Cebu local news (daily update)

[marqi_20]

---

She learned about deaths on the Internet 10/18/2011



NOBODY had the heart to tell Embrelaince Therjoy Ponce that her parents and siblings were already dead.

She learned about it on the Internet almost eight hours after the shootings.

Yolanda Daan, the neighbor who comforted her immediately after the 13-year-old girl ran out of the house as gunshots were fired past 8 a.m., said the girl was not told immediately to keep her calm.

They just told her doctors were working to treat the gunshot victims at the hospital.

At the house of Thelma Billones, her father's cousin, where she was sheltered on Sunday, she was able to sleep at noon. At 4 p.m. , she woke up and turned on the computer.

“She was shouting when she read on the Internet that her parents and siblings were all dead,” Daan recalled.

Several theories are being looked into as the cause of the domestic violence.

SP01 Mikie Espina, Talisay investigator, said police are looking into a possible nervous breakdown by the father, Emmanuel, who shot his family members and their housekeeper. The shots were mostly aimed at the head.

But after police interviewed the aunt, they also are considering financial pressures and marital disputes.

Barangay councilor Joy Sabejon said the married couple were family friends, who were sweet and loving, until Emmanuel was forced to retire early as an overseas seaman after an accident 10 years ago where he injured his head.

“Melinda would confide in us because she was close to my mother. She admitted that Emmanuel would physically harm her but she was happy that her children would rally behind her when this happens,” Sabejon said.

At the vigil wake, relatives poured in.

Siblings remember Melinda, the slain wife, as a jolly, helpful sister.

“Super helpful siya sa amin. She was a working student from high school till college. She helped us rise from the ‘rags.’ Jologs na siya nga type of person. Close kami lahat sa family nya. Nagtutulungan kami” (She was helpful to us and a jolly person. We were all close to her family. We would help each other),” said Melinda's younger sister Yayo Dio, 36, who arrived from Manila with two other sisters.

They were 10 in the family and hail from Sorsogon, Bicol region.

“Our parents already passed away. We just had our family reunion in Sorsogon last July,” said Dio.

An aunt Rosellei Redula said 13-year-old Ember would often be invited to stay with them for special occasions.

“For now, we will be her legal guardian. Whatever problem Melinda had, she'd tell them. We know she had a conflict with her husband but we've keep that to ourselves,” said Redula.

Ember's uncle, Paul Redula, 26, from Tabunok said the father was a good man.

“Di na siya kabuak ug baso. Kato lang pagkadisgrasya niya. Major damage jud to,” he said. (He couldn't even break a glass. But after that accident he had, he suffered major damage.)

House helper

Anastacia Deniega, the 34-year-old household helper, who was also killed will be brought to her hometown in San Carlos City, Negros Occidental, today.

She had worked for five years in the Ponce household.

Her husband, Ronald, a softdrinks and Gasul delivery man, was inconsolable.

He said he sensed trouble in the household and had told his wife to leave since he could support them on his salary.

The couple had been living together for five years but just got married in Talisay during a mass wedding in June. /Jhunnex Napallacan and Rhea Ruth V. Rosell, Correspondents

[marqi_20]

Karne dili ipakaon

CEBU, Philippines - Higpit nga gidili sa kagamhanan sa dakbayan sa Sugbo ang pagpamaligya og karne sa kadaplinan sa karsada.

Ang maong pasidaan gihimo ni Dr. Alice Utlang ang hepe sa Department of Veterinary Medicine and Fishery kinsa miingon nga ang mga vendor og karne nga anha moladlad sa ilang baligya sa daplin sa karsada migamit og mga kemikal sama sa aniyel, pormalin uban pang susama niini aron ihumol sa ilang baligyang karne sa tinguha nga magpabilin kining lab-as kanunay tan-awon.

Matud pa ni Utlang nga ang aniyel ug formalin ug bisan pa ang kemikal nga gigamit sa pagpaputi sa mga linabhan makasanta kini sa mga unod nga humolan gikan sa pagkalata ug pagkabaho.

Ang formalin maoy gigamit sa mga punerarya sa pagbalsamar sa mga tawong patay aron mapreserbar nila kini bisan pila pa ka tuig nga dili ikalubong kay dili man mabaho ug dili usab madugta.

Maoy hinungdan nga giawhag ni Utlang ang publiko sa paglikay pagpalit sa mga karne nga giladlad sa mga sidewalk kay delikado kaayo ang sakit sa lawas nga motakboy kanila gikan sa bahaw nga mga karne.

