Page 1032 of 1516 FirstFirst ... 102210291030103110321033103410351042 ... LastLast
Results 10,311 to 10,320 of 15157
  1. #10311

    Default Re: Cebu local news (daily update)


    Negosyante buot mopasuspenso sa 4 polis

    CEBU, Philippines - Negosyanteng mireklamo batok sa upat ka polis sa lungsod sa Alcoy mihangyo sa Office of the Ombudsman-Visayas nga dalion ang pagpasuspenso kanila tungod sa gibutyag sa iyang testigo.

    Si Jose Earl Plando, negosyante og kanding ug molupyo sa nahisgutang lungsod misumiter sa supplementary affidavit sa iyang gihulagway nga vital witness nga si Edward Abanilla kalabot sa insidente nga nahitabo niadtong Oktubre 6.

    Sumala pa sa affidavit nga gisumiter ni Abanilla gipugos siya sa maong upat ka polis aron pasanginlan si Plando nga maoy nangawat og kanding sa usa ka Luz Jackson.

    Matud pa niini nga silang duha maoy nagkuyog ni Plando dihang giimbitar ang naulahi sa mga polis diha sa maong presinto ug gibuwag sila og interogar apan dihang siya na maoy gisukit-sukit gibati siya og kahadlok tungod sa pagpanghulga kaniya kung dili niya itudlo si Plando nga maoy mikuha sa kanding.

    Si Plando una nang misumbong sa Ombudsman nga napugos siya og bayad sa kanding nga P12 mil bisan wala siya mangawat niini tungod sa pagpanghulga kaniya sa maong mga polis. Si Plando nakatulog sa prisuhan nianang gabhiuna.

    Si PO2 Raniel Cartin nga usa sa sinumbong nahinabi sa Banat News mihimakak sa maong pasangil nga namugos sila ni Abanilla ug kini mapamatud-an sa kagawad sa barangay nga si Plando ug Abanilla maoy mikawat sa kanding.

    Giklaro sad niyang walay nahitabong illegal detention tungod kay aduna may saksi nga nagtudlo sa duha nga maoy responsable sa pagpangawat ug ilaha kining giaksyonan human moreklamo si Luz Jackson.

    Samtang ang hepe sa kapolisan sa lungsod sa Alcoy Insp. Reyco Romagnera nga nahinabi sa Banat News nakugang sa reklamo ni Plando kay wala kini moagi kaniya.

    Sumala pa niya nga siya mismo kung giduol lang ni Plando mahimo nang mopaubos sa imbestigasyon batok sa maong upat ka polis. Hinuon tungod niini mopahigayon og imbestigasyon si Romagnera sa maong mga polis. - BANAT NEWS

  2. #10312

    Default Re: Cebu local news (daily update)

    P100 mil nga limos gikawat

    CEBU, Philippines - Dobleng kaguol ang gibati sa pamilya gawas nga namatyan gikawatan pa gyud sila sa limos nga usa ka gatus ka libo ka pesos diha sa ilang balay sa barangay Poblacion sa lungsod sa Argao niadtong Miyerkules sa alas 10:00 sa buntag.

    Midangop ug nagpa-blotter sa kapulisan si Lucila Montañez, 64, taga Lamakan, Argao ug kabanay sa namatay nga si Rogelio Veloso Sr,. Usa sa mga mitambong sa haya ang ilang gitumbok nga mikawat sa maong salapi nga taga barangay Tulic, Argao.

    Matud ni SPO1 Arnold Abenir, imbestigador sa Argao Police Station dihang nahinabi sa Banat News ang limos gikan sa kompanyang gitrabahoan sa anak nga babaye sa namatay.

    Sumala pa nga ang 8-anyos nga bata maoy gitunolan sa sobreng gisudlan sa limos ug gipamalihog niini paghatud sa taas apan wala magtagad ang bata ug gibutang lang sa bangko ang sobre.

    Tungod sa kadaghan sa mga tawo kay adlaw kadto sa paglubong sa ilang minatay uwahi na nilang nahinumdoman ang maong sobre apan dihang ilang gisubay wala na kini sa bata.

