::Mga Kaigsu-onan.....dinhi ta MAg Binisaya og lawom...

[pinoy_09]

---

Pagka nindot ani nga hilo, ug pagka lalum ba gayud sa imong binisaya, abai yanung. Ako nasuya sa kalalum sa bukabularyo nga imong nakat-unan ni'ng atong pinalanggang pulong nga binisaya. Ako dili pa makahimamat sa tumang pagka eksperto ning maong pulong, apan sulayan lang nako. Pasaylo-a ko ninyo mga igsuon kon naa'y kasaypanan kay gamiting pa ang akong nahibalo-an kung lalum nga pinulungang binisaya na ang istoryahan.

[yanong_banikanhon]

Padayon lang sa paglabyog, bay pinoy. Pagbansay-bansay man lang ning atoa diri. Aron dili kutkuton sa taya ang atong nahibaloan bahin sa atong pinulongan. Dili kaayo mahinungdanon kun kapila ta masayop. Ang importante nakasulti ta'g binisaya.

[cliff_drew]

^ Ang kalalum sa binisaya ni bai yanong nagpaila kana sa iyang ... kahibalo namo

Kanang gamiting nimo nga nahibaloan pinoy, ipadayon kana. Ayaw panungbalinga nga ikaw masayop kay walay tawo nga perpekto (si yasay ra) ning pinulongang bisaya.

[yanong_banikanhon]

^^ Hahaha, bay cliff, nanghinaut ko nga dili kapulong (synonym) sa edad ang aktwal nga mga letra anang imong gituldok2x.

[pinoy_09]

Uyon gayud ako sa inyong mga pulong, abai yanong ug abai cliff. Salamat kaninyong duha sa pagbalos ug tubag. Kining atong pinalanggan hilo nga gigama ni abai jugs_06 makatabang gayud sa paghanas o pagbansay-bansay sa pulong nga atong gidak-an.

[cliff_drew]

Wala ko nagtumong ug unsa bai yanong, ikaw ra mismo ang nag sulti ana. Hahaha.

[Devian]

kung unsa na, hala i-sugid ninyo diri.

[behemothharr]

mao ba kini ang sangtwaryo sa mga lawom nga binisaya dinhi sa istorya.net?ato kining ituboy (up) matag adlaw nga tanan kansang kaugalingong pinulungan angay ipadayag nganhi.

[Soul Doctor]

Hikalimti-ayaw ang mga napan-os natong kagahapon.
Bukiki-a makausa ang mga babag sa atong gugma
Aron imong mabatyagan ug maaninag kung unsa katim-os
ang mga pagbati nga gisaw-an ta sa una.
Apan ayaw bilikata ang mga samad sa akong dughan.

Samad nga nahiagoman sa imong padbudhi kanako.

[JODECS]

hehehe.. nindot ni dah....

Ako si JODECS hingkud ang panuigon
lumulupyo sa Bugnay dos ni.ining dakbayan... hehehe