Kasagarang sakit nga masugamakan sa makakaon sa mga karne nga hinumolan sa aniyel, pormalin ug paputi sa linabhan ug uban pang kemikal mao ang kalit nga pagsakit sa tiyan, butod, kalibanga ug suka-suka uban ang pagpanglipong.

Kundili dayon madali sa doktor siguradong makabsan sa kinabuhi ang makakaon sa mga hinumolan sa maong mga kemikal.

Miingon si Utlang nga tin-aw kaayo ang balaod nga nahimutang sa market code, market authority ug bisan sa city health nga nagdili sa pagladlad og bisan unsang matang sa pagkaon sa mga sidewalk.

Kini tungod kay sa maong mga lugar mag-abot ang abog mugna sa patid sa tawo ug ligid sa mga sakyanan, makahilo nga aso sa tambutso sa mga sakyanan.

Mag tinuagsik nga laway ug singot, gikan sa katawhan nga mangluwa ug magkadusingot sa mga dapit publiko , mga langaw, hulmigas, ok-ok ug uban pang hugaw nga motapot sa mga baligyang pagkaon nga makadaot sa lawas.

Apan matud pa ni Utlang nga dili lamang mga baligyang karne ang gidili sa kadaplinan sa kadalan kundi bisan sa mga utanon ug isda ug mga prutas.

Kasagaran mga vendor og utanon, prutas ug isda migamit usab og mga formalin aniyel ug uban pang kemikal nga gigamit nila sa pangbalsamar sa ihumol nilang mga baligya aron lab-as kini kanunay sud-ongon sa katawhan. WC - (BANAT NEWS)

[marqi_20]

Rama ug kauban libre sa Spa

CEBU, Philippines - Giaprobahan na sa konseho sa siyudad sa Sugbo ang resolusyon nga magtugot sa pagpirma ni Mayor Michael Rama og kontrata sa Cebu Holiday Spa alang sa usa ka tuig nga merbership fee sa mga konsehal sa maong establisemento nga mokabat sa P360,000.

Ang maong kontrata nagsugod niadtong Mayo ug matapos sa susamang buwan sunod tuig.

Moabot sa 20 ka mga opisyales sa Siyudad sa Sugbo gikan sa mayor, bise mayor ug 18 ka mga konsehal sa amihanan ug habagatang distrito ang gitugotang makapahimus sa serbisyo sa maong spa center.

Matag usa kanila gastohan sa siyudad og P18,000 nga membership fee busa moabot ngadto sa P360,000 ang usa ka tuig nga kontrata.

Ang mga opisyales sa siyudad walay limitihan sa paggamit sa mga kahimanan sa nahisgutang centro nga naglangkob sa swimming pool, jogging track ug wall climbing facilities.

Mahimo usab silang makagamit sa “sauna shower”, body fat analysis, fitness testing ug uban pa.

Matagaan usab sila og diskuwento sa higayon nga magpa-masahe sila sa maong shop.

Matud pa sa mga hingtungdang konsehal nga gikinahanglan kaayo nila nga mag-ehersisyo kanunay ilabi na sa mga edaran aron nindot kaayo ang ilang pinsada sa pag-umol og mga plano alang sa kaayohan sa mga molupyo sa dakbayan sa Sugbo.

Gikinahanglan maatiman pag-ayo sa kagamhanan ang ilang lawas ug pangisip kay mao kini ang labing importante nga bahin nga gamiton nila sa pagtuman sa ilang katungdanan.

Dili usab bug-at ang maong gasto kay iya man sa mga magbubuhis ang gamitong kuwarta nga dili na kinahanglang itibhang ang ilang suweldo sa ilang trabaho sa city hall. Kay katungdanan sa gobyerno ang paghatag kanila sa panginahanglan aron magpabilin ang ilang kahimsog.. - (BANAT NEWS)

[marqi_20]

Konsehal mobiyahe sa California

CEBU, Philippines - Gitakda nga molarga ang pipila ka mga konsehal sa Siyudad sa Sugbo karong Nobiyembre 6 didto sa Amerika alang sa usa ka opisyal nga biyahe.

Sila si Konsehal Raul Alcoseba, Alvin Arcilla, Ronald Cuenco, Jose Daluz, Edgardo Labella , Richard Osmeña ug Augustus Pe Jr. gikatakdang mobisita sa Salinas City sa California, USA aron maniid sa ubang pamaagi sa gobyerno sa maong dapit nga mahimong i-apply dinhi sa Siyudad sa Sugbo.

