accidentally na dasmagan/gi dasmagan

[Rickstar13]

---

nindot ni dah. para prepared ta unsa atong buhaton simbako ma hitabo ni.

[headset]

para nako 1st buhaton, tan awon kung kumpleto pa imong lawas... lisod na mag lakaw walay tiil =)

[michaelocana]

nka experienced ko ani before katong aura 1st gen pa ako dala dala sa una.. nabangaan kog starex sa panagdait... hmmm anak to ug intsik.. nalagpot jd tawon ko ato ug naboak akong motor.... soko kaayo ang batan.on ng drive kay ngano wla ko namatay... ng pang abot mi sa tunga sa dalan... ghapak nako iyang nawon sa akong helmet.. poga poga ug gunit ang iyang driver ug gi pa misitahan tawn.. nya pag abot namo sa opisina sa ddto sa LTO kay gi imbistigahan... nag gara gara man ang intsik nasoko ang pulis... gi pa hawa sya ug gi hold ang licensed kay nang hadlok man noon sa pulis ang intsik.. pg abot nako mao to pabor na sa ako ang polis kay kalma ra man ta.. ug sakto sa lugar

nka bayad tawn ang amahan sa intsik, ug nabalik sa new look akong aura that time...

[trax]

pinaka una buhaton gyud is calma lang gyud,, ug nasuko ka kai ikaw na dasmagan pag ihap ug 1 to 10 pra mo calma., dont move the position your car,,. ayaw pag suko2x pag gawas sa auto kai ug init ka ug ulo unya init ulo ang usa, mo hangtong sa lalis.. always keep number for traffic div to col.. ug mahimo kai halos tanan naa naman gyud camera phone. take pictures for your reference kai magamit pud na nimo pra sa husay2x unya..

If the accident happens in wee hours.. then always insist for liquor test for both parties para ma klaro ug kinsa sad.an

[kolo]

ana si sherwin nga kong chix kuno ang makadasmag kay hunongan unya dli maglagot.. hapu hapon kong magkalisud. aw pero kong berdugo kuno kaau aw ligsan og tiwas.. hahaha

bitaw, ang angay buhaton kay relax chill lang... tan awn sa nimo imong kauga.lingon kong ok raba ka after tan awn dayon nimo imong ka uban or mga na apil sa disgrasya... diha naka mudecide tawag baka ambulance or citom...

[ite]

kasuway sad ko ani duol sa amo gamay man dalan. kusug padagan taxi naka hi-beam pajud. sugat mi.. ni hunung nako ug pid2x sa daplin , ang animal na saghiran man akong side mirror sa awto. buak tawn ang samin. mahal biya ang orig casa tawn. ga duha duha pajud hunung ang taxi pag igo. may gani naa mga tambay na kaila rasad nako gipa hunung. singhagan pajud ko akong sala suwaw daw ako suga mao ni hi beam siya na bisag gi off na ako headlights nia perting pamidpid nako. suya kaayo ko. to make the story short. nag pa luoy2x dayon driver. lol...
nasaghiran sad kog jeep 3weeks ago. may gani pintal ra. ga park sa daplin ni kalit ug gawas. pero nadala rag sabot kay ma rubbingan raman.

[KaRmA^`]

bitaw unsa number tawagan if in case kailangan jud manawag sa police o citom or lto? unsa tel number ana?

[Rickstar13]

mao. naa ba silay toll free na mga hotlines? kay what if wala tay load. yataps ta ani. T_T

[michaelocana]

traffic enforcer/citom/ man gyud ang mo settle ani sa road bsta banga banga lang ha... sila mobuhat ug sketch.. dn kng d mgka sinabot dalon na ang report sa LTO sa investigation unit nya adto na ang verdict...

wla koy sure anang hotline kay wla ko kasuway anang tawag tawag pa noon. ma timingan man nga naay traffc enfrcer sa locatn nga nabangaan gud

[treskwatrosingko]

