Grabeha sa Bohol... Gilinug na ganeh, pahimuslan japon...
P100 ang litro sa gasolina
3
-AA+A
Ni Philip A. Cerojano
Friday, October 18, 2013
NISAKA ngadto sa P100 ang matag litro sa gasolina sa duha ka mga lungsod sa lalawigan sa Bohol nga apektado kaayo sa linog niadtong Oktubre 15.
Dinhi sa Sugbo, mapalit ang gasolina og P50 matag litro.
Ang mga taytayan sa Maribojoc ug Loon naguba sa linog hinungdan nga isolated ang mao nga mga dapit.
Gawas sa nag-unang mga palaliton nga nagnihit kaayo, ang supply sa gasoline naapektuhan usab hinungdan sa pagdoble sa presyo.
Kini ang gibutyag ni Eric Mesina, nia na nagpuyo sa dakbayan sa Sugbo apan nipauli sa ilang lungsod sa Loon aron susihon ang iyang pamilya.
Gibutyag ni Mesina nga gumikan sa pagnihit sa supply sa gasolina sa Maribojoc ug Loon, niabot ang presyo og P100 matag litro.
Nasinati usab kini sa ubang mga dapit sa Bohol nga apektado gihapon kaayo sa linog.
Ang Island City Mall sa dakbayan sa Tagbilaran sirado apan abli ang grocery section sa Bohol Quality.
Nahibalik na ang linya sa kuryente ug tubig sa Loon apan di siya siguro kon mainom na ba ang tubig.
Ang mga sakop Metro Manila Development Authority (MMDA) rescue team nipahigayon og retrieval alang sa tulo ngadto sa lima ka mga tawo nga natabunan sa simbahan sa Loon.
Dugang ni Mesina nga kinahanglan pang mo-plete og tag P10 matag tawo ug P150 matag motorsiklo aron makatabok sa Abatan river nga adunay 30 metros ang gilay-on sanglit nahugno ang Abatan bridge, aron makaabot sa lungsod sa Maribojoc.
Ang highway sa Maribojoc maoy grabeng naapektuhan apan iyang gibutyag nga makaagi gihapon ang mga drayber sa motorsiklo pan maglisod pag-agi ang mga four-wheeled vehicle.
Naguba usab ang Tultugan bridge sa Calape, Bohol diin ang mga motorsiklo ug tricycle lang ang ma*kalabang sa lugar.
Nadanyos usab ang highway paingon sa Tubigon gikan sa Calape apan makaagi ra ang tanang klase sa sakyanan.
Gipahibawo ni Mesina nga nakaabot na ang Depart*ment of Social Welfare and Development (DSWD) dala ang relief goods apan di paigo sa kadag*han sa mga residente.
Matod niya nga ang mga tawo wa pa hingpit nibalik sa ilang mga balay ug nangatulog sa espasyo sa simbahan, eskwelahan ug ang pipila naa daplin sa karsada.
P100 ang litro sa gasolina | Sun.Star
Originally Posted by vahnhelsing
Posting Permissions