    Ang usa sa ilang bisita nga ilang gidudahang maoy mikuha niini tungod kay kalit kining nawagtang. Ang suspek dihang giimbitar sa kapolisan gibuhian gihapon tungod kay walay makatumbok sa testigong siya gyud ang mikuha sa kwarta. - BANAT NEWS

  3. #10313

    Default Re: Cebu local news (daily update)

    M Lhuillier 'mitagam'

    CEBU, Philippines - Mitagam na ang M Lhuillier management sa sunod-sunod nga pagpanulis sa ilang mga opisyal ug kawani nga modala og alahas dinhi sa Sugbu hinungdan nga buot na kini mopa-escort sa kapolisan sa Lapulapu.

    Matud pa ni Lapulapu City Police Office Director Sr. Supt. Anthony Obenza ang Security Officer (dili magpaila) sa M Lhuillier personal nga nakigkita kaniya ug mipadayag nga buot na silang magpa-escort sa mga pulis sa Lapulapu kung dunay mga opisyal o kawani nilang maghatud og mga alahas dinhi sa Sugbu agi sa tugpahanan sa Mactan Cebu International Airport.

    Apan giklaro sa maong security officer nga dili sila mohatag og pasiunang impormasyon kun kanus-a kini moabot dinhi. Buot nila kung moabot na sila dinhi sa Sugbu una pa sila motawag og polis.

    Si Obenza nanghinaot nga tinud-anay na kini nga pakig-alayon sa ML ngadto kanila alang sa ilang siguredad.

    Gipadayag ni Obenza ang iyang kasagmuyo sa ML gumikan sa milabay’ng pagpanulis niadtong Abril 5 ning tuiga daan na silang nagsabot nga mohatag ang kapulisan sa Lapulapu og escort kun adunay magdala og mga alahas apan wala kini tumana sa management.

    Nausban kini pipila ka semana na ang nakalabay nga miresulta na usab sa pagkatulis sa minilyong kantidad sa mga alahas human sa pag-abot sa mga opisyales sa ML.

    Giklaro hinuon ni Obenza nga kutob lang sa area sa dakbayan sa Lapulapu ang paghatag nila og escort sa ML ug miawhag kanilang makig-alayon sa ubang police units nga agian sa ilang mga kawani nga maghatud sa mga alahas aron mabantayan sila og maayo. - BANAT NEWS

  4. #10314

    Default Re: Cebu local news (daily update)

    Gatas ngadto sa kalamposan

    CEBU, Philippines - Tungod sa problema sa malnutrisyon ilabi na sa kabataan sa atong nasud gilusad ang Laki sa Gatas campaign sa usa ka kompanyang tiggama og gatas nga gisuportahan ni Miss Universe 4th Runner up Venus Raj kagahapon diha sa Lahug Elementary School ning dakbayan kagahapon.

    Si Raj mipasabot kung unsa ka mahinungdanon ang sustansyadong pagkaon alang sa kabataan ug kung unsa kadako ang papel sa maayong panglawas sa kalamposan sa kabataan sa ilang mga pangandoy pinaagi sa edukasyon.

    Si Raj kinsa nagagikan sa probinsya sa Camarines Sur miingon nga dili babag sa kakabus aron di mahatag ang pangandoy sa kabataan ug ang edukasyon maoy taytayan aron makab-ot kini. Sumala pa niya nga ang hustong edukasyon usa sa mga solusyon alang sa pagtubag sa malnutrisyon sa nasud.

    Ang maong kampanya nga gipasiugdahan sa Nestle Philippines nagtudlo usab sa mga ginikanang ubos kaayo ang panalapi kung unsaon paghatag sa ilang mga anak sa saktong pagkaon ug gatas alang sa himsog nga panglawas. Giawhag sa maong kampanya ang mga ginikanan nga batasanon ang pagpainom og gatas sa ilang mga anak. - BANAT NEWS

  5. #10315

    Default Re: Cebu local news (daily update)

    Skydiver naugbok

    CEBU, Philippines - Patay ang usa ka skydiver nga Sugbuanon ug tinun-an sa medisina human kini maugbok gikan pag-ambak sa abyon atol sa ilang skydiving session niadtong milabay’ng adlaw diha sa barangay Airport sa syudad sa Ormoc.