Sister City sa Siyudad sa Sugbo ang Salinas, California busa naghinam-hinam na ang mayor sa maong dapit nga si Dennis Donohue sa pagduaw sa mga konsehal nga taga Sugbo.

Si Denohue mipadala og suwat kang Konsehal Osmeña ug mihangop kini sa gitakdang pagbisita sa mga konsehal ning dakbayan sa ilang dapit.

Matud pa niya nga usa kini ka timaan nga nagpabiling lig-on ang relasyon sa Siyudad sa Sugbo ug Salinas,California.

Giingong magpalig-on kini sa pagbinayloay og ideya sa tulin nga pagdumala sa kagamhanan.

Apan gawas niini labing makalaum ang kagamhanan sa dakbayan sa Sugbo nga pinaagi sa maayong relasyon niini ngadto sa maong lugar sa California , mouswag ang pamaagi sa panggobyerno dinhi pinaagi sa pagkopya sa ilang mga pamaagi didto.

Ang kagamhanan sa dakbayan sa Sugbo bukas sa pakighigala sa ubang mga dakbayan sa gawas sa nasud sa tuyo nga unsa may mga maayong proyekto didto nga mahimong kopyahon sa taga Sugbo sayon ra buhaton sa kagamhanan dinhi gumikan sa maayong koordinasyon sa duha ka kagamhanan.

[marqi_20]

Babayeng sikyu patay sa bangga

CEBU, Philippines - Patay ang usa ka babayeng gwardiya samtang naangol ang bana niini human ang ilang gisakyan nga motorsiklo nabanggaan sa usa ka taksi kagahapon sa kaadlawon diha sa El Bacayo dalan V. Rama sa barangay Guadalupe siyudad sa Sugbu.

Ang biktima giila sa kapulisan nga mao si Marjorie Sabal, 35, taga barangay Sapangdako samtang ang naangol mao ang iyang banang si Donald, 36, kinsa nalandig sa tambalanan gumikan sa pagkaangol.

Si Tito Miano, 28, minyo, taga Bayanihan Village sa barangay Basak-San Nicolas ning siyudad drayber sa Saint Claire Taxi nga nagtangag sa plakang GXP-324 anaa karun gitanggong sa detention cell sa Traffic Division.

Si Manuel Tagaan sa records section sa Traffic Division nga gikahinabi sa Banat News nagkanayon nga gihatud sa bana ang iyang asawa sakay sa ilang motorsiklo paingon sa trabahoan niini sa Lex Mark sa Ayala Business Park apan pag-abot sa maong lugar nadisgrasya.

Subay sa pasiunang imbestigasyon sa Traffic Division nga paingon moliko sa wala si Miano dihang nagkasugat sila sa motorsiklo sa mga biktima hinungdan sa ilang pagkabangga ug ang magtiayon nangalagpot apan giingong naligsan ang asawa sa maong taksi.

Ang magtiayong Sabal daling gitabang ug gihatud sa tambalanan apan ang asawa walay swerte kay nakabsan kini sa iyang kinabuhi.

Si Cris Aban sa SS7 Guardforce security agency nga diin masakop si Sabal mikumpirmar nga nakadawat sila og tawag gikan sa head guard sa gitrabahoan niini nga nagpahibalong nakalas si Sabal. Ug Lesley Caminade/EIM - (BANAT NEWS)

[marqi_20]

3 angol sa sunog sa Banilad

CEBU, Philippines - Tulo ang naangol samtang pito ka balay ang hingpit nga naugdaw ug duha ka partially burned nga balay atol sa pag-igo sa sunog sa Opone Compound, Maria Luisa Banilad ning dakbayan sa Sugbo kagahapon sa alas12:07 sa udto.

Ang mga naangol mao sila si Ronnie Colta, 39, nga napaso sa tuong bahin sa bukton, Gloria Opone, 87, nasamad sa walang tiil tungod sa sin nga nahagbong, ug si Amie Olita, 63, nga napaso sa tuong bukton.

Ang mga nakasaksi mibutyag nga nagsugod ang kalayo sa panimalay ni Marites Delloso nga giingong naglung-ag ug nabiyaan ang giluto.

Si Sr. Supt. Aderson Comar ang Cebu City Fire Marshall nagkanayon nga napawong dayon ang kalayo sulod lamang sa 12 ka minutos ug naisa ngadto sa 2nd alarm ang sunog.

Padayon pa ang imbestigasyon sa maong sunog nga midanyos og P90 mil.

