2 Suspected SM City bombers killed

[Oakboy]

---

Lider sa bombers nailhan
Joseph Elvir C. Tubilan

Lumolupyo sa siyudad sa Mandaue ang giingong lider sa duha ka mga Muslim nga napatay tungod sa ilang pagbilin og bomba atubangan sa usa ka mall sa North Reclamation Area, Siyudad sa Sugbo sa miaging semana.

Si Dino Amor Rosalejos Pareja, 24, lumolupyo sa 766 Plaridel St., Mandaue city maoy gitumbok nila ni Supt. Lani-o Nerez, deputy regional director for operations ug Supt. Augusto Marquez, hepe sa Regional Intelligence and Investigation Division, nga usa sa mga personalidad nga lumolupyo sa Sugbo nga nalambigit ining kalihukan sa RSRM.

Si Pareja ang gitumbok nga lider nilang Ali Usop ug Datu Niel Ulama nga mga sakop sa Rajah Solaiman Group (RSG).

Si Pareja, nga naila na sa ngalang Khalil, nakatungha sa usa sa mga dakong Katolikong unibersidad sa Sugbo sa kursong sa Bachelor of Science in Commerce Management Accounting apan sa University of the Philippines siya nagtungha sa high school.

Nasayran sa Sun.Star Superbalita nga na-enroll siya sa tunghaan niadtong school year 2000-2001 apan sa second semester nahagbong siya sa tanan niyang subject.

Si Pareja gitumbok nilang Supt. Lani-o Nerez, deputy regional director for operations ug Supt. Augusto Marquez, hepe sa Regional Intelligence and Investigation Division, nga si Pareja natawo sa Sorsogon apan dinhi nagtubo sa Sugbo ug dinhi na usab naminyo.

Gikataho nga si Pareja niapil sa grupo RSRM niadtong 2001 diin nipaubos siya sa pagbansay-bansay didto sa Afghanistan.

Si Marquez nipasabot nga si Pareja mao nay nangulo sa grupo human si RSRM leader Hilarion del Rosario Santos III alyas Ahmed Islam Santos ug Pio de Vera nga puli pangulo sa grupo nasikop sa milabayng tuig.

Si Pareja maoy ikatulong lider sa grupo. Siya ang bilas nga lalake ni Santos. Ang igsuong babaye ni Pareja maoy asawa ni Santos.

Nipadayag si Marquez nga si Pareja uban ang gihinganlag Abu Tarik nagpahigayon nag mga operasyon nganhi sa Sugbo sukad sa milabayng tuig.

Iyang gibutyag nga ang ilang target naglangkob sa SM City, Ayala Mall, Robinsons, Gaisano Country Mall, Marcelo Fernan Bridge, Basilica del Sto. Niño, Carbon market ug mga nailang resort sa Barangay Mactan, siyudad sa Lapu-Lapu.

Nagtuo siya nga si Pareja ug Tarik nia pa sa Sugbo nga maoy sentro karon sa manhunt operation.

Nasayran sa PRO-7 ang mga plano sa RSG nga mamombag mga establisemento ug publikong dapit sa Sugbo gikan sa tactical interrogation nga gihimo kang De Vera nga nasikop niadtong ikatulong semana sa Disyembre didto sa Zamboanga, matod ni Marquez.

Si De Vera gikataho nga paingon sa Sugbo aron makigkita kang Pareja dihang nadakpan siya.

Nag-una si Pareja kang De Vera paingon sa Sugbo niadtong Disyembre 15.

Laing kasayuran nga ilang nakuha kabahin sa grupo gikan sa Indonesian Police Department.

Dihang gihimo ang tactical interrogation, si De Vera gikataho nga nagpahibawo sa mga imbestigador nga dinhi sila sa Sugbo niadtong Hunyo 15 ngadto sa Hulyo 17, 2005 aron sugdan ang ilang operasyon.

Ang insidente niadtong Huwebes diin sila si Usop ug Ulama nisuway sa pagtanom og bomba atubangan sa entrada usa ka mall nalakip sa plano.

Namatay ang duha ka mga suspek dihang nakigpinusilay sa kapulisan.

Si Marquez nagpahibawo nga ang PRO-7 nipa-alerto sa tanang mga establisemento nga palig-unon pa ang ilang mga pagpangandam sa seguridad.

Sila si Nerez ug Supt. Carmelo Valmoria nga hepe sa Regional Operations and Plans Division nakigtigom na sa mga establisemento aron ma-briefing kabahin seguridad, dugang padayag niya.

Nitumbok si Nerez nga sila si Usop ug Ulama dunay mga warrant of arrest sa mga kasong kidnapping ug bombing sa Mindanao.

Gikompirmar niya nga ang duha manag-agaw ug nalambigit sa Pebrero 14, 2005 nga pagpamomba sa Mindanao.

Iyang gitumbok nga si Usop maoy “close associate” sa Abu Sayyaf Khadaffy Janjalani nga natawo kini sa Iligan apan nagtubo sa Maguindanao samtang si Ulama nagbase sa Cotabato.

Si Pareja nakapuyo sa Zamboanga nga posibleng iyang gikahibalag sila si Usop ug Ulama.

Subay niini, ang mga opisyal sa kapulisan nag-awhag sa publiko nga magmabinantayon. (JECT uban sa taho ni JST sa Sun.Star Cebu)

[koto]

hahaaa

its better they killed them! i even saw them putting the bomb

MOSAD way!

[mata_hari]

Lider sa bombers nailhan
Joseph Elvir C. Tubilan

Lumolupyo sa siyudad sa Mandaue ang giingong lider sa duha ka mga Muslim nga napatay tungod sa ilang pagbilin og bomba atubangan sa usa ka mall sa North Reclamation Area, Siyudad sa Sugbo sa miaging semana.

Si Dino Amor Rosalejos Pareja, 24, lumolupyo sa 766 Plaridel St., Mandaue city maoy gitumbok nila ni Supt. Lani-o Nerez, deputy regional director for operations ug Supt. Augusto Marquez, hepe sa Regional Intelligence and Investigation Division, nga usa sa mga personalidad nga lumolupyo sa Sugbo nga nalambigit ining kalihukan sa RSRM.

I for one never really thought that the above-mentioned name name is capable of something like that since he a very nice, smart, sensitive person way back in highschool.