Have had experienced this(resulta=tabla). Marso nahitabo diha sa may Espina Village Dalan B Rodriguez.
gapadung ko uli ato(from b rodriguez going to v rama) alas singko sa hapon nya medyo trapik na pud ang akong kasugat kay taxi gikan espina village pagawas left turn going to fuente osmena. tapos, bang!.. akong motor pasok ilawom sa taxi, maayo gani naka full gear ko ato(full face helmet, jacket ug gloves) kay nanudnud pud akong nawong sa bumper.Helmet cracked tapos sadsad akong gloves sa dan, akong motor damage ang katunga from bangko going front, hiwi pa ang fork (magine the impact). ako, tindog diretso and was in a state of shock for several minutes. nangduol ang mga tawo nako ug gisusi ko kung ok ra ko. hubo ko sa helmet which had a crack na that time and I said "yes" ok ra ko (pero kahilakon ko sa akong motor kay 3 months pa lang). tan-aw ko sa driver wala mugawas sa taxi which is nahibung ko. i then realized daghan na kaayo tawo ningduol nako, basin nahadlok siguro to mugawas ug basin makulatahan. ug tungod kay ting-uli man pud tong orasa, nakatawag dayon mi ug traffic officer,2 sila ningduol og nag investigate. I also called kada tawo na pwede makatabang nako para kuyugan ko ug luckily, nakaagi akong amigo sa site, niadto pud akong usa ka friend na taga a.lopez ra para kuyugan ko. ang mga mangagi sige ug pangutana kung ok ra ba ko kay guba gyud kaayo akong motor, ok ra gyud ko ato(diha pa nako na feel ang panakit sa akong mga kamot pagka ugma na.maygani ang xray kay ok ra ang result) diretso mi sa citom office tapos investigate, akong motor kay wala naman gyud mahitsura maong gi sakay nalang sa ilang tow truck. naa pu'y nangapas duha nako ka friends pag abot na sa citom office. pag imbestigar gahi kaayo ang taxi driver, iyang palusot nilapas daw ko sa yellow lane which is wala man gyud sa sketch nilapas kay alangan man pud ug dili na nadaro akong motor ug napasok sa ilawom. since parehas ming dili mu concede ug ako pung nabantayan ang investigating officer dili pabor namong duha, ug sakto ko kay iyang resolusyon magkiha-ay nalang mi. kita ba gung pobre, ug kasabot pud ko unsa'y madangatan kung magkiha-ay kay gasto sa kwarta, oras, ug pasensiya mao tong nagkasabot nalang mi. Quits ming duha, okay ra pud nako total wala man ko maunsa tapos pwede raman maayo akong motor, ug mao to ang akong na experience.

mga kinahanglang buhaton(kung ikaw nabanggaan o ikaw ang nakabangga)
1. kung nahitabo ang bangga o engkwentro, check gyud sa lugar pirme(parehas sa gibuhat sa taxi driver, wala siya mugawas sa taxi kay basin unya'g makulatahan siya'g wala'y igong hinungdan..kani rabang mga tawo usahay bira diretso usa mangutana unsay nahitabo).
2. check sa imong kaugalingon kung ok ra ba ka ug check sa imong kabangga kung ok pud siya ug unsang klase na tawo(kay magdepende diha inyong sabot unya)
3. kung ok ra mong duha, ayaw gyud ug lihoka ang isig ka sakyanan ug ayaw pud pasagdi-i ilihok sa kabangga iyang sakyanan kay vital na sa investigation.
4. Keep your COOL always.
5. call your family or friends. its always better to have someone who can accompany you during the investigation.
6. sa investigation, kalma lang gyud ug ayaw usba-usba ang imong statements(kana kung dili gyud imong sala ) ug sa tan-aw nimo mahusay ra, husaya nalang kay sa magasto-gasto ka pa ug kiha(kung naa ka backer ug kwarta na hala kiha)
7. uli sa inyo ug pa check up sa imong kalawasan kung naa kay gipamati na sakit.

mao ra na akong matampo. kung naa mo madungag, palihug ug share pud sa inyong experience. Kadtong nakasuway na ug bangga maoy pinakanindot mu share kay lahi lahi ra ba gyud ta ug sitwasyon kada engkwentro.

Palihug, kadtong naay number sa traffic division/CITOM please post pud diri kay dako nang tabang natong mga naay sakyanan. Salamat.