Balak ko, Padayonon Mo

[hybrid_ninja]

---

ang inyong gi hisgutan
wala na koy masabtan
kay ang akong tiyan
mura nag gi tamak-tamakan

[v_tacang]

kana imong tiyan
maayo pay pulihan
ginamos permi sud-an
utok intawon gitay-an....

kinaon pud puro sagbot
sa balay nagpalibot
mga silingan naglagot
kay baho kaayo ka'g utot...

[brownprose]

Hoy, hoy mga higalang bugoy
Bag-ong tuig og bag-ong asoy
Naa bay balita sa mga unggoy?
O balita gihapon kabahin sa mga pikoy?

Hoy, hoy mga higala kung bugoy
Nituyo ko'g dalikyat aron sa pagpangukoy
Balak nato padayon bisag wa'y mga lamoy
Bahala na'g mapasmo mga parekoy

[mejie]

oy oy oy!!!!!
nabalik nasad ang atong asoy
nga magdala ug huyohoy
sa kalipay kita mag langoy2

bag o na ang panahon
apan ako wala pay panihapon
ang mga mo post mao lang gihapon
mga iring ug yusa ka buang, di pul anon

[brownprose]

Oy, si pareng mejie nihapit man pod diay!
Tinood ba kaha nga wa'y kaon ning chikboy nga tatay?
Basin nahurot na pre sa imong mga chix og inday,
O kaha nahurot sa wa'y hinungdan mong bisyo sa lagay

Mejie, mejie palihug undang na anang bisyoha
Mga anak mo sa gawas og sulod mityabaw na
Mga asawa mo pwerteng na gyung go-ula
Mejie mejie lingaw lingaw gihapon ka

[mejie]

aha aha ahahaha
amigo ako imong gepakatawa
apan intawn wala pa koy asawa
sa kinabuhi ako nag inusara pa

ikaw kaha unsay kalambuan
sa grass cutter nga imong gesakyan
sa sunod imo na untang ilisdan
Limuzine ang sunod na unta nimong drayban

[brownprose]

Mejie, mejie, mejie pasayloa
Ulitaw paman diay kang chikboya ka
Kahibaw nako sa dako mong problema
Sa buring diay nahurot imong kwarta

Kanang kabahin sa akong gisakyan
Ayaw'g saba ako usa ka kawatan
Trak nga gidryban sa among silingan
Baligya ko ni sa mga surplusan

[mejie]

amigo ayaw huna hunaa
nga boring nakahurot sa kwarta
kay bisan kausa
wala ko nianang mga butanga....

ikaw diay nangawat!
mao ba diay na inyong kaliwat?
sa eskina intawn dalikyat
kay naay mga pulis nga imong masugat!

[brownprose]

Mejie, Mejie higala kong wa'y bisyo
Buotan diay daw sama ni San Pedro
Bisag si San Pedro buotan nga Santo
Kama-o pod to molimod pareho nimo

Giingon mo'ng pulis diha sa eskina,
Mejie higala ayaw'g kabalaka
Trak kong kinawat kahibalo na sila
Kay bahin nila ako nang gitagana

[mejie]

pagkamaayo baya nimo higala
hasta pulis gebayran mo lag kwrta
apan intawn ayaw ug kompyansa
kay basin nag undercover na sila

ako unta magpatudlo
sa pamaagi nga imong gepanghimo
maayo kaau ka motago tago
sakyanan makawat nga wai singot motulo......