    Ang biktima giila ni Insp. Virgilio Bayon-on mao si Louie Raymund Pescaño, 24, usa ka tinun-an sa Medisina sa University of Santo Tomas ug molupyo sa Victor Village sa barangay Tisa ning dakbayan.

    Sa pakighinabi sa Banat News kang Bayon-on, ang hepe sa kapolisan sa Station 3 sa Ormoc City sakop sa Cebu Sky Diving Club si Pescaño.

    Sa nakuha nga impormasyon sa kapolisan nga ang biktima sakay sa usa ka Cessna plane nga gipilotohan ni Capt. Joseph Brent Chiong ug uban sa biktima ang skydiving instructor nga si Garry Soria ug usa ka laing wala mailhing skydiver. Matud pa ni Bayon-on nga sa dihang mi-ambak na ang biktima giingong mituyok-tuyok na kini hangtud sa ubos.

    Wala pa hinuon matino kung dunay deperensya ang parachute o kasaypanan ba sa instructor o ba kaha ni Pescaño ang aksidente.

    Sumala pa nga naugbok og maayo ang biktima sa kahumayan nga nag-una ang sampot. Daling gidala ang biktima sa Ormoc Sugar Planters Association Hospital (OSPAH) apan giingong dead on arrival na kini tungod sa nahiagumang mga bali sa lawas.

    Hinuon aduna pay imbestigasyon nga gihimo ang kapolisan kabahin sa aksidente. Dugang pa ni Bayon-on nga ang amahan sa biktima nga kanhi usab retiradong heneral nga si Orlando giingong mopasaka og kaso sa mga responsable sa nahitabo sa iyang anak. (EIM)

  6. #10316

    Default Re: Cebu local news (daily update)

    Jailguards CPDRC imbestigahon

    CEBU, Philippines - Giimbestigar sa Provincial Detention and Rehabilitation Center (CPDRC) ang mga blueguards ug jailguards tungod sa pag-eskapo sa usa nila ka piniriso nga si Renante ‘Bolatik’ dela Rosa sa miaging gabii.

    Si Deputy Jail Warden, Pepito Reynaldo mibutyag nga diha milusot sa kusina si dela Rosa butang nga gikahibulong sa mga opisyal tungod kay daghang agian may gwardiya ang maong binilanggo.

    Mibutyag usab si Reynaldo nga ila usab nga susihon ang ilang buhatan ug kun wala ba kini magkulang sa seguridad nga mao unya ang hinungdan sa pagkaeskapo ni dela Rosa.

    Sa miaging gabii nautingkay ang mga gwardiya sa CPDRC human nila masuta sa ‘bilang’(ihap) nga kulangan og usa ka binilanggo ug nasuta nga si De la Rosa nakaeskapo na diay. Ang mga awtoridad padayon karong nangita sa maong bilanggo samtang gipaabot nga adunay manubag sa mga jailguards sa maong insidente.

    Si Dela Rosa may kasong murder ug nasulod sa CPDRC niadtong bulan sa Pebrero sa tuig 2009. (BANATNEWS)

  7. #10317

    Default Re: Cebu local news (daily update)

    Balay sa mga Ponce gibendisyunan na

    HUMAN gikataho nga dunay mga kalag nga nagpakita ug nagparamdam sa mga silingan ug mga tanod ug pulis nga nagbantay sa panimay sa mga Ponce, mga tinugyanan sa simbahang Katoliko mibendisyon sa maong balay diin mahitabo ang masaker niadtong Dominggo sa buntag sa Palm View Village sa Barangay Tabunok, dakbayan sa Talisay.

    Matod ni Roselli Redula, ig-agaw ni Emmanuel Ponce nga ilang gipabendisyonan ang balay gumikan kay didto mahitabo ang masaker ug para mahiluna ang mga kalag sa mga nangamatay.Kagahapon pasado alas 11 sa buntag, gihimo ang gitawag og house deliverance sa balay sa mga Ponce ni Fr. Roy Cabradilla sa Mary’s Little Children Community sa Tabunok.

    Unang gihimo sa pari ang pagpakumpisal sa mga kabanay sa isig ka pamilya nga didto sa maong balay, lakip na ang kinamanghuran nga anak nila ni Emmanuel ug Melinda nga si Embrelaince nga nagsul-ob og hoodie nga blue.