[marqi_20]

ANDAR nagpatabang sa siyudad

CEBU, Philippines - Nagpatabang sa kagamhanan sa siyudad sa Sugbo ang Nagkahiusang Drivers Alang sa Reporma (Andar) aron matabangan ang mga drayber sa 21B nga jeepneys gikan sa Mandaue aron sila tugutang makasulod sa Ayala Center Cebu terminal.

Si Romeo Armamento, ang presidente sa Andar midangop sa City Hall aron magpatabang nga mahangyo ang mga tagdumala sa Ayala Center Cebu nga tugotang makaagi ang mga 21B jeepney sa terminal sa maong mall.

Matud pa niini nga sa pagkakaron wala sila tuguting makasulod sa maong terminal hinungdan nga dunay mga pasaherong gikan sa Mandaue nga dili nalang mamilite gumikan kay wala sila mahatud sa mall.

Hinuon kung dili gyud mahangyo ang maong mall mihangyo sila sa siyudad nga palahuson unta ang ilang rota sa Citilink Terminal.

Si Atty. Rafael Yap sa City Traffic Operations Management misaysay nga maglisod sila og himo og lakang kalabot sa problema sa mga jeepneys nga wala tuguting makasulod sa Ayala terminals sanglit usa kini ka pribadong establisamento.

Tun-an pa hinuon nila ang hangyong palahuson sila ngadto sa Citilink Terminal sanglit usa sa ilang gilantaw ang posibleng pagsaka sa volume sa sakyanan nga moagi sa siyudad kung pasudlan og dugang jeepney gikan sa laing dapit nga moresulta sa kahuot sa dagan sa trapiko. - (BANAT NEWS)

[marqi_20]

Usa ang patay sa panimalos

CEBU, Philippines - Gituhuang panimalos ang motibo sa pagdunggab patay sa usa ka 52-anyos nga lalaki sa sitio Gisi barangay Agus dakbayan sa Lapulapu sa milabay’ng udto.

Ang biktima mao si Teodoro Dano, 52, residente sa maong dapit samtang ang suspetsado mao si Amorino Hiyas, 38, nga silingan sa biktima.

Base sa imbestigasyon sa kapolisan nasuta nga midayo og inom si Dano sa ilang silingan apil na si Hiyas ug sa kadugayan nagkabingkil ang duha ug gidunggab ni Hiyas si Dano.

Si Dano nahiagum og tulo ka samad dinunggaban sa dughan, ilok ug sa tiyan ug patay na pagdala sa Mactan Doctors Hospital.

Nasuta sa kapolisan nga si Dano gipasanginlan ni Hiyas nga midunggab sa iyang igsuon sa milabay’ng mga adlaw hinungdan nga nagduda ang kapolisan nga mao kini ang motibo. Wala na maapsi si Hiyas sa mirespondeng mga polis.

[marqi_20]

Di 'Nervous breakdown'

CEBU, Philippines - Usa ka psychologist ang miingon nga posibleng wala mag ‘nervous breakdown’ ang suspek sa masaker nga si Emmanuel Ponce, 55, paghimo niini sa krimen sanglit nakahatag pa siya og kamandoan sa iyang 14-anyos nga anak aron kini pagawason.

Si Dr. Rene Obra, pangulo sa Don Vicente Sotto Memorial Medical Center for Behavorial Sciences nagkanayon nga si Emmanuel niadtong tungura naa gyud sa hustong panghuna-huna tungod kay nakahimo pa kini og hustong desisyon sama sa pagpagawas sa iyang kamanghurang anak.

Nagduda hinuon siya ang nahimong pabilo sa pagpatay niini mao ang ‘depression’ ug ang ‘rejection’ sa iyang pamilya kaniya sukad nga wala na siya tagda samtang wala na magtrabaho isip usa ka seaman.

“Bati ba kay mura og sa dihang seaman pa siya maayo kaayo iyang pamilya unya karon labay-labayan na lang siya,” matud pa ni Obra sa interbyu sa sibyaanang DyHP kagahapon.

Si Emmanuel, giingong bugtong anak sa iyang mga ginikanan mipusil sa iyang asawang si Melinda, 53; mga anak nga sila si Elaine Grace, 26, ug Heather Joy, 25 , ug Emlin, 18, sulod sa ilang balay sa Palm View Village, Barangay Tabunok, Talisay City. Lakip sa gipatay ang katabang nilang si Anastacion Deniega, 30.

Si Superintendent Rex Derilo, ang hepe sa Firearms Explosives Security Service Agency and Guards Supervisory (FESSAGS), nagkanayon nga lisensyado ang pistola ni Emmanuel nga gigamit sa krimen.

