga nagmahal sa pinulongan ni Dagohoy ug Lapu-Lapu

Sa pagtangbong sa usa ka tipon..

Karong Bernes sa ika siyam nga takna sa kagabhion(9:00pm) unang adlaw sa Augusto(Aug 1) Tuig ikaduhakalibo ug walo (200

Sa balay ni Val Sandiego, Dalan Lopezjaina ug Mabini, Parian dakbayan sa Sugbo

Ang maong tigum pagatambungan sa mga mahigumaon sa pulong binisayang Sugbuanon..

Ang tanan mahimo nga motambong, apan adunay lakda nga angay tumanon, sa pagsulod sa balay dili mahimo nga mogamit ug laing pinolongan, binisayang sugbuanon laman ang magamit..

Ang tigom mahitabo matag byerne o sabado, kini mag agad na nasabotan sa tanan..


Ali na mo bay..

[forester]

Paghangup sa akong higala'ng tagaparian!

Dili matugkad akong kalipay sa inyong mga tinuyong pagpanaghugpong alang sa atong hinigugma'ng pinulongan. Akong tinguhaon ang pagpakigtambayayong sa inyong mga laraw ug tinguha. Sa mga higayo'ng badbaran na ako sa mga gihigut nga pisi sa kabilinggan, lakbitan ko gayud sa pagsalmot kining inyong tigum-tigum.

[AVriLRockZ!!!]

pwede magpatabang ani? these are excerpts from a balitaw... patabang unta ko sa pag-modernize ani..
ato ibutang like nagtext ba ron or unsa hahahaha

LUIS:
Kining akong paghigugma
Sa bukog, Inday, mikagit
Kong hinog ka pa lang sab-a
Lamyon ko hangtod ang panit.

PINAY:
Dili ako, Luis, motu-o
Nianang imong mga sulti
Pila na kaha ka babaye
Ang imo nianang gitunto?

LUIS:
Kining akong pagtindog
Ako na nga ginatukib
Ingon sa balay gitukod
Giuna ko ang paglatid.

PINAY:
Ang imong mga tuyo
Daan ko nang hingsayran
Wala pa gani ikaw manghangyo
Ako na ikaw gibalibaran.

LUIS:
Sa gamay ka pang bata
Daan ko na ikawng ginapalandong
Karon ikaw nga dako na
Dili ba ako Inday makasilong?

PINAY:
Sa gamay pa akong bata
Daan ko na nga gipamulong
Nga kong ako madako na
Sa sulti dili ako palimbong.




LUIS:
Lipaya ang akong kamingaw
Utang kong buot kanimo
Baslan ko ikaw sa ulahing adlaw
Kay ako magasilbi kanimo.

PINAY:
Dili ako mao ang makaglipay
Nianang imong mga kamingaw
Pamiling sa laing Inday
Nga sa tinguha mo makatagbaw.

LUIS:
Inday, ang imong pagdili
Daan ko na nga nasabut
Kong duna pa akoy bahandi
Tingali ikaw mubuot.

PINAY:
Ako nganing gidili
Ang anak sa mga Hari
Ikaw pa ba ang dili
Gitan-aw ko walay bahandi?

LUIS:
Bisan adto ka sa langit
Kaanyag nga walay sanglit
Kong ako ang magasangpit
Mukanaog ka gayod sa pilit.

PINAY:
Kung akoy adto sa langit
Lalake ka nga lumayan
Ayaw pagbudlay pagsangpit
Kay sa linti ko ikaw pakanaugan.

LUIS:
Pusta ako, Inday, limisa
Sa binukalan mong kandungga
Kong si Nanay mo mangutana
Ingna pinili nga bunga.

PINAY:
Kong ikaw, Luis, mangasawa
Si Tatay ug si Nanay maoy sultihi
Kay kinsa bay musaka sa kahoy
Nga sa punoan dili muagi?

LUIS:
Matuod ikaw mao ang bulak
Sa usa ka maambong nga kahoy
Dili ko muagi sa punoan
Kong dili hagdanan sa imong kalooy.

PINAY:
Kong buot ka, Luis, mangasawa
Atuay balay namo ayuha
Ang atup niya anahaw
Alisdi sa pako ug langaw.

LUIS:
Bisan unsaon mo sa pagpamalibad
Niining gugma kong matuod
Dili na ikaw makabadbad
Kay maayo nga pagkalangbud.

PINAY:
Oh! Daw tubig kang matin-aw
Nga gibunyag ning kasingkasing
Niining dughang mamingaw
Nanaha ka ug nanalingsing.

LUIS:
Pagkamaayo sa imong gawi
Wala akoy takos ibalos
Ania ang kalag ko ug kinabuhi
Kanimo akong itapus.

PINAY:
Kong mga bayhon pa lamang
Dili ako kanimo mag apas
Ugaling kay kagawi-an
Iunong ko kanimo kalag ug lawas.

[akoyako]

Rudjard:

Lunsay nga pagmaya ang among gibati sa imong pagsalmut dinhi sa atong gamay'ng salimbung sa mga titik nga diin mahimugso ang among kabus nga pakigbisug alang sa atong pinulonga'ng bisaya. Among gipangaliya nga imo kaming ubanan sa paglukdo sa kasayuran isip atong tagsa-tagsa ka tampo sa atong kaugalingo'ng dila.

Sama ni Akoy, mi-agak usab siya uban kanato dinhi taliwala sa among kabudlay diha sa pagpakigharung sa inadlaw-adlaw nga tahas sa kinabuhi. Atong pas-anon kini atong BISAYA nga nagsagubang sa kalisdanan, hugtan ta kini sa pagkupot pinaagi sa atong hiniusang kusog, higtan ta kini sa pinakamaayong pagkagamat aron dili kini mailog sa mapanamastamaso'ng kahigayunan, tugbangan ta'g paninguha kining tanan dungan sa pag-ingon "BROWNIE, I-AMPO MO KAMI"

Amen, bitaw, hinaot pa unta.