ang kaanindot sa kinabuhi makita lamang diha sa panagtapok ug panagsikit sa nagkalainlaing matang ug bulok sa butang dinhi sa ibabaw sa kalibutan. Sama sa usa ka dapit diin adunay daghang nagkadaiyang bulak, sama sa usa ka sook nga nagakapundok ang mga tawong managlahi'g dagway ug batasan, sama sa usa ka kalibutan kansang mga lumulopyo adunay daghang hubad sa usa ka butang o panghitabo. Sus, kon usa da ang bulok sa mga kabulakan, ug managsama ang dagway
ug batasan sa mga tawo, ug walay managlalis kay uyon ang tanan sa
unsay gisulti sa usa, pagkaway lami sa kinabuhi! Busa, paminaw nako, ato gyong buhi'on sa kanunay ang pagkalunsay sa binisaya aron ang iya unyang pagkawalay sama makadugang sa pagpanindot dili lang sa natad sa nagkalainlaing pinulongan sa
kalibutan apan usab sa natad sa paghulmag mga panghunahuna'g mga panglantaw nga makatabang pagpalambo sa atong kasaysayan. Sa unsa man kahang kahimtang nga makapaduga'g panindot ug pagpalambo sa kalibutan ang pagpaningkamut sa pagpalunsay sa pinulongan? mao ni giingo'g ATANGI! uyon ka ba ining akong pangagpas? -Tansyong-
Abanti Bisaya
Reply With Quote
Posting Permissions