    Gisunod ang rosaryo dayon ang pagbindita sa sud ug gawas sa balay, lakip na ang duha ka mga sakyanan nga gipanag-iya sa pamilyang Ponce.

    Human sa bendisyon, mibiya na ang 13-anyos nga dalagita nga maoy bugtong survivor sa masaker kauban ang taga Department of Social Welfare and Development.

    Si Fr. Cabradilla nipasabot nga mahinungdanon ang deliverance kay mao kini ang paagi nga magwagtang sa mga sala sa tawo nga maoy babag sa relasyon sa Ginuo.

    “Kay kana gani ang deliverance, dili gani ma-cast out ang mga evil nato, ang dili mga mayo, ang mga sins, babag man na siya sa atong relasyon sa Ginuo.” matod sa pari dihang nahinabi sa mga tigbalita.

    Apil sa house deliverance ang pagsunog sa mga cross-stitch ug ubang hulagway sama sa elepante nga gi-framed sud sa balay sa mga Ponce.

    Tinugyanan sa simbahan nipasabot nga kinahanglan nga sunogon og apil ang mga framed pictures kay posibleng gamiton kini sa dautang mga espiritu isip entry point.

    Si Fr. Cabradilla di nuon motuo nga dunay naglaag-laag o naglatagaw nga mga kalag sa balay sa mga Ponce.

    “There are no wandering spirits. There are no wandering souls. God who is love. God who is mercy. Dili siya motugot nga ang mga kalag magsuroy-suroy….Kanang mga wandering spirits, dili na siya mga kalag… mostly mosakay ang panuway niana.” dugang sa pari.

    Ang banayng Ponce mapasalamaton sa mga silingan nga miduyog sa ilang kaguol ug pagbangutan sa kamatayon sa ilang mga minahal sa kinabuhi.

    Nagpasalamat usab sila sa kapulisan ug mga tanod sa Brgy. Tabunok nga mibantay sa balay sa mga Ponce sud sa lima ka adlaw human sa masaker.

    Gipatik sa mantalaang SuperBalita Cebu Oktubre 22, 2011.

  8. #10318

    Default Re: Cebu local news (daily update)

    Napusilan sa sikyu kritikal

    ANAA karon sa kritikal nga kahimtang ang usa ka lalake nga aksidenting napusilan sa usa ka security guard sa usa ka factory sa lungsod sa Minglanilla.

    Ang anaa karon sa South General Hospital giila nga si Bryan Gabinete, taga barangay South Poblacion, siyudad sa Naga, usa ka forklift operator sa Islander Footwear nga nahimutang sa barangay Tungkop, Minglanilla.Samtang ang gikatahapan giilang mao si security guard Allan Rey Allegado, 19, ulitawo, guwardya sa kompaniya ug sakop sa Centurion Security Agency, taga barangay Guadalupe, siyudad sa Carcar.

    Si SPO1 Romeo Barte nga nahinabi sa DYRC nibutyag nga pasado alas 2 niadtong Huwebes nahitabo ang aksidenti sa luyong bahin sa kompaniya.

    Samtang nag-operate ang biktima sa forklift, ang security guard didto sa iyang poste ug giingong naglimpyo sa iyang .38 kalibre revolver ginamit ang iyang necktie apan aksidente kining nibuto.

    Si Gabinete naigo sa iyang ulo ug gikatahong anaa na sa kritikal nga kahimtang dihang gidala sa tambalanan.

    Hinuon ang guwardiya bulontaryong nitahan ug gikatakda na kining pasakaan og kaso.

    Apan matod ni SPO1 Barte nga ila pang susihon kon tinuod ba ang gisulti sa guwardya kon wa ba kini magduwa sa iyang armas hinungdan sa pagbuto.

    Gipatik sa mantalaang SuperBalita Cebu Oktubre 22, 2011.

  9. #10319

    Default Re: Cebu local news (daily update)

    Emmanuel ilubong; pamilya ibiyahe

    ILUBONG na karong ala 1 sa hapon ang amahan nga niunay pagmasaker sa iyang asawa, tulo ka mga anak ug katabang sud sa ilang panimay niadtong Dominggo sa buntag sa Palm View Village sa Barangay Tabunok, siyudad sa Talisay.