Si Obra nagkanayon nga kung atol sa pagkahitabo nakainom si Emmanuel posibleng mao kini nakapainit kaniya kay posibleng nag-delusional kini nianang mga tungura ug lisod pasabton.

Dugang pagduda ni Obra nga posibleng nakadugang usab ang pagbaton niini og armas aron mabuhat ang krimen maong dihang iyaha gyud silang napusilan, nakaamgo kining patay na ang iyang pamilya maong nagpusil nalang sad siya sa iyang kaugalingon.

Di makatuo

Samtang pulos dili makatuo sa gidangatan sa maong pamilya ang ilang mga kabanay nga nangabot kagahapon diha sa Saint Peters Funeral Homes sa Lorega-San Miguel sa dakbayan sa Sugbu.

Kagahapon, wala mosud-ong sa haya sa amahan ang 14-anyos nga survivor ug didto ra kini mitan-aw sa inahang si Melinda Ponce samtang giabagan ang bata sa mga iyaan sulod sa Saint Matthew Chapel sa Saint Peters Funeral Homes sa barangay Lorega San Miguel ning siyudad.

Ang bata giubanan usab sa mga social worker sa Department of Social Worker and Development (DSWD).

Si Merison Dela Cerna nga taga lungsod sa Badian ug ig-agaw sa suspek nga naghikog nga si Emmanuel Ponce nagkanayon nga layo ra kaayo ang posibilidad nga pinansyal ang hinungdan sa nahitabo ug na-shock sila sa nahitabo.

Gibutyag hinuon ni Dela Cerna nga sigun sa iyang nahibaw-an, gipasagdahan nalang ni Melinda ang iyang ig-agaw kun asa kini malipay sukad nga nadisgrasya kini sa barko nga gisakyan didto sa gawas sa nasud.

Matud niya nga kaniadto nag-away away ang magtiayon ug gani misangpot gyud sa pagpanapat sa iyang ig-agaw ngadto kang Melinda.

Asa ilubong?

Si Thelma Villones, laing ig-agaw sa pamilyang Ponce nagkanayon nga adto dad-on si Emmanuel sa balay sa ig-agaw niini diha sa Tabunok samtang ilang gikasabotan nga dad-on sa mga kabanay si Melinda ug ang mga anak didto sa Bicol apan ilang agdon ang desisyon sa 14-anyos nga bata.

Samtang usa ka opisyal barangay Tabunok nga suod nga higala ni Emmanuel nagkanayon sa mga tigbalita nga sukad nga wala na mosakay sa barko ang naulahi tungod sa pagkadisgrasya nahimo na kining seloso, daling masuko ug manapat sa asawa.

Kini usab ang gituohan sa maong opisyal sa hinungdan nganong dili na maayo ang relasyon sa mga anak ngadto sa suspek ilabi na tungod sa pagpanapat niini ngadto sa ilang inahan ug dihay higayon nga nasukmagan sa 18-anyos nga anak lalaki si Emmanuel. (Uban sa report nila ni Lesley Caminade ug Rey Pasaporte/EIM) (BANATNEWS)

[marqi_20]

2 patay sa bangga sa Danao

CEBU, Philippines - Duha ang namatay ug tulo ang talandugon ang kahimtang dihang ang motorsiklo nga ilang giluwanan nakigsungag sa multicab nga pasaheroan sa dalan national sa barangay Maslog, dakbayan sa Danao alas-4 pasado ang takna sa miaging kaadlawon.

Ang unang biktima nga namatay mao si Grace Cañete, taga sitio Malibato, barangay Tabok sa dakbayan sa Danao nga gideklarar sa mga doktor sa Danao District Hospital nga dead on arrival.

Namatay usab si Rocky Mahinay Lawas, 25, taga Tamyao sa lungsod sa Compostela nga drayber sa motorsiklo diha sa Vicente Sotto Memorial Medical Center sa dakbayan sa Sugbo.

Ang talandugon og kahimtang sila si Victor Wagas, 39, ug laing usa ka babaye nga gibanabang 20- anyos nga pabilin giatiman sa tambalanan apan dili pa makasulti.

Si PO1 Ramil Costan sa traffic section sa Danao Police Station miingon nga grabe usab ang drayber sa multicab nga si Dennis Ventadello, 36, kinsa napiit sa manobela.

Ang tulo paingon sa barangay Compostela gikan sa barangay Poblacion sa dakbayan sa Danao samtang ang multicab paingon sa Danao ug pulos kusog nga nagdagan ang duha dihang nagkasungag.Ang mga biktima nabunal ngadto sa multicab ug nabunal sa karsada. (BANATNEWS)