Balak ko, Padayonon Mo

[mejie]

---

siga ang kalimotaw
kay sa akong paglantaw
wa namay tawo
pagka mingaw......

asa nmn mo
mga istoryan nga kamao
post na intawn mo
kay nindot ni pakutaw sa ulo.......

[frozenarrow82]

ulo wala na bay unod,
wala na may nisunod,
ania na ba ta sa atong tapos,
nanimaho na mang sapatos

wala na bay ikasumpay,
mga higala kong gila-ay,
storya nga lingaw og lagpas
wala na ba kamoy ikaapas

[frozenarrow82]

aron ako may ipakutaw,
sa huna-huna tang gilangaw.
adunay koy pangutana
bahin sa gusto mong maasawa og bana.

asa mas maayo, kuarta daghan kaayo
apan batasan way ayo, itom pa sa lubot sa kaldero.
o ang pobre ba kaha, langit gusto mokuha,
di makatulo og luha, tanaw mo asa kaha?

[mejie]

ang kaha nawala
gikawat wa na makita
tag iya wa na mangita
kay naa paman syay kawa

ang uban nga hilig ug balak
dalikyat gamay bisan ge hubak
kay ang ato lang kalingawan
bahalg magsakit ang tyan.........

[frozenarrow82]

giunsa kaha ang kaha, ngano mang nawala?
gipatimbang siguro, sa tawong makasasala.
ngano kaha mejie amigo, wala may makabalak pareha nimo
mura kag akong lolo, hilig og balak nabantayan ko

iring nga walay puangod, gikaon among sudang pagod ,
gakurog akong tuhod, kay tiyan wala pay sulod.
giapas ko kini, apan wala ko gid hisakpi.
sa sunod niyang pag-ari, akong kasuko bantayi

[Siobhan]

mga higala ako naaghat sa pag post ug balak
utok ko mura nag matagak
mga pulong binisaya ako naghunahuna
para lang mamugna kining balak binisaya

sa kasuko amigo, ayaw palabi
iring mong walay puangod ayaw puspusi
sa gas imong iring daobi
ug kalagot nimo hikalimti

[freudz]

hikalimti ayaw...
kaligot-got nga miapaw...
sa dughan nga nag-antos..
mitikig wala masantos..

sa kabakaba ako nagsud-ong..
unya dayong pamalandong...
alindanga'g singot mga mainit...
sa bugan mo nagpilit...

[gcc4426]

ka lawom pud ani, d ta kasawm da.

[cheeeryl]

'noy freudz, apan Pasko naman sa sunod bulan
busa hikalimtan na unta tanan
kaligot-got sa dughan, kasuko sa silingan
ilisdan nalang kaha nig pagpasaylo pakapinan pa'g inun-onan?

[freudz]

inun-unan kong tamarong...
sa maignot nga pukot mipasilong...
sa mabugnaw nga lawod nag ibid-ibid..
ug sa mahait nga taga naniid..

taga kong duha'y sima...
sa nagbudlot nga simod mupana...
sa tamarong magpa-uraray...
inun-unang lami - di ka magmahay...