    Si Paul Redula, pag-umangkon ni Emmanuel Ponce niasoy nga ang misa requiem himuon sa St. Joseph the Patriarch church sa Barangay Mabolo, dakbayan sa Sugbo sa alas 12 sa udto sa dili pa ihatod sa iyang katapusang kapahulayan ang iyang uyo-an sa Queen City Memorial Garden ning siyudad.Unang gikanaug ang lawas ni Emmanuel sa St. Peter Chapels sa Imus Road ning dakbayan human sa katapusang misa kagabii ug gibalhin og haya sa kapilya sa Mabolo diin nagpuyo ang kadaghanan sa iyang mga kabanay.

    Si Redula niingon nga dad-on na karong adlawa ang lawas sa inahan nga si Melinda, 53 ug ang tulo ka mga anak nila ni Emmanuel nga sila si Elaine Grace, 26, Heather Joy, 24 ug Emlin Bridge, 18, paingon sa Sorsogon.

    Matod niya alas 4 sa kaadlawon sakay sa Cebu Pacific, dad-on ang mga lawas sa Manila ug laing flight ang maghatod nila sa Legaspi ug laing usa ka oras nga biyahe ang himuon sa dili pa moabot sa Sorsogon, ang yutang natawhan ni Melinda.

    Gipatik sa mantalaang SuperBalita Cebu Oktubre 22, 2011.

  10. #10320

    Default Re: Cebu local news (daily update)

    Piniriso sa CPDRC wa pa madakpi

    GISUSI na sa mga tinugyanan sa balaod ang mga dapit nga posibleng katago-an sa usa ka piniriso sa Cebu Provincial Detention and Rehabilitation Center sa Barangay Kalunasan sa dakbayan sa Sugbo nga nakapuga niadtong Huwebes sa gabii.

    Matod ni Capitol Consultant on security matters Cesar Veloso nga nagpadala na sila og team sa mga lugar diin posibleng magtago-tago si Renante de la Rosa alyas Bolatik.Apil sa ilang gisusi ang mga dapit sa siyudad sa Mandaue human sila nakadawat og impormasyon nga dunay mga paryente nagpuyo sa maong lugar ang maong piniriso.

    Sa pasiunang imbestigasyon sa mga tinugyanan sa CPDRC, gikan sa quadrangle ang piniriso ug niagi sa kusina sa wala pa nikatkat sa luyo nga gate dayon layat sa taas nga paril paggawas sa prisohan.

    Nadiskobrihan sa mga jail guards ang pagkawagtang ni de la Rosa dihang gihimo na ang head count pasado alas 6 sa miaging gabii.

    Si Veloso nibutyag nga ilang imbestigahan ang mga jail guards nga duty niadtong higayona ug tan-awon kon kinsay angay nga manubag kon nganong way nagbantay nila sa back gate.

    Si alyas Bolatik sinaligan nga inmate sa Brigada 50 sa CPDRC.

    Gipatik sa mantalaang SuperBalita Cebu Oktubre 22, 2011.

  11.    Advertisement

Similar Threads

 
  1. Cebu local news Thread
    By istoryamember in forum Support Center
    Replies: 11
    Last Post: 10-18-2011, 05:58 AM
  2. free.. cebu local bands mp3 !
    By ChiNo_mOReNo in forum Music & Radio
    Replies: 51
    Last Post: 06-26-2011, 12:15 AM
  3. Replies: 295
    Last Post: 06-01-2010, 06:50 PM
  4. BFW Lan Parties: News and Updates!
    By dbgg1979 in forum Software & Games (Old)
    Replies: 424
    Last Post: 11-07-2009, 11:13 PM
  5. Nokia 6681 and 6230i (updated local news)
    By markyap in forum Gizmos & Gadgets (Old)
    Replies: 7
    Last Post: 11-01-2007, 04:21 PM

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
about us
We are the first Cebu Online Media.

iSTORYA.NET is Cebu's Biggest, Southern Philippines' Most Active, and the Philippines' Strongest Online Community!
follow us
#top